Vədlərə aldanmayın, ağır işlərə razılaşmayın

Vədlərə aldanmayın, ağır işlərə razılaşmayın
00:15
15.04.2018
9318
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - bilik və bacarıqların artırılması, yeni təcrübənin əxz olunması üçün yaxşı zamandır. Problemlərin həllində kreativ olun. Müzakirələr və danışıqlar aparın, qarşınıza qoyduğunuz məqsədə çatmaq üçün praqmat davranın.

Günün ikinci yarısında davranışınıza fikir verin. Hisslərə nəzarət etmək çətin olsa da, bunu bacarın.

Sevdiyiniz insanla və yaxınlarınızla münasibətlərinizdə hissləriniz tarıma çəkilə bilər. Ekstravaqant addım və ya qərar sizi sinirləndirməsin. Yeni tanışlıqlar istisna deyil. Amma onlar ani olacaqlar.

Buğa - günün ilk yarısında yaranan seçim imkanlarından bəhrələnin. Spontan şərtlər sizi qərarlarınızda qəti olmağa vadar edəcək. Yaşamınızda indi qəflətən baş verən hadisələr çoxdur. Sakit olun, təmkinli davranın. Qüvvələrinizə qənaət edin. Resurslara ehtiyacınız olacaq.

Günün ikinci yarısında alış-verişi, maliyyə əməliyyatlarını ertələyin. Borc almayın, borc verməyin. Yaxınlarınızdan biri ilə maddi məsələlərə görə anlaşılmazlıq yarana bilər. Mövqelərinizdən geri çəkilməyin.

Axşam saatları müzakirələr və təhlillər üçün əlverişli deyil.

Müəyyən məsələ ilə bağlı qeyri-effektiv metodlardan əl çəkmək zamanıdır.

Əkizlər - günün ilk yarısı əlverişli zamandır. Danışıqlar aparmaq, sövdələşməyə başlamaq, yeni tanışlıqlara nail olmaq, qarşınıza qoyduğunuz məqsədə çatmaq üçün aktivləşmək olar. Yeni ideya və layihələri bir qədər ertələyin.

Situasiya sizdən daha çox cari işlərlə məşğul olmağı tələb edir. Vədlərə sadiq qalın, öhdəlikləri yerinə yetirin.

Risk arzuolunmazdır. Yalnız məşğul olduğunuz işin irəliləyişi, mövqelərinizin xilası üçün preventiv addımlar ata bilərsiniz.

Günün ikinci yarısında dəqiq olun. Başladığınız işi yarımçıq qoymayın. Yeni məlumat əldə edərkən sayıq davranın. Fəaliyyətinizdəki boşluqları aradan qaldırın, çətinliklərin əsirinə çevrilməyin.

Axşam saatlarında ideyalardan birinin gerçəkləşdirilməsi üçün zəmin hazırlayın. Bəzi problemlər avtomatik həllini tapacaq.

Xərçəng - günün ilk yarısı nevroz vəziyyətdir. Situasiya sürətlə dəyişəcək. Stabillik hissi yoxdur. Qərarları sürətlə, tez, psixoloji komfortu nəzərə almadan verin. Yaxın ətrafınızdakı insanlarla münasibətlərdə gərginlik yarana bilər. Münaqişəyə səbəb olmayın.

Günün ikinci yarısında narazılıq artacaq. Münasibətlərin ənənəvi, köhnə modelləri sizi artıq təmin etmir, yeni konstruksiya isə gözə dəymir. Səbr və təmkin indi ehtiyac duyduğunuz xüsusiyyətlərdir. Emosiyalarınıza nəzarət edin. Ailə üzvlərinə qarşı kəskin iradlarla çıxış etməyin.

Şir - təcili həllini tələb edən işlərlə məşğul olun. Sərmayə və maliyyə məsələlərində ehtiyatlı olun. Diqqətli davranın. Enerji səviyyəniz aşağıdır. Qəfil hadisələr sizdən sürətli reaksiya və məntiqli həll tələb edir. Hadisələrin həddən artıq sürətli axarından kənarda qalmayın.

