Uşaqların əsas problemləri — 33 minə yaxın müraciət edilib

Uşaqların əsas problemləri
20:00
12.01.2018
2847
Ölkə
A
Fəaliyyət göstərdiyi yeddi il ərzində “Azərbaycan Uşaq Qaynar Xətt” xidmətinə müxtəlif problemlərlə bağlı ölkənin bir çox şəhər və rayonlarından uşaqlar və gənclər, habelə valideynlər tərəfindən 32708-ə yaxın müraciət edilib.

Xidmətdən "Ölkə.Az"a verilən xəbərə görə, qaynar xətt xidmətinə edilən zənglərin sayı hər rüb artmaqdadır. Qeyd olunub ki, Azərbaycan Uşaq Qaynar Xətt Xidmətinin 2010-2017-ci il tarixinə qədər qeydə alınmış statistik göstəricilər aşağdakı kimidir:

*Psixoloji problemlərlə edilən müraciətlərin sayı -7050;
*Təhsil sahəsini əhatə edən müraciətlər - 7715;
*Sosial sahəyə aid müraciətlər - 8167;
*Hüquqi sahə ilə bağlı müraciətlər -5446;
*Səhiyyə sahəsinə aid istiqamətlənən müraciətlər - 1771;
*Digər zənglər - 2559 olub.

Bildirilib ki, qeyd olunan müddət ərzində daxil olan zənglərin əhatə dairəsi təkcə Bakı şəhəri və rayonlarlar ilə məhdudlaşmayıb. Belə ki, xidmətə İs¬tan¬bul, Moskva, Ukrayna, Gürcüstan, Dağıstan, Cənubi Koreya, Avstriya, Sank – Peterburq, Şimali Kipr, Qazaxıstandan da müraciətlər daxil olub. Azərbaycan Uşaq Qaynar Xətt xidmətinə 2017-ci ilin yanvar-dekabr hesabat dövrü ərzində 3424 müraciət daxil olub. Müraciətlər şəhərdaxili (1824), mobil telefon (2204), mobil sms (15) müraciət daxil olub. 

Aparılan təhlil nəticəsində aşağıdakı sahələr üzrə müraciətlər qəbul edilib: Psixoloji problemlərlə bağlı müraciətlər – 467, təhsil sahəsi ilə bağlı müraciətlər – 1958, sosial sahə ilə bağlı müraciətlər – 530, hüquqi sahə ilə bağlı müraciətlər – 283, səhiyyə sahəsi ilə bağlı müraciətlər – 18, digər zənglər isə 175 olub.

ŞƏRH YAZ
0

Sumqayıt Texnologiyalar Parkının ərazisində 7 top mərmisi tapılıb — FOTO

Sumqayıt Texnologiyalar Parkının ərazisində 7 top mərmisi tapılıb
20:14
Bu gün
695
Ölkə
A
Sumqayıt Texnologiyalar Parkının ərazisində 7 top mərmisi tapılıb.

Ərazilərin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, bu gün saat 10:42-də Fövqəladə Hallar Nazirliyinin Böhran Vəziyyətlərində İdarəetmə mərkəzindən və saat 10:50-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Sumqayıt şəhəri, Hacı Zeynalabdin Tağıyev qəsəbəsi ərazisində partlamamış hərbi sursatın tapılması barədə məlumatlar daxil olub.

Məlumatlara əsasən agentliyin xüsusi mobil çevik əməliyyat qrupu və Sumqayıt şəhər Polis idarəsinin əməkdaşları dərhal həmin əraziyə göndərilib.

Agentliyin mütəxəssisləri və Daxili İşlər Nazirliyinin Sumqayıt şəhər Polis idarəsinin əməkdaşları tərəfindən birlikdə yuxarıda adı qeyd olunmuş ərazidə Sumqayıt Texnologiyalar Parkının (STP) ərazisinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 7 ədəd top mərmisi aşkar olunub, 3 ədəd mərminin daşınması mümkün olduğuna görə zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb, 4 ədəd mərminin daşınması təhlükəli olduğu üçün növbəti iş günündə yerində zərərsizləşdirilməsi nəzərdə tutulur.

