Van Qoqun daha iki əsəri tapıldı

Van Qoqun daha iki əsəri tapıldı
12:56
17.01.2018
1501
Mədəniyyət
A
Hollandiyanın Amsterdam şəhərindəki muzeyin əməkdaşları Vinsent Van Qoqun daha iki əsərini tapıblar.

"Ölkə.Az" xəbər verir ki, rəsm əsərləri bu günə qədər dünyaya məlum olmayıb.

Rəsmlərdən birincisi "Monmartrda təpə" adlanır və 1886-cı ildə çəkilib. Bu vaxta qədər rəsm əsəri "Van Vlissingen" art-fondunda saxlanılırdı və rəssam naməlum hesab edilirdi. Mövzu, üslub, texnika və materialların analizi sayəsində əsərin Van Qoqun fırçasından çıxdığı müəyyən edilib.

İkinci rəsm əsəri isə Van Qoq muzeyinin fondunda saxlanılsa da, yaranma tarixi və adı bilinmirdi.

Hazırda hər iki rəsm əsəri Laren şəhərindəki Uilyam Sinqer muzeyində nümayiş etdirilir.

Hikmət Həsənov
Ölkə.Az

ŞƏRH YAZ
0

Azərbaycanlı musiqiçi Fransada konsert verəcək

Azərbaycanlı musiqiçi Fransada konsert verəcək
01:05
Bu gün
1753
Mədəniyyət
A
Azərbaycanlı musiqiçi Səidə Zülfüqarova Fransada Beynəlxalq Sülh günü münasibətilə "Sülh naminə və zorakılığa qarşı" mövzusunda konsert verəcək.

"Ölkə.Az" "Report"a istinadən verir ki, konsert Karyer-su-Puasi şəhəri meriyasının dəstəyi ilə 21 sentyabrda saat 19-da Alzas İdman Kompeksində keçiriləcək.

Konsertdə Paris Filarmoniyasının orkestr ansamblı, Paris Operasının müğənnisi İrina Kopylova da çıxış edəcəklər. Sülh proqramından ibarət olan tədbirdə azərbaycanlı musiqiçi tarda ifa edəcək.

Konsert YUNESKO-nun sülh üzrə rəssamları, heykəltəraşları və digər sənətkarlarının iştirakı ilə keçiriləcək.

Ölkə.Az

ŞƏRH YAZ
0

Akademik Milli Dram Teatrında “Sinif yoldaşları” tamaşasının premyerası olacaq

Akademik Milli Dram Teatrında “Sinif yoldaşları” tamaşasının premyerası olacaq
20:44
18.09.2018
2977
Mədəniyyət
A
Sentyabrın 23-də Akademik Milli Dram Teatrında Mədəniyyət Nazirliyinin sifarişi ilə hazırlanan “Sinif yoldaşları” tamaşasının premyerası keçiriləcək.

"Ölkә.Az" xәbәr verir ki, teatrın mətbuat xidmətindən Trend-ə verilən məlumata görə, məşhur rus yazıçı-dramaturqu Yuri Polyakovun eyniadlı pyesi əsasında hazırlanan səhnə əsəri melodram janrındadır.

Tamaşanın müəllifi, quruluşçu rejissoru və rəssamı Akademik Milli Dram Teatrının bədii rəhbər-direktoru, Xalq artisti Azər Paşa Nemətov, rejissoru Anar Sadıqov, bəstəkarı xalq artisti Siyavuş Kərimi, rejissor assistenti Ceyran Həsənlidir.

Yeni yaradıcılıq işində teatrın məşhur və sevilən aktyorları - əməkdar artistlər Sənubər İsgəndərli (Svetlana Poqojeva), Şəlalə Şahvələdqızı (Anna Falikova), Rövşən Kərimduxt (Mixail Tyablov), xalq artistləri Ramiz Novruz (Fyodor Stroçkov), Cəfər Namiq Kamal (Boris Lipovetski), Səidə Quliyeva (Yevgeniya Petrovna), əməkdar artist Füzuli Hüseynov (Viktor Çermetov), aktyorlar Mətləb Abdullayev (İvan Kostromitin), İlahə Həsənova (Olqa), Rüstəm Rüstəmov və Vüsal Mustafayev (Mayor), Ziya Ağa (Leytеnant Dmitri), Vüsal Məmmədov (Birinci cangüdən) və Mehman Fətullayev (İkinci cangüdən) çıxış edirlər.

Əsəri Azərbaycan dilinə yazıçı Etimad Başkeçid tərcümə edib.

Tamaşa sinif yoldaşlarının 20 il sonrakı görüşü, yaxud insan mənəviyyatının deqradasiyası haqqındadır. Müharibədən, eyni zamanda həyatın müxtəlif imtahanlarından çıxan sinif yoldaşları müharibə əlili İvanın ad günündə təkcə sosial vəziyyətlərindəki böhranı göstərmir, eyni zamanda mənəvi simalarını hansı şəkildə itirdiklərini də tamaşaçıya nümayiş etdirirlər. “Sinif yoldaşları” tamaşası təkcə ölkəmizin mədəni həyatındakı hadisə deyil, eyni zamanda Rusiya-Azərbaycan teatr əlaqələrində körpü rolunu oynayan növbəti uğurlu addımdır.

Qeyd edək ki, Yuri Polyokov “Əmrə yüz gün qalmış”, “Rayonmiqyaslı fövqəladə vəziyyət”, “Süddə çəpiş” romanları ilə məşhurlaşıb. Əsərləri əsasında iyirmiyə yaxın bədii film çəkilib, pyesləri çoxlu sayda teatr səhnələrində tamaşaya qoyulub.

“Lenin komsomolu”, “N.Qoqol” və “İ.Bunin” adına ədəbiyyat mükafatlarına layiq görülüb. Rusiyanın “Vətən qarşısında xidmətlərinə görə”, “Dostluq” və “Şərəf” ordenləri ilə təltif olunub.

Moskvada nəşr olunan “Literaturnaya qazeta”nın baş redaktoru, Rusiya Dramaturqlar Gildiyasının sədridir.

Ölkә.Az

ŞƏRH YAZ
0
BAĞLA