Vaşinqtonda Qələbə Günü qeyd ediləcək

"Ölkə.Az" xəbər verir ki, faşistlərin üzərində qazanılan qələbənin 72 illiyinə həsr olunan konsert proqramı təşkil olunacaq. Konsertin may ayının 5-də keçiriləcəyi planlaşdırılır. Tədbirə Amerikada yaşayan II Dünya Müharibəsində iştirak edən veteranlar dəvət olunacaq.

Qeyd edək ki, Rusiyada faşizm üzərində qələbəyə həsr edilən 9 May Qələbə Gününə böyük hazırlıq işləri gedir. Bu barədə Rusiya Müdafiə Nazirliy məlumat yayıb. Nazirlik həmçinin həmin gündə Qırmızı Meydanda sərgilənəcək həri texnikaların hazırlıq prosesini əks etdirən video rolik də yayıb.

Təlimdə 14 növdə keçirilir. Hərbi texnikalar arasında qırıcılar. Bombardımançı təyyarələr, zirehli maşınlar, tanklar və s. var. Bundan başqa, dünyanın bir çox ölkəsində, həmçinin Azərbaycanda da 9 may Qələbə Günü qeyd edilir.

Xatırladaq ki, 1939-cu il sentyabrın 1-də Faşist Almaniyası ildırımsürətli “Barbarossa” planı əsasında Polşanı işğal edib. Bununla da bəşəriyyət tarixinə ən qanlı müharibə kimi daxil olan İkinci Dünya müharibəsi başlayıb.

1941-ci il iyunun 22-də isə Hitler Almaniyası Azərbaycanın da daxil olduğu SSRİ-yə hücum edib. Müharibə 1945-ci il mayın 9-da - Berlindəki Reyxstaq binası üzərindən faşizm bayrağının endirilməsi və SSRİ-nin bayrağının sancılması ilə başa çatıb.

Bu müharibədə Azərbaycandan 660 min şəxs iştirak edib. Azərbaycan diviziyaları Qafqazdan Berlinə qədər mübarizə yolu keçib, 130-a yaxın azərbaycanlı Sovet İttifaqı Qəhrəmanı adına layiq görülüb, 30 nəfər “Şərəf” ordeni, 170 min soydaşımız SSRİ-nin müxtəlif orden və medalları ilə təltif edilib.

İki dəfə Sovet İttifaqı Qəhrəmanı, general-mayor Həzi Aslanov, Sovet İttifaqı qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Hüseynbala Əliyev, Qafur Məmmədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov və bir çoxunun adı bu müharibənin tarixinə qızıl hərflərlə yazılıb.

İkinci Dünya müharibəsində Azərbaycan nefti də həlledici amillərdən olub. Belə ki, 1941-ci ildə Azərbaycan tarixində ən çox - 23,5 milyon ton neft istehsal olunub və bu, SSRİ-də istehsal olunan neftin 71,4%-ni təşkil edib. Ümumilikdə, müharibə illərində Azərbaycan neftçiləri ölkəyə 75 milyon ton neft, 22 milyon ton benzin və digər neft məhsulları veriblər.

Ziya Səccad
Ölkə.Az