Günün ikinci yarısında imzalayacağınız sənədləri diqqətlə oxuyun.

Sizə yeni tapşırıqlar veriləcək. Vədlərə aldanmayın, ağır işlərə razılaşmayın.

Bilik və bacarıqların artırılması, intellektual fəaliyyət üçün əlverişli zamandır.

Axşam saatlarında normal istirahət edin.

Qız - günün ilk yarısı yaxşı zamandır. Gərəkli informasiya axtarışları maraqlı tapıntılarla sonuclana bilər. Yeni situasiyadan istifadə edərək irəliləməyə çalışın. Həmfikir və şəriklərlə birgə fəaliyyətə üstünlük verin.

Günün ikinci yarısında maliyyə itkiləri riskini mümkün qədər azaldın. Spontan istəklər və illüziyaların əsiri olmayın. Səhvlərin fəsadları ağır ola bilər.

Məişət problemləri ilə bağlı neqativ vəziyyət yarana bilər.

Avadanlıq sıradan çıxmasın deyə, ehtiyatlı olun.

Diqqətli olun, fikriniz mənasız işlərə yayınmasın. Bir qədər düşünün, ehmal olun.

Tərəzi - qəfil xəbərlər alacaqsınız. Sizə birbaşa dəxli olan məsələlərin həlli ilə məşğul olun. Kollektivdə dəyişikliklər, planlara yenidən baxılması, yeni tapşırıqlar və öhdəliklər istisna deyil. Köhnə mövqelər sizi təmin etmirsə, onlardan imtina edin. Yeni imkanlar yaranır.

Günün ikinci yarısında heç bir səbəb olmadan qısqanclığa qapılmayın. Yaşamınızda köklü dönüşə səbəb olacaq qərar zamanı deyil. Sabit münasibətlərdən imtina etməyin, əlaqələri kəsməyin. Məişət qayğılarını növbə ilə həll edin. Yaşam arealını qaydaya salın.

Axşam saatları yaradıcılıq üçün uğurludur. Əqli fəaliyyətlə məşğul olmaq olar.

Əqrəb - işlərinizdə qayda yaradın. Qayğı tələb edən obyekt spontan formalaşacaq. Həddən artıq yükə boyun olmayın, qüvvə və imkanlarınızı real dəyərləndirin. Fiziki tonus səviyyəniz aşağıdır. Tələsməsəniz, prioritetləri dəqiq müəyyənləşdirsəniz, gərəkli işlər məhz lazımi məcrada hərəkətə gələcəklər.

Günün ikinci yarısında dəyişikliklər uğurludur. Yeni situasiyanın fərqli şərtlərinə sürətlə uyğunlaşmağa çalışın. Önəmli məsələləri həll etmək, cari qayğıların çözülməsi ilə məşğul olmaq mümkündür. Məsləhət istəyən insanın sözlərini qulaqardına vurmayın.

Oxatan - günün ilk yarısı perspektivlər baxımından sərfəlidir. Aldığınız təklifləri dəyərləndirin. Səfər və ya yerdəyişmə ilə bağlı tapşırıqlardan imtina etməyin. Xəbərlər və informasiyaların axınında olun.

Günün ikinci yarısında yaxın ətrafınızdakı insanlar sizi diqqətlə dinləyəcəklər. Yazışmalarda passiv olmayın. Yeni ideya verə biləcək insanlarla sürəkli əlaqə saxlayın. Ünsiyyətdə özünüzü məhdudlaşdırmayın.

Yaxın gələcəklə bağlı planlarınıza düzəlişlər edin. Şəxsi münasibətlərdə sizi narahat edən məsələni təhlil edin.

Oğlaq - ən adi işlərlə yanaşı, mühüm məsələlərin çözülməsi üçün yaxşı zamandır. Bununla belə, genişmiqyaslı və yeni layihəyə başlayarkən səbrli olun, aramla davranın. İndi ağır işə başlamaq üçün əlverişli zamanın axtarılması vaxtıdır.

