Valyutadəyişmə məntəqələrinin açılması manatın məzənnəsinə təsir edəcək

Valyutadəyişmə məntəqələrinin açılması manatın məzənnəsinə təsir edəcək
15:46
19.04.2017
64
İqtisadiyyat
A
zərbaycanda yeni lisenziyalaşdırılan fəaliyyət növü - valyuta mübadiləsi fəaliyyətinin yaradılması məqsədi ilə “Valyuta tənzimi haqqında” qanunda dəyişikliklər edilməsi barədə qanun layihəsi hazırlanıb.

"Ölkə.Az" "Report"a istinadən xəbər verir ki, təklif edilən dəyişikliklər nəticəsində valyuta mübadiləsi əməliyyatlarının aparılması qaydaları, o cümlədən təşkilati, texniki təchizat, təhlükəsizliyə dair tələblər, uçotun, hesabatın, sənədləşmənin vahid formaları, onların müddətləri, habelə həmin fəaliyyəti göstərəcək obyektlərin yerləşəcəyi ərazilər maliyyə bazarlarına nəzarət orqanı tərəfindən müvafiq icra hakimiyyəti orqanı ilə razılaşdırmaqla müəyyən ediləcək.

Qeyd edək ki, hazırda valyutanın alışı və satışı Mərkəzi Bankın (AMB) müəyyən etdiyi qaydada müvəkkil banklar vasitəsilə həyata keçirilir. Xarici valyutanın alqı-satqısı əqdləri bilavasitə müvəkkil banklar arasında, eləcə də AMB-nin maliyyə bazarlarına nəzarət orqanı ilə razılaşdırmaqla müəyyən etdiyi qayda və şərtlər daxilində fəaliyyət göstərən valyuta birjaları vasitəsilə həyata keçirilə bilər. Müvəkkil bankların iştirakı olmadan xarici valyutanın alınması və satılmasına icazə verilmir.

"Report"un analitik qrupu bildirir ki, qanun layihəsi qəbul edləcəyi təqdirdə nağd valyuta bazarında valyutadəyişmə məntəqələrinin rahat şəkildə açılması mümkün olacaq. Bu, nağd valyuta bazarında rəqabəti gücləndirəcək və valyutanın alış və satış məzənnələri arasında spredi aşağı salacaq. Nəticədə, "qara bazar"da valyuta alqı-satqısının qarşısı təbii üsulla alınacaq. Valyutadəyişmə məntəqələri məzənnə spredini azaldaraq və lazımi bölgələrdə fəliyyət göstərməklə buna nail olacaq.

Analitik qrup bildirir ki, valyutadəyişmə məntəqələrinin fəaliyyətinin bərpası yeni iş yerlərinin açılması ilə bərabər birinci mərtəbədə yerləşən ofislərə tələbatı da artıracaq. Qanun layihəsi vergi ödənişlərinin də həcminin artmasına gətirib çıxaracaq. Lakin, qanunun qəbul edilməsi kommersiya banklarının gəlirlərinin zəifləməsinə səbəb olacaq.

Ölkə.Az

ŞƏRH YAZ
0

Azərbaycan tütün idxalını azaldıb

Azərbaycan tütün idxalını azaldıb
19:05
Bu gün
37
İqtisadiyyat
A
Bu ilin yanvar-may ayları ərzində Azərbaycan 47 mln. 968,28 min dollar dəyərində tütün idxal edib.

"Ölkə.Az” xəbər verir ki, bu barədə məlumat Dövlət Gömrük Komitəsinin xarici ticarətin gömrük statistikasının aylıq hesabatında yer alıb.

Məlumata görə, bu, məbləğ baxımından illik nisbətdə 11 mln. 039,54 min dollar və ya 18,71% azdır.

Qeyd edək ki, 2017-ci ilin yanvar-may aylarında Azərbaycana xarici ölkələrdən 59 mln. 001,82 min dollar dəyərində tütün idxal edilib.

2018-ci ilin yanvar-may aylarında isə tütün idxalı Azərbaycanın ümumi idxalının 1,24%-ni təşkil edib.

ŞƏRH YAZ
0

Sabah dollar neçəyə olacaq?

Sabah dollar neçəyə olacaq?
17:50
Bu gün
89
İqtisadiyyat
A
İyunun 22-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 22.06.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il iyunun 21-də də USD/AZN rəsmi məzənnəsi 1,7000 manat təşkil edib.

ŞƏRH YAZ
0
BAĞLA