Valeh Ələsgərov: “Ələt azad iqtisadi zonası gələcəyə hesablanmış layihədir”

Valeh Ələsgərov: “Ələt azad iqtisadi zonası gələcəyə hesablanmış layihədir”
17:17
13.02.2018
759
Siyasət
A
“Bu qanun layihəsi hazırlananda dünyada olan ən qabaqcıl təcrübə, qanunvericilik aktları əsas götürülüb”.

“Ölkə.Az” xəbər verir ki, bu sözləri Milli Məclisin sədr müavini Valeh Ələsgərov bu gün parlamentin plenar iclasında “Ələt azad iqtisadi zonası haqqında” qanun layihəsinin müzakirəsi zamanı bildirib.

V.Ələsgərov deyib ki, bütün dünyada azad iqtisadi zonalarla bağlı qanun bu cür hazırlanır: 

“Çünki ərazidə xairci investorlar işləyəcək. Qanun layihəsi hazırlanarkən dünyada ən tanınmış 5 şirkətdən biri cəlb edilib. Bütün araşdırmalardan sonra qanunun ən qabaqcıl standartalara uyğun olduğunu anlayanda onu təqdim etmək qərarını verdik. Bu təkcə mənim yox, işçi qrupunun zəhmətidir. Kimsə fikirləşirsə ki, Ələt öz özünə cəlbedicidir, bilməlidir ki, bu yanlış düşüncədir. Çünki Ələt yaradıldığı imkanlarla cəlbedicidir. Bu qanun hazırlanarkən işçi qrupunun üzvlərini Ələt azad iqtisadi zonaya aparmağa qərar verdim. İki günlük müşahidədən sonra əmin oldular ki, qanunda yazılanlar Valeh Ələsgərovun fikirləri deyil. Bu, gələcəyə hesablanmış layihədir”.

V.Ələsəgərov Ələt azad iqtisadi zonasında investorların vergiyə cəlb edilməsi ilə bağlı millət vəkillərinin iradlarına da cavab verib:

“Ələt azad iqtisadi zonasında qadağan edilməyən hər bir məhsul istehsal ediləcək. Həmin zonada istehsal edilən eyni adlı məhsul Azərbaycanın digər bölgələrində də istehsal ediləcəksə, əcnəbi istehsalçılar  vergiyə cəlb ediləcək. Burada məqsəd yerli istehsalçılarımızın hüquqlarını qorumaqdır. Əks halda xarici investorlarının istehsal etdiyi məhsul yerli məhsuldan daha ucuz olacaq.

Məhkəmələrə gəldikdə investorların mübahisəli məsələləri  Azərbaycan məhkəmələrində müzakirə edilə bilər. Lakin tərəflər istədikləri halda digər ölkələrin məhkəmələrinə də müraciət edə bilər”.

Vasif Həsənli
Ölkə.Az

ŞƏRH YAZ
1

Ermənistanın XİN işçisi Bakıya gəlir

Ermənistanın XİN işçisi Bakıya gəlir
11:22
Bu gün
521
Siyasət
A
Dekabr ayının 14-də Bakıda Qara Dəniz İqtisadi Əməkdaşlıq Təşkilatı (QDİƏT) Xarici İşlər Nazirləri Şurasının iclası keçiriləcək.

“Ölkə.Az” xəbər verir ki, Ermənistan tərəfi də tədbirdə iştirak etmək üçün nümayəndə göndərəcək. Bu barədə Ermənistanın xarici işlər nazirliyinin mətbuat xidmətinin rəhbəri Anna Naqdalyan məlumat verib.

Məlumata əsasən, Bakıda keçiriləcək iclasda Ermənistanı Xarici İşlər Nazirliyinin Çoxtərəfli və İkitərəfli İqtisadi Əməkdaşlıq Departamentinin rəisi Aşot Koçaryan təmsil edəcək.

Qeyd edək ki, Azərbaycan QDİƏT-ə sədrliyi bu ilin iyun ayında qəbul edib.

Ölkə.Az

ŞƏRH YAZ
0

Sergey Lavrov Bakıya gəlir

Sergey Lavrov Bakıya gəlir
09:40
Bu gün
957
Siyasət
A
Dekabr ayının 14-də Bakıda Qara Dəniz İqtisadi Əməkdaşlıq Təşkilatı Xarici İşlər Nazirləri Şurasının iclası keçiriləcək.

“Ölkə.Az” xəbər verir ki, bu məqsədlə də Rusiyanın XİN rəhbəri Sergey Lavrov bu gün Bakıya səfər edəcək. Rusiyalı nazir sözügedən iclasda iştirak edəcək.

İclas zamanı Azərbaycanın QDİƏT-dəki yarımillik sədrliyinin yekunları, nəqliyyat, energetika, kənd təsərrüfatı, elm, texnologiya və səhiyyə sahələrində əməkdaşlıq müzakirə ediləcək.

Ölkə.Az

ŞƏRH YAZ
0
BAĞLA