“Üzümü qibləyə çevirin, məni gözləyirlər” — Mərhum diktorun qızı anasının ölümündən DANIŞDI (VİDEO)

“Üzümü qibləyə çevirin, məni gözləyirlər”
13:49
28.05.2019
4775
Mədəniyyət
A
ARB TV-nin “Bu qədər” proqramının növbəti buraxılışında mərhum diktor, əməkdar artist Natavan Hacıyeva həyatından danışılıb.

Aparıcının ailə üzvləri və iş yoldaşları onunla bağlı xatirələrini bölüşüb:

Ofelia Sənani – Xalq artisti: “Çox yaxşı, mehriban və çalışqan qız idi. Özünə qarşı tələbkar biri idi. Bizim diktorlar olan otaqda, mən Natavanın səsini hələ yüksəkdən eşitməmişdim. Onun saç düzümü yaxşı olmasa idi efirə çıxmazdı. O, salonda saçlarını düzətdirib işə elə gəlirdi. Yatanda da özünə zülm edib yaylıqla bağlayırdı ki, saçı dağılmasın. Eləcə, o bir həftə saç düzümünü davam etdirirdi. Məğrur qadın idi. Əzəldən sevgi görmədi. Bu səbəbdən ona ürəyim ağrıyıb, yazığım gəlib. Hər zaman sağlam, cüssəli olub. O möhkəm cüssəli xanımı belə xəstəlik yaxaladı, mən bununla barışa bilmirəm”.

Cəmilə Davudova – qızı: “Onların çox gözəl kollektivi var idi. O, balaca otaq onların yuvası idi. Verilişə hazırlaşanda gecə yatmırdı. Deyirdim ki, elə bil birinci dəfədir efirə çıxırsan. Deyirdi ki, sən onu başa düşməzsən, məni xalqım yaşadır. Onun çalışdığı televiziyada yaşlı nəslin diktorlarına başqa cür münasibət oldu, hamı təqaüdə çıxdı. Amma orada işləyə bilərdilər. Nəsə belə alındı. Anidən müayinədən keçdi. Sağlam adam... Düzdü özünə demədilər, sadəcə dedilər ki, qaraciyərinizdə bir balaca problem var. O evə gəldi və sonra dedi ki, mən nahaq gedib müayinədən keçdim. Sözün düzü ondan gizlətdik, amma belə tez olmağını təsəvvür etmirdim. Aprelin 30-u elə bil can üstündə idi. Qohumlar hamı yığılmışdı. O dedi ki, çox pisəm, mən gedirəm. Deyirdi ki, sizdən ora salam aparacam, orada hamı məni gözləyir. Əlinlə göstərdi ki, məni üzü qibləyə çevirin. Biraz əziyyət çəkdi və sonra dedi ki, bugün olmuyacaq, hamınız durun gedin, olsa sabah günortaya olacaq. Heç nə yeməyən adam, səhərə yaxın məndən bir parça çörək istədi. O çörəyi öz əli ilə boğazına itələyirdi. Təəccübləndim ki, axı güclə nəyə görə yeməli idi. Bir ay idi ki, yemirdi, amma ölümünə bir neçə saat qalmış çörək istədi. Onu deyə bilərəm ki, ana, mən səni həyatımdan da çox sevirəm. Bilirəm ki, onun ruhu şaddır. Mən bu gün oturub onun xatirəsindən kamera qarşında danışıram”.

Ölkə.Az

ŞƏRH YAZ
0

Tanınmış azərbaycanlı aktyor insult keçirdi — Yaşamaq şansı çox aşağıdır - FOTO

Tanınmış azərbaycanlı aktyor insult keçirdi
11:17
Bu gün
1118
Mədəniyyət
A
Dövlət Musiqili Teatrının tanınmış aktyoru Məhərrəm Qurbanovun səhhəti qəfil pisləşib.

Bu barədə "Ölkə.Az"a Qurbanovun həmkarı Elçin İmanov məlumat verib. Onun sözlərinə görə, aktyor insult keçirib. Hazırda vəziyyəti ağırdır:  

"Ümid Allaha qalıb. Hazırda vəziyyəti çox ağırdı, komadadır, süni nəfəs aparatına qoşulub. Yaşamaq ehtimalı çox aşağıdır. Deyilənə görə təzyiqi qalxıb. Amma heç vaxt təzyiqdən şikayət etməyib. Evində yemək yediyi yerdə deyib ki, başım ağrıyır. Həkim çağırıblar. Həkim gələnə qədər yerə yıxılıb. Həkim gəlib iynə-dərman edəndən sonra özünə gəlib. Sonra deyib ki, qulağıma səs gəlir. Bir az uzanıb, qəfil xırıldamağa başlayıb. Baxıblar ki, gözləri bir nöqtəyə zillənib...".

Qeyd edək ki, M.Qurbanov Mərkəzi Klinik Xəstəxanaya yerləşdirilib.

Image result for Məhərrəm Qurbanov

Ölkə.Az

ŞƏRH YAZ
0

Ağdamda tarixi məscid bərpa edilir

Ağdamda tarixi məscid bərpa edilir
06:00
Bu gün
1054
Mədəniyyət
A
Ağdam rayonunun Xındırıstan kəndində qəzalı vəziyyətdə olan tarixi məscid bərpa edilir.

“Ölkə.Az” azərtac-a istinadən xəbər verir ki, bir əsrdən çox yaşı olan məscid binasının dayanıqlığını artırmaq üçün beton-bərkitmə işləri aparılıb.

Məscidin xarici görünüşü işğal altındakı Ağdam şəhərində olan məscidin layihəsi əsasında bərpa edilir. Layihəyə uyğun olaraq məsciddə qoşa minarə, həyətdə yas və ehsan mərasimləri üçün iki ədəd zal da inşa olunur. Məscidin ərazisində abadlıq işləri də aparılacaq. Təmir-bərpa və tikinti işlərinin bu il yekunlaşdırılması nəzərdə tutulub.

Qeyd edək ki, Xındırıstan məscidi 1907-ci ildə kənd sakini Hacı Cabbar bəy tərəfindən inşa olunub. Tikili əvvəlcə yaşayış üçün nəzərdə tutulsa da, ötən əsrin 30-cu illərində taxıl anbarı, 80-ci illərdə Tarix-Diyarşünaslıq Muzeyi, 90-cı illərdən sonra isə məscid kimi fəaliyyət göstərib.

Ölkə.Az

ŞƏRH YAZ
0
BAĞLA