Günün ikinci yarısında işgüzar danışıqlar aparmaq olar. Yaxınlarınız sizi dəstəkləyəcək, planlarızın reallaşdırılmasında yardım edəcəklər. Ailədə nüfuzunuz artacaq.

Axşam saatlarını açıq havada keçirin.

Dolça - günün ilk yarısında problemlərin sayı artacaq. Təcili həllini tələb edən məsələlərlə məşğul olun. Sizi işdən ayıra biləcək xəbərlərə aludə olmayın. Fəaliyyət istiqamətinin dəyişməsi, yeni mühüm seçim istisna deyil. Borcları qaytarın, hesabları ödəyin.

Günün ikinci yarısında işlər düşündüyünüzdən də yaxşı alına bilər. Stavkaların yüksək olduğu situasiyalarda diqqətli olun. Rəqabət mübarizəsi kəskinləşəcək. Yaxın ətrafınızdakı insanlardan biri sizə qarşı vicdansızlıq edə bilər. Lakin düşmənə arxadan zərbə endirməyin.

Səhhətinizə fikir verin, vaxtında fasilə edin. Daxili gərginlik əlavə problemlər yaratmamalıdır.

Balıqlar - hər şeyi atıb dünyanın o başına getmək, canınızı boğaza yığmış şəraitdən və insanlardan qurtulmaq istəyirsiniz. Di gəl, bir qədər əvvəl verilmiş vədləri yerinə yetirmək, öhdəlikləri icra etmək gərəkdir. Bezməyin, soyuqqanlı qalın.

Günün ikinci yarısı birgə layihələrin reallaşdırılması, ümumi məqsədə çatmaq üçün səylərin birləşdirilməsi üçün əlverişli deyil. Ən yaxşı ideyanın müzakirəsini ixtilaf, mübahisə, münasibətlərin aydınlaşdırılması korlaya bilər.

Ölkə.Az

ŞƏRH YAZ
0

Nevada səhrasında müəmmalı ağ piramida — Yadplanetlilərin sirli bazası (FOTOLAR)

Nevada səhrasında müəmmalı ağ piramida
19:02
Bu gün
365
Maraqlı
A
“Google Earth” də “40°20'41"N 117°20'48"W” koordinatlarını daxil etsək, Nevada ştatındakı səhrada müəmmalı binanı göstərəcək.

“Ölkə.Az” xəbər verir ki, bu bina səhranın tam ortasında yerləşir. Əgər kameranı binadan bir az kənara fırlatsaq və uzaqlaşdırsaq, uzunluğu bir kilometrdən çox olan ağ üçbucaq görəcəyik. Bu struktur sünidir və onun sərhədləri dəqiq çəkilib. Bununla yanaşı, onun nəydən ibarət olduğu məlum deyil. Elə bil ki, yuxarıdan nəhəng nəsə buraxıblar və bu nəhəng aparat güclü isti ilə daş və qumu ağardıb.

Üçbucağın yanındakı tikililər nə fermaya, nə də heyvan axuruna bənzəyir. Sonuncu dəfə fotolar 2014-cü ilin may ayında lentə alınıb. Amma ağ üçbucaq bu ərazidə 1994-cü ildən mövcuddur. 1994-cü ildə isə ətrafda heç bir bina yoxdur!

Müəmmalı üçbucağı yerli sakin üzə çıxarıb. O, məşhur 51-ci Zonanı tapmaq istədiyi zaman bu tapıntı ilə üzləşib.  Batl Mauntin sakini Nevada ştatındakı 51-ci zonanı və UNO qəzasının izlərini araşdırırmış. O, bu barədə MUFON saytına məlumat verib.