Partlamamış hərbi sursatların tapıldığı yerin ətrafında 1 000 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

25 şəhərdə su və kanalizasiya şəbəkələri tikilib

25 şəhərdə su və kanalizasiya şəbəkələri tikilib
20:00
Bu gün
854
Ölkə
A
“Azərsu” ASC-nin “Birləşmiş Sukanal” MMC-də bu ilin doqquz ayının istehsalat-təsərrüfat fəaliyyətinin yekunlarına və qarşıda duran vəzifələrə həsr olunmuş iclas keçirilib.

“Azərsu” ASC-dən "Ölkə.Az"a verilən məlumata görə, “Birləşmiş Sukanal” MMC-nin direktoru Ramin Sadıqov bildirib ki, bu ilin yanvar-sentyabr aylarında regionlarda yaşayan əhaliyə göstərilən içməli su təchizatı və kanalizasiya xidmətlərinin yaxşılaşdırılmasını nəzərdə tutan layihələrin icrası uğurla davam etdirilib. Mingəçevir və Astara şəhərlərində içməli su şəbəkələrinin, Xaçmaz, Xızı və Lerik şəhərlərində isə içməli su və kanalizasiya şəbəkələrinin tikintisi yekunlaşıb, Prezident İlham Əliyevin iştirakı ilə açılış mərasimləri keçirilib. Bununla da, su təchizatı və kanalizasiya sistemlərinin yenidən qurulmasına başlanmış 50 şəhər və rayon mərkəzinin 25-də su və kanalizasiya şəbəkələrinin, 11-də isə su şəbəkələrinin inşası yekunlaşdırılıb.

Qeyd olunub ki, bu sahədə həyata keçirilən tədbirlərin ardıcıllığını təmin etmək məqsədilə dövlət başçısı Mingəçevir, Tovuz, Ağstafa, Şirvan və Ağdaş şəhərlərinin su təchizatının yaxşılaşdırılması və kanalizasiya sistemlərinin yenidən qurulması ilə bağlı müvafiq sərəncamlar imzalayıb. Bununla yanaşı, “Əhalinin içməli su ilə təminatının yaxşılaşdırılmasına dair əlavə tədbirlər haqqında” Prezident İlham Əliyevin imzaladığı sərəncama əsasən, 22 rayonun 41 kəndində içməli su layihələri icra olunur.

İlin ötən dövründə bu sahədə işlər sürətlə davam etdirilib, kənd layihələri çərçivəsində ümumilikdə 305 kilometr uzunluğunda su xətləri çəkilib, əhalinin ümumi istifadəsi üçün 617 bulaq quraşdırılıb. Hesabat dövründə, həmçinin Nazirlər Kabinetinin qərarına əsasən, Ekologiya və Təbii Sərvətlər Nazirliyinin balansında olan, respublikanın 24 rayonunun 481 yaşayış məntəqəsində 460 ədəd modul tipli sutəmizləyici qurğu “Birləşmiş Sukanal” MMC-nin xidmətinə verilib.

Sonra “Birləşmiş Sukanal” MMC-nin direktor müavini Vəfa Qəyyumov, “Gəncə Sukanal” TSC-nin direktoru Natiq Əhmədov, Tovuz Sukanal İdarəsinin rəisi Azər Zeynalov, Zaqatala Sukanal İdarəsinin rəisi Elbrus Muradov, Ağstafa Sukanal İdarəsinin rəisi Rövşən Lətifov, Göygöl Sukanal İdarəsinin rəisi Ağahüseyn Məhəmmədov, Tərtər Sukanal İdarəsinin rəisi Elnur Abbasov və “Birləşmiş Sukanal” MMC Həmkarlar İttifaqı Komitəsinin sədri Cabir Rüstəmov çıxış edərək müvafiq sahələr üzrə 2018-ci ilin doqquz ayı ərzində görülmüş işlər və həyata keçirilmiş tədbirlər barədə ətraflı məlumat veriblər.

İclasın sonunda regionlarda yaşayan əhaliyə göstərilən içməli su təminatı və tullantı sularının axıdılması xidmətlərinin daha da yaxşılaşdırılması, suyun keyfiyyətinə nəzarətin gücləndirilməsi, ödəniş səviyyəsinin yüksəldilməsi ilə bağlı tapşırıqlar verilib.

Ölkə.Az

ŞƏRH YAZ
0
BAĞLA