Vasif Talıbov yeni quruma direktor təyin etdi

Vasif Talıbov yeni quruma direktor təyin etdi
22:34
23.02.2018
4817
Ölkə
A
Bir müddət əvvəl Naxçıvan Muxtar Respublikasının Avtomobil Yolları Dövlət Agentliyinə direktor təyin edilib.

"Ölkə.Az" xəbər verir ki, bununla bağlı fərmanı Naxçıvan Muxtar Respublikası Ali Məclisinin sədri Vasif Talıbov imzalayıb.

Fərmana əsasən Bəhruz Əli oğlu Əsgərov Naxçıvan Muxtar Respublikası Avtomobil Yolları Dövlət Agentliyinin direktoru təyin edilib.  

Ölkə.Az

ŞƏRH YAZ
0

Saxta manatı dollarla dəyişmək istəyən şəxs tutuldu

Saxta manatı dollarla dəyişmək istəyən şəxs tutuldu
12:58
Bu gün
45
Ölkə
A
Daxili işlər orqanlarının əməkdaşları tərəfindən saxta pulların hazırlanması və dövriyyəyə buraxılmasının qarşısının alınması istiqamətində növbəti uğurlu əməliyyat tədbiri həyata keçirilib.

DİN-dən "Ölkə.Az"a verilən məlumata görə, Baş Mütəşəkkil Cinayətkarlıqla Mübarizə İdarəsi və Zəngilan Rayon Polis Şöbəsinə Gəncə şəhər sakini, əvvəllər məhkum olunmuş Orxan Cəfərovun Masazır qəsəbəsi ərazisində yerləşən çay evlərindən birində saxta pul satmaq istəməsi barədə əməliyyat məlumatı daxil olub.

Birgə həyata keçirilən təxirəsalınmaz əməliyyat tədbiri nəticəsində həmin şəxs 20 min saxta manatı 4100 ABŞ dollarına satmaq istəyən zaman cinayət başında tutulub.

Qeyd edək ki, O.Cəfərov saxta pulların hazırlanması və dövriyyəsi ilə məşğul olduğu üçün bir dəfə Rusiya Federasiyasında da məhkum olunub.

Faktla bağlı Baş İdarənin İstintaq Şöbəsində cinayət işi başlanıb, araşdırmalar davam etdirilir.

ŞƏRH YAZ
0

Qanunsuz ağac kəsən daha bir nəfər cərimələndi

Qanunsuz ağac kəsən daha bir nəfər cərimələndi
12:33
Bu gün
208
Ölkə
A
Ekologiya və Təbii Sərvətlər Nazirliyinin “Qaynar xətt”inə Nəsimi rayonu, 3-cü mikrorayon, Hüseynbala Əliyev küçəsi 38 ünvanında ağac kəsintisi ilə bağlı daxil olan şikayət Nazirliyin əməkdaşları tərəfindən yerində araşdırılıb.

Bu barədə "Ölkə.Az"a nazirliyin mətbuat xidmətindən məlumat verilib.

Sözügedən əraziyə baxış keçirilib və məlum olub ki, tikinti işləri aparılan zaman 1 ədəd sərv ağacı kəsilib. Araşdırma zamanı torpaq sahəsinin Bakı şəhər İcra Hakimiyyəti və Bakı şəhər İcra Hakimiyyətinin Memarlıq və Şəhərsalma Baş İdarəsi tərəfindən qeyri-yaşayış obyektinin tikintisi məqsədilə Seymur İbrahimova ayrıldığı məlum olub.

Faktla bağlı qanun pozucusu barəsində akt və protokol tərtib edilib və o, İnzibati Xətalar Məcəlləsinə əsasən 2200 manat məbləğində cərimə edilib.

ŞƏRH YAZ
0
BAĞLA