Uzunmüddətli təhsil gözlərə ziyandır
Kardiff və Bristol universitetləri tərəfindən aparılan yeni tədqiqatın nəticələri açıqlanıb.
“Ölkə.Az” xəbər verir ki, nəticələrə əsasən, təhsilin müddətinin uzanmasının görmə qabiliyyətinə ziyanı sübut edilib.
Xəbərə əsasən universitet oxumaq və oxumamaqda gözlükdən istifadə etməyi müəyyənləşdirir. Bəzi Uzaq Şərq ölkələrində uşaqların 80%-i gözlükdən istifadə edir.
Bundan başqa araşdırma zamanı məlum olub ki, qapalı məkanlarda həddən artıq vaxt keçirmək də orqanizmə ziyandır.
Alimlər 68 min insanın genetik məlumatlarını incələyiblər. Genetik olaraq daha uzun müddət təhsil almağa meylli olanlarda gözün zəifliyi üzə çıxıb. Bu isə uzun müddət təhsil almağın görmə qabiliyyətinə ziyan vurduğunu sübut edib.
Hikmət Həsənov
Ölkə.Az