Ufoloqların fikrinə əsasən, bu ərazidə uzun illər əvvəl UNO və ya məxfi hərbi təyyarə qəzaya düşüb. Bu səbəbdən də qəzanı və nəticələrini öyrənmək üçün tədqiqat işləri aparılıb.

Hikmət Həsənov
Ölkə.Az

ŞƏRH YAZ
0

Həkimlərdən xəbərdarlıq: “Pirsinq çox təhlükəlidir, risk etməyin”

Həkimlərdən xəbərdarlıq: “Pirsinq çox təhlükəlidir, risk etməyin”
14:10
Bu gün
2133
Maraqlı
A
Bir çox hallarda pirsinq infeksiya, allergiya və zədələrə səbəb olur.

“Ölkə.Az” xəbər verir ki, bir sıra dünya həkimləri  pirsinqin təhlükəli olduğunu qeyd edirlər. Çünki bəzən pirsinq güclü qanaxma, herpes, iltihaba səbəb olur.
Dərini gözəllik üçün deşmək min illərdir təcrübə edilir. Misir fironları, romalı legionerlər, orta əsr dənizçiləri, mayalılar, kral ailəsinin üzvləri də bunu ediblər. Sivil dünyada isə pirsinq üçün sadəcə qulağı deşir və sırğa asırdılar. 1980-ci illərdə ABŞ-ın marjinal cəmiyyətlərində bədənin digər üzvlərinə də pirsinq taxmaq populyarlıq qazandı. Son on ildə isə bu dəb bütün dünyada yayılmağa başladı. 

Pirsinqi əsasən gözəllik salonlarında edirlər və bir çox hallarda bu salonlar tibbə aidiyyatı olmayan salonlardır. Əgər gigiyena və aseptik qaydalara rayət edilsə, adi üsuldur. Amma tez-tez fəsadlar barədə xəbərlər yayılır. Bir qayda olaraq deşilən yerin iltihabı ilə həkimə müraciət edilir.
Rusiyalı professor, tibb elmləri üzrə doktor İrina Korsunskaya məsələ ilə bağlı deyib:

“Bu, adi bakteriya infeksiyasıdır. Salonlarda steril edilməmiş alətlərlə işləyəndə üzə çıxır. Bunu müalicə etmək olur və xüsusi problem yaranmır. Amma bəzək əşyasının hansı metaldan hazırlandığını bilməyəndə ciddi fəsadlar yaranır. Pirsinq etmədən əvvəl allergiyaya səbəb olub-olmayacağını öyrənmək lazımdır. Bəzən metal əşyaların bədənə yeridilməsi toksik reaksiyaya səbəb olur və dəridə dəyişikliklər üzə çıxır.

Bir çoxları düşünür ki, qızıl və gümüş infeksiyaya qarşı qoruyur. Amma mütəxəssislər bunun belə olmadığını deyir. Bahalı metaldan olan bəzək əşyalarını dezinfeksiya etmək lazımdır. Əgər bu metalları dezinfeksiya etməsək, zağlanır. İnsanlar düşünürlər ki, pirsinqi gümüşdəndir. Amma adi metaldır və reaksiya başlayır, zərərli maddələr orqanizmə düşür”.

Dodaq, dil pirsinqi bəzən bir və ya bir neçə dişin itirilməsinə, damaq iltihabına səbəb olur. Stomatoloqlar bunu çoxdan bəyan ediblər. Müntəzəm olaraq metal bəzək gəzdirmək dişi və damağı qıcıqlandırır.

Həkimlər dilin deşilməsinin əleyhinədirlər. Çünki bu, angina və nəfəsalma probleminə səbəb ola bilər. Bundan başqa güclü qanaxma da baş verə bilər.
Alimlər bildirirlər ki, pirsinq eyni zamanda B, C hepatit və hətta QİÇS viruslarının yayılmasına səbəb ola bilər. Bu, əsasən də cinsiyyət orqanlarına taxılan pirsinqlərdə baş verə bilər.

Hikmət Həsənov
Ölkə.Az

ŞƏRH YAZ
0
BAĞLA