Vəkillər Kollegiyasının Rəyasət Heyətinin növbəti iclası keçirilib

Vəkillər Kollegiyasının Rəyasət Heyətinin növbəti iclası keçirilib
00:05
14.01.2018
3319
Ölkə
A
Yanvarın 13-də Vəkillər Kollegiyasının Rəyasət Heyətinin növbəti iclası keçirilib.

Vəkillər Kollegiyasının Rəyasət Heyətindən “Ölkə.Az”a bildiriblər ki, iclasda çıxış edən Vəkillər Kollegiyasının sədri Anar Bağırov kollegiyanın cari fəaliyyəti ilə bağlı, xüsusilə hazırda vəkilliyə sənəd qəbulunun yekunları, o cümlədən iki minə yaxın namizədin vəkilliyə sənəd verməsi, qəbul imtahanının yanvarın 28-də keçiriləcəyi barədə məlumat verib. Qeyd olunub ki, imtahanlar Azərbaycan Respublikasının Prezidenti İlham Əliyevin vəkillərin sayının artırılması ilə bağlı Vəkillər Kollegiyasına tövsiyəsi nəzərə alınmaqla ən qısa vaxt ərzində keçiriləcək.

Həmçinin Anar Bağırov imtahanın keçirilməsinə qısa müddətin qaldığını nəzərə alaraq, Vəkillərin İxtisas Komissiyasının üzvlərinin təyin olunmasını təklif edib. Vəkillər Kollegiyasının üzvlərindən Qəmizə Qəhrəmanova, Ramiz İbrahimov, Oktay Məhərrəmov, Mehman Sultanov və Fərid Həsənov Rəyasət Heyətinin qərarı ilə komissiyanın üzvləri təyin olunublar. Həmçinin ən qısa vaxt ərzində İxtisas Komissiyasının hakim və alim üzvlərinin təyin olunması ilə bağlı qanunvericiliyin tələbinə əsasən, Ali Məhkəmə və Ədliyyə Nazirliyinə müraciət olunması qərara alınıb.

İclasda baxılmış digər məsələlərdən biri də Vəkillər Kollegiyası üzvlərinin reyestrinin Ədliyyə Nazirliyinin notariat və qeydiyyat baş idarəsinə təqdim olunması idi. Bildirilib ki, hazırda notariat orqanları müvəkkillər tərəfindən vəkillərə verilən etibarnamələrin təsdiqi ilə bağlı vəkillərin səlahiyyətlərinin müəyyən edilməsi zamanı çətinliklərlə qarşılaşırlar. Çünki bir sıra hallarda vəkillər notariat orqanlarına bu kimi məsələlərlə bağlı müraciət edərkən onların üzərində səlahiyyətlərini təsdiq edən vəkil vəsiqələri olmaya bilir və ya hər hansı obyektiv səbəbdən vəkil öz vəsiqəsinin dəyişidirilməsi üçün Rəyasət Heyətinə müraciət etməli olur ki, belə olan halda vəkilin səlahiyyətini müəyyən etmək notariat orqanları üçün çətinlik yaradır. Məsələ ilə bağlı Rəyasət Heyətinin qərarına əsasən, vəkillərin cari reyestrinin notariat elektron sisteminə qoşulması üçün müvafiq məlumatların Ədliyyə Nazirliyinə təqdim olunması qərara alınıb.

Bundan başqa, uzun illərdir istifadə olunan, günün tələblərinə cavab verməyən vəkil qurumları və fərdi vəkillərin statistik hesabatlarının yeni nümunəsi təsdiq edilib, habelə vəkil qurumlarında fəaliyyət göstərən vəkillərin sorğularının göndərilməsinin daha da asanlaşlaşdırılması barədə qərar qəbul olunub.

İclas ərzində Vəkillərin İntizam Komissiyasının rəylərinə baxılıb, uğurlu fəaliyyətinə görə bir qrup vəkil təltif olunub. Eyni zamanda, hüquq sahəsində uzun illər səmərəli fəaliyyətinə, Vəkillər Kollegiyası ilə əməkdaşlığa verdiyi töhfəyə və 70 illik yubileyi ilə əlaqədar Konstitusiya Məhkəməsinin hakimi, görkəmli hüquqşünas Rafael Qvaladze Rəyasət Heyətinin qərarı ilə “Vəkillər Kollegiyasının fəxri hüquq doktoru” adı ilə təltif olunub.

