Uşaqları döyən tərbiyəçi həbs edildi, müdir barəsində cinayət işi başlandı

Uşaqları döyən tərbiyəçi həbs edildi, müdir barəsində cinayət işi başlandı
18:10
14.06.2018
1473
Hadisə
A
Bakıda “Kids Studio Uşaq Mərkəzi”ndə baş vermiş qanunsuzluqla bağlı artıq hüquq-mühafizə orqanları qanuni tədbirlər görməyə başlayıblar.

“Ölkə.Az”ın xəbərinə görə, 2 gün öncə uşaqlara qarşı kobud davranan Firuzə Tağıyeva adlı tərbiyəçi Yasamal RPİ-i tərəfindən şübhəli şəxs qismində saxlanılıb, bu gün isə artıq onun barəsində Yasamal Rayon Məhkəməsinin qərarı ilə həbs qətimkan tədbiri seçilib. Bağçanın müdiri Nigar Müseyibova barəsində isə cinayət məcəlləsinin 314.1 (səhlənkarlıq) maddəsi ilə cinayət işi başlanıb və barəsində polis nəzarəti altına vermə qətimkan tədbiri seçilib. 

Qeyd edək ki, adı çəkilən bağçada uşaqlara qarşı kobud rəftar, təhqir və işgəncə faktlarının əks olunduğu videogörüntülərlə bağlı Firuzə Tağıyevaya qarşı Yasamal RPİ-də cinayət məcəlləsinin 133.2.1 (Əzab vermə; iki və ya daha çox şəxsə qarşı törədildikdə) və 133.2.4-cü (əzab vermə; təqsirkar şəxs üçün aşkar surətdə yetkinlik yaşına çatmayan, habelə köməksiz vəziyyətdə olan şəxsə qarşı törədildikdə) maddələri ilə cinayət işi başlanıb. 

Xatırladaq ki, bağça artıq fəaliyyət göstərmir.

 "Bu gün bağçaya uşaq gəlməyib. Fəaliyyətimizi dayandırmışıq. Valideynlərə də məlumat verilib. Hazırda bağçada yalnız işçilər var. Sənədləşmə işləri aparılır. Videoda olan müəllimə artıq işdən çıxarılıb", - deyə bağçadan bildirilib.

ŞƏRH YAZ
0

Beyləqanda kombayn və taxıl sahəsi yanıb

Beyləqanda kombayn və taxıl sahəsi yanıb
01:18
Bu gün
644
Hadisə
A
Beyləqanda kombayn yanıb.

"Ölkə.Az"a Fövqəladə Hallar Nazirliyindən verilən məlumata görə, rayonun Bolsulu kəndində "KLASS" markalı kombaynın mühərrikinin yanar hissələri və 2 ha biçilmiş taxıl sahəsi yanıb.

Kombaynın qalan hissəsi və digər sahələr yanğından mühafizə olunub. Yanğın yanğın bölmələri tərəfindən söndürülüb.

Ölkə.Az

ŞƏRH YAZ
0

Bakıda velosiped minik maşını ilə toqquşub — FOTO

Bakıda velosiped minik maşını ilə toqquşub
00:39
Bu gün
785
Hadisə
A
Ötən gün axşam saatlarında paytaxt ərazisində velosiped "Toyota Camry" markalı avtomobil ilə toqquşub.

"Ölkə.Az" Report-a istinadən xəbər verir ki, qəza Azərbaycan Dövlət Akademik Dram Teatrı yaxınlığında qeydə alınıb.

Qəza nəticəsində velosipedçi, 1994-cü il təvəllüdlü Bakı şəhər sakini Fərzəliyev Elvin Elxan oğlu yaralanıb. Yaralı dərhal Təcili Tibbi Yardım avtomobili ilə xəstəxanaya çatdırılıb.

E.Fərzəliyevin "Report"a verdiyi məlumata görə, o, hadisədən sonra huşunu itirib. Bu səbəbdən velosipedi də oğurlanıb. E.Fərzəliyevin dediyinə görə, polis artıq ona aid olması ehtimal edilən velosipedi tapıb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA