Üzüm yığmaq istəyən baş həkim canından oldu

Üzüm yığmaq istəyən baş həkim canından oldu
02:02
10.09.2019
4665
Hadisə
A
Ağsuda həkim üzüm çardağından yıxılıb.

"Ölkə.Az" oxu.az-a istinadən xəbər verir ki, hadisə rayonun Bəklə kəndində qeydə alınıb. 

Kənd sakini, 67 yaşlı Balamirzə Məsimov üç gün əvvəl yaşadığı evin həyətindəki çardaqdan üzüm yığarkən yıxılıb.

İlkin ehtimala görə, onun qabırğaları sınıb. Dərhal xəstəxanaya çatdırılan B.Məsimov dünən daxili qanaxmadan vəfat edib.

Qeyd edək ki, Balamirzə Məsimov Qobustan rayon Mərkəzi Xəstəxanasında həkim müavini işləyib. Eləcə də, cərahiyyə şöbəsinin baş həkimi olub.

Faktla bağlı araşdırma aparılır.

Ölkə.Az

ŞƏRH YAZ
0

Azərbaycanlı tələbə və ailəsi Çindən buraxılmır — Virusa görə

Azərbaycanlı tələbə və ailəsi Çindən buraxılmır
09:18
Bu gün
620
Hadisə
A
Çində yayılan koronovirus təhlükəsi ölkənin Hubey vilayətinin on üç şəhərində karantin elan edilməsi ilə nəticələnib. Karantin elan edilən ərazilərdə azərbaycanlı tələbələr də var və onlar ölkəyə qayıda bilmir.

"Ölkə.Az" xəbər verir ki, mövcud durumla bağlı Modern.az-a danışan Çinin karantin elan edilmiş Vuhan şəhərində yaşayan doktorantura tələbəsi Leyla Quliyeva övladının xəstəliyə yoluxacağından çox narahat olduğunu deyir:

“Mən avqust ayından Huazhong University of Science and Technology  universitetində doktorantura təhsili almaq üçün Vuhan şəhərindəyəm.

Ailəm də noyabr ayından etibarən mənimlə birgə burada yaşayır. İki gün bundan əvvəl gecə saat 2-də xəbərdarlıq olundu ki, şəhəri kim tərk etmək istəyirsə etsin, növbəti günlərdə bu, mümkün olmayacaq.

Lakin xəbərdalıq gecə edildiyindən bizim bu barədə məlumatımız olmayıb. Bəzi azərbaycanlı tələbələr xəbərdarlığı eşidib şəhəri tərk edə bildi. Artıq xəbərdarlıq ediləndən 7-8 saat sonra səhər saat 10:00-da şəhərə giriş-çıxış bağlandı.

İctimai nəqliyyat işləmir, evdən çölə çıxa bilmirik. Azərbaycanın Çindəki səfirliyi, konsulluq özü mütəmadi şəkildə bizimlə əlaqə saxlayır, həm maddi, həm də mənəvi yardım edəcəklərini bildirilər”.

Leyla Quliyeva yaxın zamanlarda təxliyyənin baş tutma ehtimalının olduğunu deyir:

“Bizim burdan təxliyə olunmağımızla bağlı səfirlik Vohan hökuməti ilə danışıqlar aparır. Lakin Çin tərəfi nəinki Azərbaycan səfirliyinə, bütün digər səfirliklərə təxliyyə məsələsi ilə bağlı neqativ cavab verir. Bir neçə saat bundan öncə bizə dedilər ki, ola bilsin ki, yaxın zamanda burdan təxliyyə olunaq.

Övladıma görə çox narahatam, 7 yaşı var, immuniteti zəifdir, xəstəliyə yoluxa bilər. Düzdür, tez-tez evi dezinfeksiya edirik, əllərimizi spirtləyirik, amma yenə də narahatam. Azərbaycan səfirliyi də uşağa görə çox narahatdır, buna görə də əllərindən gələni edirlər”.

Ölkə.Az

ŞƏRH YAZ
0

80 azərbaycanlı tələbə Türkiyənin zəlzələ zonasından Naxçıvana təxliyyə olunub — FOTO

80 azərbaycanlı tələbə Türkiyənin zəlzələ zonasından Naxçıvana təxliyyə olunub
00:12
Bu gün
943
Hadisə
A
Türkiyədə zəlzələ zonasında təhsil alan azərbaycanlı tələbələr iki avtobusla Naxçıvana yola düşüb.

"Ölkə.Az" xəbər verir ki, APA-nın yerli bürosuna Azərbaycanın Türkiyədəki səfirliyinin ikinci katibi Mürşüd Məmmədovun verdiyi məlumata görə, Elazığdan çıxan birinci avtobus yerli vaxtla saat 17:00-da Naxçıvan sərhədi istiqamətində yola çıxıb, avtobusda 41 tələbə olub: “İkinci avtobus Malatyadan 30 tələbəni götürüb Elazığa start alıb, orada 10-dək tələbəmizi də götürüb sərhədə doğru yola çıxacaq”.

Elazığ Fırat Universitetindən APA-ya verilən xəbərə görə, universitetdə 232 Azərbaycan vətəndaşı olan tələbə təhsil alır. Malatyadakı İnönü Universitetində isə təhsil alan azərbaycanlı tələbələrin sayı 100-dən çoxdur.

M.Məmmədov bildirib ki, hazırda tələbələr tətildə olduqlarına görə, əksəriyyəti vətənə gedib: “Amma qaynar xəttimiz fəaliyyətdədir. Zəlzələ ərazisində yaşayan tələbələrimizlə yanaşı, digər Azərbaycan vətəndaşları olan şəxslər təxliyyə üçün müraciət edə bilərlər”.

Qeyd edək ki, Prezident İlham Əliyev Türkiyədə azərbaycanlı tələbələrin zəlzələ zonasından təxliyyəsi ilə bağlı tapşırıq verib.

ŞƏRH YAZ
0
BAĞLA