Uşaqlar üçün ayrıca telekanal açılacaqmı? — RƏSMİ AÇIQLAMA

Uşaqlar üçün ayrıca telekanal açılacaqmı?
09:01
18.08.2017
15
Ölkə
A
"Azəbaycan kimi ərazisi kiçik olan, əhalisinin sayı çox olmayan ölkələrdə sahə xarakterli televiziya kanallarının açılması məqsədəuyğun deyil".

"Ölkə.Az" xəbər verir ki, bunu Trend-ə Milli Televiziya və Radio Şurasının (MTRŞ) sədri Nuşirəvan Məhərrəmli deyib.

O qeyd edib ki, Azərbaycanda uşaq kanalının açılması ilə bağlı müzakirələr gedirdi, hətta Ailə, Qadın və Uşaq Problemləri üzrə Dövlət Komitəsi belə bir təkliflə çıxış etmişdi:

"Amma hesab edirik ki, bunun üçün mövcud televiziya kanallarının potensialından istifadə etmək daha doğru olardı. Uşaqlarla bağlı ayrı televiziya kanalının yaradılması böyük maliyyə vəsaiti tələb edir. Bilirsiniz ki, Azərbaycanda mədəniyyət kanalı, idman kanalı açılıb, yəni bu, Azərbaycan dövlətinin bu sahələrə verdiyi xüsusi diqqətdir. Əgər Azərbaycan dövləti uşaq televiziyası ilə bağlı maliyyə məsələsini öhdəsinə götürərsə, bu məsələyə baxıla bilər".

N.Məhərrəmlinin sözlərinə görə, MTRŞ çalışır ki, Azərbaycanda uşaqların mənafeyinə uyğun verilişlərin sayı çoxalsın, cizgi filimlərinin sayı artsın: "Hətta bununla bağlı bir neçə dəfə müraciətlər etmişik. Azərbaycanda bölgə kanalı kimi "ARB Günəş" adında kanal son zamanlar öz funksiyasını dəyişərək uşaqlarla bağlı verilişlər hazırlayan bir kanala çevrilib. Hətta biz onun yayımını kabel şəbəkələrinə də keçirtdik ki, Azərbaycanda uşaqlar bu kanala baxa bilsinlər".

ŞƏRH YAZ
0

Sabah 19 dərəcə isti olacaq

Sabah 19 dərəcə isti olacaq
13:14
Bu gün
79
Ölkə
A
Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən "Ölkə.Az"a verilən məlumata görə, gecə və səhər bəzi yerlərdə zəif duman olacaq, mülayim cənub küləyi əsəcək.
 
Havanın temperaturunun Abşeron yarımadasında gecə 10-13, gündüz 14-17, Bakıda gecə 11-13, gündüz 15-17 dərəcə isti olacağı gözlənilir.
Atmosfer təzyiqi 765 mm civə sütunundan 761 mm civə sütununa enəcək, nisbi rütubət 70-80 faiz təşkil edəcək.

Azərbaycanın rayonlarında isə noyabrın 19-da hava şəraitinin əsasən yağmursuz keçəcəyi,  gecə və səhər bəzi yerlərdə duman olacağı gözlənilir. Şərq küləyi əsəcək. Havanın temperaturunun gecə 6-11, gündüz 15-19 dərəcə isti, dağlarda gecə 0-4, gündüz 6-11 dərəcə isti olacağı gözlənilir.

ŞƏRH YAZ
0

Daxili orqanından heroin aşkarlandı

Daxili orqanından heroin aşkarlandı
11:48
Bu gün
803
Ölkə
A
Daxili orqanında psixotrop maddə və narkotik vasitə aşkar edilib.

"Ölkə.Az"ın Dövlət Gömrük Komitəsinə istinadən verdiyi məluymata görə, Astara Gömrük İdarəsinin hüquqpozmalara qarşı mübarizə şöbəsinə daxil olan məlumat əsasında, İran İslam Respublikasından Azərbaycana piyada yolla gələn ölkə vətəndaşı saxlanılıb.

İdarənin Sərnişin şöbəsində saxlanılan vətəndaşın üzərində şəxsi yoxlama zamanı zərurət yarandığı üçün o Astara Rayon Mərkəzi Xəstəxanasına aparılıb. Xəstəxanada tibbi müdaxilə nəticəsində, vətəndaşın daxili orqanında 3 ədəd bağlamada, xalis çəkisi 58,501 qram təşkil edilən psixotrop maddə - metamfetamin və 1 ədəd bükümdə, xalis çəkisi 0,090 qram təşkil edən narkotik vasitə - heroin aşkar olunub. Faktla bağlı araşdırma aparılır.

ŞƏRH YAZ
0
BAĞLA