Üzeyir Hacıbəyli Türkiyə mediasında — VİDEO

Üzeyir Hacıbəyli Türkiyə mediasında
14:28
18.09.2019
6246
Mədəniyyət
A
Bu gün Üzeyir Hacıbəylinin doğum günüdür. 1995-ci ildə isə Prezident Heydər Əliyevin fərmanı ilə dahi bəstəkarın anadan olmasının 110 illik yubileyi ərəfəsində 18 sentyabrın Milli Musiqi Günü kimi qeyd olunması qərara alınıb.

“Ölkə.Az” xəbər verir ki, dahi bəstəkarın doğum günü Azərbaycanın hüdudlarından kənarda da qeyd olunur.

Üzeyir Hacıbəylinin doğum günü münasibəti ilə qardaş Türkiyə televiziyası “Bir Ulusun Sanat Dehası – Üzeyir Hacıbeyli ” adlı bir film hazırlayıb.

“Haber Global” telekanalının hazırladığı filmdə Üzeyir bəyin keçdiyi həyat və yaradıcılıq yolundan bəhs edilir.

Film Bakı vaxtı ilə saat 21.20-də yayımlanacaq.

Vüsalə Balayeva

Ölkə.Az

ŞƏRH YAZ
0

Azərbaycanın “Çölçü” filmi Hindistanda iki mükafat aldı

Azərbaycanın “Çölçü” filmi Hindistanda iki mükafat aldı
00:05
Bu gün
2547
Mədəniyyət
A
Hindistanın Kəlküttə şəhərində keçirilən “Crown Wood Beynəlxalq Film Festivalın”da Şamil Əliyevin “Çölçü” filmi “Best Narratıve Feature” (Ən yaxşı bədii film) və “Best dırector” (Ən yaxşı rejissor) mükafatlarının qalibi elan edilib.

"Ölkə.Az" xəbər verir ki, Şamil Əliyevin “Çölçü” filmi Mədəniyyət Nazirliyinin sifarişi ilə “Azərbaycanfilm” kinostudiyasında 2012-ci ildə istehsal olunub. Film 5 qitəni əhatə edən 60 beynəlxalq film festivalında iştirak edərək 30-dan artıq müxtəlif mükafatlara layiq görülüb.

“Çölçü” ümumilikdə bir neçə dəfə “Ən yaxşı bədii film”, “Ən yaxşı rejissor işinə görə”, “Ən yaxşı ssenari”, “Ən yaxşı qadın oyunçu”, “Yaradıcılıq axtarışlarına görə”, eləcə də münsiflər heyətinin xüsusi diplom və mükafatlarına, “Humay” milli mükafatına layiq görülüb.

Filmin ssenari müəllifi Vidadi Həsənov, operatoru Rafiq Quliyev, rəssamları Rafiq Nəsirov və İbrahim Aminovdur. Prodüser M. Hətəmovdur. Filmdə Vidadi Həsənov, Bəhruz Vaqifoğlu, Cavidan Məmmədov və başqaları çəkiliblər.

Ölkə.Az

ŞƏRH YAZ
0

Əli Əsədovdan Mədəni İrsin Qorunması ilə bağlı — QƏRAR

Əli Əsədovdan Mədəni İrsin Qorunması ilə bağlı
23:02
18.02.2020
2455
Mədəniyyət
A
Nazirlər Kabineti Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin regional idarələrinin ərazi mənsubiyyətinin, ştat sayının müəyyən edilməsi və bununla bağlı maddi-texniki təminat məsələlərinin həlli haqqında qərar imzalayıb.

"Ölkə.Az" xəbər verir ki, bununla bağlı qərarı Baş Nazir Əli Əsədov imzalayıb.

Qərarla "Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin regional idarələrinin ərazi mənsubiyyətinin bölgüsü" təsdiq edilib.

Eyni zamanda Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin regional idarələrinin işçilərinin say həddi 215 ştat vahidi, o cümlədən regional idarələrin aparatı üzrə cəmi 20 ştat vahidi, abidə mühafizəçiləri üzrə 195 ştat vahidi müəyyən edilib.

Qərara əsasən, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin regional idarələrinin 2020-ci ildə saxlanılması xərclərinin maliyyələşdirilməsi Azərbaycan Respublikasının 2020-ci ilin dövlət büdcəsində "Mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət" bölməsində Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti üçün nəzərdə tutulmuş vəsait hesabına həyata keçiriləcək.

Ölkə.Az

ŞƏRH YAZ
0
BAĞLA