Uşaqlarınıza bu adları verə bilərsiniz: İbniamin, İqlimə, İnsanət, İrangül İlfirə, İnfil, İnalşad, İsparə — SIYAHI

Uşaqlarınıza bu adları verə bilərsiniz: İbniamin, İqlimə, İnsanət, İrangül İlfirə, İnfil, İnalşad, İsparə
15:28
14.06.2018
2159
Ölkə
A
Azərbaycanda yeni doğulan körpələrə qoyulmasına icazə verilən daha bir qisim maraqlı adlar açıqlanıb.

"Ölkə.Az"ın məlumatına görə, adlar siyahısında İbniamin, İfaq, İgidəli, İqamət, İqdam, İkahəddin, İlarslan, İlbaşı kimi kişi, İfaqət, İfayə, İffətli, İfrat, İqlimə, İlafət kimi qadın adları yer alıb.

Valideynlər övladlarına İldar, İldəniz, İlgiz, İlgün, İlkinər, İlig, İlnamə, İlzər, İmad, İmamir kimi kişi, İlfirə, İlkün, İmmi, İnab, İnsanət, İrangül kimi qadın adları da qoya bilərlər.

Adlar siyahısında İmar, İmrə, İmrən, İmriz, İmruz, İnad, İnal, İnalşad, İnar, İnfil, İnşad, İrad, İşxan, İstəm, İstəmi kimi kişi, İsparə, İsmira, İşarə, İşvəkar kimi qadın adları da qeyd olunub.

ŞƏRH YAZ
1

Pirşağının yolları bərbad vəziyyətdədir — VİDEO

Pirşağının yolları bərbad vəziyyətdədir
23:45
22.02.2019
3170
Ölkə
A
Sakinlərin şikayəti Pirşağı qəsəbəsi “Lokomotiv” adlanan ərazidəndir. Belə ki, yol ayrıcının bir hissəsi təmir olunsa da, digər hissəsi təmirsiz və bərbad vəziyyətdədir. Sakinlər bildirirlər ki, yolun bu vəziyyətdə olması onların gediş-gəlişi üçün çətinlik yaradır.

"Ölkə.Az" bildirir ki, “Baku TV”nin əməkdaşları adıçəkilən qəsəbədə real vəziyyətlə tanış olub. 

Çəkiliş apardıqları müddətdə onlar yolların, həqiqətən də, bərbad vəziyyətdə olmasının, nəqliyyat vasitələrinin çətinliklə hərəkət etməsinin şahidi olublar.

Məsələ ilə bağlı Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli bildirib ki, həmin ərazi onların nəzarətində deyil.

“Ancaq onu deyə bilərik ki, bu ildən qəsəbədaxili yolların təmirinə start verilib. Yaxın gələcəkdə  həmin yollarda təmir işləri aparılacaq”, - deyə o əlavə edib.

Ölkə.Az

ŞƏRH YAZ
0

Ağdamda zenit top mərmisi tapılıb — FOTO

Ağdamda zenit top mərmisi tapılıb
23:00
22.02.2019
2603
Ölkə
A
Ağdam rayonunda mərmi tapılıb.

Ərazilərin Minalardan Təmizlənməsi üzrə Milli Agentlikdən (ANAMA) "Ölkə.Az"a verilən məlumata görə, bu gün saat 12:38-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Ağdam rayonu, Əhmədağalı kəndi ərazisində mərminin tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Ağdam rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Ağdam rayon Polis şöbəsinin əməkdaşları tərəfindən birlikdə yuxarıda adı qeyd olunmuş əraziyə baxış keçirilib. Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd 30 mm-lik zenit top mərmisi (OFZ) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Zenit top mərmisinin ətrafında 1,000 kv.m əraziyə yerüstü, 100 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0
BAĞLA