Üzeyir Hacıbəylinin məzarı ziyarət olundu — FOTO

Üzeyir Hacıbəylinin məzarı ziyarət olundu
13:46
18.09.2017
322
Mədəniyyət
A
Milli Musiqi günü münasibətilə ilə mədəniyyət və incəsənət xadimləri l Fəxri xiyabanda Üzeyir Hacıbəylinin məzarını ziyarət ediblər.

"Ölkə.Az"ın APA-ya istinadən məlumatına görə, mərasimdə mədəniyyət və turizm naziri Əbülfəs Qarayev, nazir müavini Ədalət Vəliyev, Bakı Musiqi Akademiyasının rektoru Fərhad Bədəlbəyli, musiqiçilər, incəsənət xadimləri iştirak ediblər.

Nazir Əbülfəs Qarayev bildirib ki, hər il ənənəvi olaraq keçirilən Milli Musiqi günü Azərbaycanda musiqi bayramına çevrilib: "Üzeyir bəyin adı Azərbaycan musiqi tarixinə qızıl hərflərlə yazılıb. Onun yaratdığı musiqilər təkcə Azərbaycan yox, ölkəmizin hüdudlarından kənarda da böyük uğurla səslənir. Onun tarixdə qoyduğu iz heç nə ilə müqayisə oluna bilməz. Azərbaycan milli mədəni sərvətlərini musiqi dili ilə çatdırmağı bacaran və onu dünyada tanıdan Üzeyir musiqisi bu gün bəşəriyyətin ən uca musiqi nümunələri siyahısındadır. Bu il də Milli Musiqi Günü münasibətilə bir sıra geniş musiqi tədbirləri keçiriləcək".

Bakı Musiqi Akademiyasının rektoru Fərhad Bədəlbəyli Milli Musiqi Günün keçirilməsinin əhəmiyyətindən danışıb, Üzeyir Hacıbəylinin yaratdığı zəngin irsə nəzər salıb. Onun sözlərinə görə, hər il dünyanın müxtəlif ölkələrindən gələn musiqiçilər Azərbaycan mədəniyyəti  ilə daha yaxından tanış olmaq imkanı qazanır.

Tədbir Milli Konservatoriyada davam etdirilib.

Qeyd edək ki, Heydər Əliyev Fondunun və Mədəniyyət və Turizm Nazirliyinin təşkilatçılığı ilə 18-26 sentyabr tarixində Üzeyir Hacıbəyliyə həsr olunmuş IX Beynəlxalq Musiqi Festivalı da keçiriləcək.

Festivalda Almaniya, Rusiya, Türkiyə, Gürcüstan, Fransa, Bolqarıstan, Ukrayna, İrandan tanınmış musiqiçilər və kollektivlər – Yeni  Münhen Filarmonik orkestri, Novosibirsk Filarmonik Orkestri, Rusiya Fortepiano Triosu, Daşkənd Akademik Orkestri, Gürcüstan xoru, Eliso Bolkvadze, Plamena Manqova, Aleksey Semenenko, Sergey Doqadin, Boris Andrianov, Filipp Kopaçevski, Ertu Korkmaz, Berdiya Kiyares və başqaları iştirak edəcəklər.

ŞƏRH YAZ
0

Üzeyir Hacıbəyli bu bəstəkarın adını dəyişibmiş — TARİXİ FAKT

Üzeyir Hacıbəyli bu bəstəkarın adını dəyişibmiş
13:18
Bu gün
2629
Mədəniyyət
A
Əməkdar artist Fehruz Səxavət "Onda başladıq" verilşində çox maraqlı tarixi fakt açıqlayıb.

"Ölkə.Az"ın məlumatına görə, xanəndə  əfsanəvi bəstəkar Cahangir Cahangirovun adının sonradan qoyulduğunu bildirib:

"Cahangir Cahangirov yazdığı əsəri Üzeyir Hacıbəylinin yanına gətirir. Üzeyir bəy soruşur ki, adın nədir? Deyir, Balaqədeş. Əsərdən xoşu gəldiyi üçün dərhal gənc bəstəkarın gələcəyini düşünür. Soruşur ki, soyadın nədir? Deyir ki, Cahangirov. Üzeyir bəy deyir ki, bundan sonra sən oldun Cahangir Cahangirov. Məhz ondan sonra gənc bəstəkar rəsmi şəkildə Balaqədeş adını Cahangir adıyla əvəzləyir".

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU 
Ölkə.Az

ŞƏRH YAZ
0

"Zəhra gözəl addır, amma 14 min nəfərə yox" — Təvəkkül Səlimov

11:33
Bu gün
3220
Mədəniyyət
A
"Biz övladlarımıza yalnız türk mənşəli adlar qoya bilmərik. Ərəbin, farsın, həmçinin Avropanın gözəl adlarını da övladlarımıza verməliyik".

"Ölkə.Az"-ın məlumatına görə, bu fikirləri "Space" telekanalında Kamran Həsənlinin aparıcılığıyla yayımlanan "Onda başladıq" verilişində professor Təvəkkül Səlimov səsləndirib. Alimin sözlərinə görə, bu, mədəni əlaqələrin inkişafı baxımından da da müsbət haldır:

"Zəhra da gözəl addır, amma 14 min dənə yox. Mənim nəvəmin adı da Zəhradır, ölürəm onunçun. Ancaq biz Avropa adlarını da qoymalıyıq. Telman məşhur alman kommunistdir, amma Bakı kəndlərində onlarla belə adlar var".

Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

İntiqam VALEHOĞLU 
Ölkə,Az

ŞƏRH YAZ
0
BAĞLA