Vahid Ələkbərovun şəhərə gəlişinə görə şam ağaclarını və otları rənglədilər — FOTO + VİDEO

Vahid Ələkbərovun şəhərə gəlişinə görə şam ağaclarını və otları rənglədilər
15:54
15.09.2019
3436
Dünya
A
Rusiyanın Koqalım şəhərində Yuqra vilayətinin qubernatoru Natalya Komarovanın, vilayətin idman naziri Pavel Kolobkovun və “Lukoil” prezidenti Vahid Ələkbərovun gəlişi münasibəti ilə şam ağaclarını və otları yaşıl rəngləyiblər.

"Ölkə.Az" Rusiya KİV-lərinə istinadən xəbər verir ki, bu barədə videokadrlar sosial şəbəkələrdə yayılıb.

Kadrlara əsasən “Lukoil-Qərbi Sibir” MMC-nin sosial obyektlər İdarəsinin formasını geyinmiş kommunal işçilər otları yaşıl boya ilə boyayır. Bu video sosial şəbəkələrdə hələ sentyabrın 8-də yayılıb, amma yerli sakinlər günlərdir şəhərdə “Potyemkin kəndi”nin tikintisini müzakirə edir.

“Görəsən səmanı bir da mavi eləmək və Günəşə daha da saraltmaq olardı? Axı bunlarsız şam ağaclarını rəngləmək yarımçarədir, tam harmoniya əldə etməyə imkan vermir”,-Yuri Malimon adlı istifadəçi ironiya ilə yazır.

“Şəhər hələ bu cür alçalmamışdı”,-Mariya Hilman adlı digər istifadəçi bildirir.

Yerli saytlar məsələ ilə əlaqəli Koqalım meriyasına müraciət ediblər. Meriyadan deyiblər ki, şam ağaclarını şəhər administrasiyasının podratçısı rəngləyib, amma şirkətin adını deməkdən imtina ediblər. Habelə ağacları və otları konkret hansı tərkibli maddə ilə rənglədiklərini izah etməyiblər.

“Biz hələ onun tərkibini araşdırmamışıq”,-meriyanın mətbuat katibi Dəmir Mehdiyev deyib.

Meriyanın yazılı cavabında isə ağacların və otların rənglənmədiyini, podratçı şirkət tərəfindən diblərinə qidalandırıcı gübrə verildiyini bildiriblər. “Məlumata görə həmin gün podratçı şirkət ağacları və kolları zəruri minerallarla və qidalandırıcı maddələrlə qidalandırıblar. Bu zaman püskürmədən istifadə edilib, çünki püskürmə yolu ilə gübrələr daha tez bitkiyə hopur”,-açıqlamada deyilir.

Lakin sosial şəbəkə istifadəçiləri bu açıqlamaya şübhə edir, onlar yazırlar ki, rəngləmə, yaxud püskürtmə ilə məşğul olanlar bitkilər üzrə mütəxəssislər deyildi. “Lukoil” şirkətinin rəngsazlıq-rəngləmə işlərini görən işçiləri idi. (Virtualaz.org)

Ölkə.Az

ŞƏRH YAZ
0

Sarqsyanın qardaşı oğlu Ermənistana ekstradisiya olunacaq

Sarqsyanın qardaşı oğlu Ermənistana ekstradisiya olunacaq
21:54
Bu gün
209
Dünya
A
Çexiya Serj Sarqsyanın qardaşı oğlu Narek Sarqsyanı Ermənistana ekstradisiya edəcəklər.

Oxu.Az xəbər verir ki, bu barədə Ermənistanın Baş Prokurorunun müşaviri Qor Abramyan “Facebook” hesabında yazıb.

O qeyd edib ki, Çexiyanın hüquq-mühafizə orqanları Ermənistan Baş Prokurorluğunun axtarışda olan Narek Sarqsyanın ölkəsinə təhvil verilməsi barədə tələbini təmin etmək qərarına gəlib.

“Bununla əlaqədar Ermənistanın Baş Prokurorluğu polisə Narek Sarqsyanın ekstradisiyasını təşkil etməyi tapşırıb”, - deyə Abramyan bildirib.

Xatırladaq ki, Narek Sarqsyan qanunsuz olaraq silah və narkotik saxlama maddəsi ilə axtarışa verilib. 

ŞƏRH YAZ
0

Göyərtəsində 38 nəfər olan təyyarə qəzaya uğrayıb

Göyərtəsində 38 nəfər olan təyyarə qəzaya uğrayıb
17:08
Bu gün
456
Dünya
A
Çili Hərbi-Hava Qüvvələrinə məxsus Hercules C130 təyyarəsi Antraktidaya uçarkən qəzaya uğrayıb.

“Ölkə.Az” xarici mətbuata istinadən xəbər verir ki, təyyarə havaya qalxdıqdan 7 saat sonra radardan itib. Ona görə də təyyarənin qəzaya düşüdüyü ehtimal olunur. Təyyarənin göyərtəsində 38 sərnişin olub. Onların 17 ekipaj üzvü, 21 isə sərnişin olub. Hazırda təyyarənin axtarışı istiqamətində işlər aparılır.

Təyyarənin radardan itdiyi əraziyə  sağ qalması mümkün olacaq sərnişinləri xilas etmək üçün xilasedicilər göndərilib. Təyyarə Çilinin Punta-Arenasa hava limanından Antraktida  Eduard Frey Montalv bazasına uçuş həyata keçirirmiş.

Ölkə.Az

ŞƏRH YAZ
1
BAĞLA