Vaşinqtonla Moskva arasında gərginlik — Rusiya Polşanı vurmaqla hədələdi

Vaşinqtonla Moskva arasında gərginlik
14:29
13.06.2019
3188
Dünya
A
Moskva ilə Vaşinqton arasında gərginlik artıb.

“Ölkə.Az” xəbər verir ki, ABŞ prezidenti Donald Tramp dünən Polşaya əlavə 2000 hərbçi və casus PUA göndəriləcəyini bildirib. Bu isə Avropada gərginlik yaradıb. Kremldən isə “Əgər Rusiya təhdid edilsə, Polşa hədəf olacaq” açıqlamasını verib.

Polşa prezidenti Ağ Evdə Trampla görüşüb. Görüşdən sonra jurnalistlərə açıqlama verən Tramp Varşavanın tələbi ilə 2000 hərbçini Almaniyadan Polşaya göndərəcəyini deyib. Tramp əlavə edib ki, Rusiyanın Polşaya qarşı hörmətlə davranacağına ümid edir.

Bu açıqlamalardan sonra isə Rusiyadan çox sərt açıqlama verilib. Putin iki ölkə arasında münasibətlərin pis həddə çatdığını deyib. Putindən sonra rus siyasətçi Vladimir Cabarov da açıqlama verib. O, deyib:

“ABŞ-ın Polşa planı bizi narahat edir. əgər Rusiyaya hücum etsələr, cavab olaraq Polşanı vura bilərik”.

Hikmət Həsənov
Ölkə.Az

ŞƏRH YAZ
0

14 ildən sonra ilk dəfə — Çinin dövlət başçısı Şimali Koreyada

14 ildən sonra ilk dəfə
16:38
Bu gün
1802
Dünya
A
Çinin dövlət başçısı Si Tsinpin Şimali Koreyaya rəsmi səfər edib.

“Ölkə.Az” xəbər verir ki, Tsinpin 14 il sonra Şimali Koreyaya dövlət başçısı kimi səfər edən ilk Çin lideri olub.

Pxenyandakı hava limanında Tsinpin rəsmi şəkildə qarşılanıb. Onu Kim Çen İnlə yanaşı yüksək vəzifəli Şimali koreyalılar qarşılayıb. Çin dövlət başçısını səfərdə inkişaf və islahatlar komitəsinin sədri, diplomatlar müşayət edib. Onun səfəri iki gün davam edəcək. Səfərin məqsədi iki ölkə arasında münasibətləri normallaşdırmaqdır.

Qeyd edək ki, Si ilə Kim Çen İn son bir ildə dördüncü dəfədir ki, görüş keçirir.

Ölkə.Az

ŞƏRH YAZ
0

Yadplanetlilərlə bağlı araşdırmanın nəticəsi açıqlandı

Yadplanetlilərlə bağlı araşdırmanın nəticəsi açıqlandı
16:12
Bu gün
634
Dünya
A
Kaliforniya universitetinin alimi “SETİ” proqramının nəticələrini açıqlayıb.

“Ölkə.Az” xəbər verir ki, proqram çərçivəsində 1327 qonşu ulduz tədqiq edilib. Alimlər yadplanetli sivilizasiyanın mövcudluğunu sübut edən heç bir siqnal aşkar etməyiblər. Bu barədə “Live Science” nəşri məlumat yayıb.

Tədqiqat “Breakthrough Listen initiative” layihəsi çərçivəsində aparılıb. Məqsəd texnologiya cəhətdən inkişaf etmiş sivilizasiyaların texnosiqnaturasını axtarmaq olub. Bunun üçün alimlər “Qrin-Benk” və “Parks” radio teleskoplarından istifadə ediblər. Teleskopların birincisi ABŞ-ın Qərbi Virciniya ştatında, ikincisi isə Avstraliyada, Yeni Cənubi Uelsdə quraşdırılıb. Sonradan əldə edilən məlumatlar analiz edilib.

Tədqiq edilən ulduzlar Yerdən 160 işıq ili uzaqda yerləşir. Astronomlar minlərlə maraqlı siqnal tutublar. Amma sonradan məlum olub ki, bütün siqnallar əsasən peyklərdən gəlir. 

Ölkə.Az

ŞƏRH YAZ
0
BAĞLA