Həmçinin vaxtilə Vəkillər Kollegiyasına qəbulla bağlı imtahanları uğurla keçmiş, lakin əsas iş yerlərini tərk etmədiklərinə görə üzvlüyünə qəbuldan imtina olunmuş hüquqşünasların Vəkillər Kollegiyasının üzvlüyünə qəbul məsələsi müzakirə edilib və həmin şəxslər kollegiya üzvlüyünə qəbul olunub.

Sonda kollegiya üzvlüyünə yeni qəbul olunmuş vəkillərin andiçməsi keçirilib, əsas etibarilə gənclərdən ibarət olan yeni vəkillərə fəaliyyətlərində uğurlar arzulanıb, vəkil peşəsinin nüfuzunun daim yüksək tutmaları onlara tövsiyə olunub.

Ölkə.Az

ŞƏRH YAZ
0

Şəkidə reyd keçirilib, 25 sürücü cərimələnib — FOTO + VİDEO

Şəkidə reyd keçirilib, 25 sürücü cərimələnib
21:37
Bu gün
56
Ölkə
A
Şəki rayonunda qaydaları pozan sürücülərə qarşı reyd keçirilib.

"Ölkə.Az" report-a istinadən bildirir ki, Dövlət Avtomobil Nəqliyyatı Xidmətinin Şəki regional şöbəsi və Dövlət Yol Polisi əməkdaşlarının keçirdiyi tədbir sürücülərin əhaliyə xidmətinin şəffaf və yüksək səviyyədə təmin olunması məqsədi daşıyır. 

Belə ki, şəhərdaxili küçələrdə postlar qurulub, yükdaşıma, sərnişindaşıma, taksi fəaliyyəti, qeyri-qanuni sərnişin daşınması ilə məşğul olan sürücülər müəyyənləşdirilib. Reyd zamanı 100-dən çox avtonəqliyyat vasitəsi saxlanılıb, 25 sürücü haqqında isə müvafiq tədbirlər görülüb.

Ölkə.Az

ŞƏRH YAZ
0

Çaylarda suyun səviyyəsi dəyişdi

Çaylarda suyun səviyyəsi dəyişdi
20:28
Bu gün
2418
Ölkə
A
Çaylarda suyun səviyyəsində dəyişiklik qeydə alınıb.

"Ölkə.Az"a Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 70-90, Kiçik Qafqazın çaylarında 150-250, Lənkəran-Astara bölgəsi çaylarında isə orta hesabla 130-180 faizini təşkil edir.

Tranzit çaylarda hazırki vəziyyətə gəlincə, dekabrın 10-də Kür çayının Qıraqkəsəmən məntəqəsində suyun səviyyəsində 6 sm artım müşahidə olunub. Hazırda məntəqədə su sərfi 247 m3/s olmaqla ongünlük normanın 157 faizini təşkil edir. 2017-ci ildə isə bu rəqəm 178 m3/s olmaqla ongünlük normanın 113 faizini təşkil edib.

Qanıx çayının Əyriçay məntəqəsində suyun səviyyəsində 6 sm azalma müşahidə olunub. Hazırda məntəqədə su sərfi 94 m3/s olmaqla, ongünlük normanın 122 faizini təşkil edir. 2017-ci ildə isə bu göstərici 41 m3/s təşkil edərək ongünlük normanın 53 faizinə bərabər olub.

Kür çayının aşağı axınında hazırki vəziyyətə gəlincə, dekabrın 10-da Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Şirvan məntəqəsində 2 sm artım, Bankədə 2, Araz çayının Novruzlu məntəqəsində 5 sm azalma qeydə alınıb, lakin Surra məntəqəsində isə suyun səviyyəsində dəyişiklik müşahidə olunmayıb.

Hazırda Surra məntəqəsində suyun səviyyəsi 442 sm (2017-ci il dekabrın 10-da 392 sm), Şirvanda 327 sm (2017-ci il dekabrın 10-da 253 sm), Bankədə 251 sm (2017-ci il dekabrın 10-da 198 sm), Araz çayının Novruzlu məntəqəsində isə 140 sm (2017-ci il dekabrın 10-da 110 sm) təşkil edir.

Ölkə.Az

ŞƏRH YAZ
0
BAĞLA