Venesuelada aksiyalar zamanı ölənlərin sayı 55 nəfərə çatdı

“Ölkə.Az” xəbər verir ki, bu barədə Venesuelanın "Universal" portalı yazıb. Verilən məlumata görə, ötən həftənin bazar günün aksiyalar zamanı 7 nəfər öldürülüb. Onların hamısı odlu silahdan açılan güllə yarasından ölüblər.

Qeyd edək ki, bu ilin əvvəlindən başlayaraq Venesuelada hökumətdən narazılıqlar artmaqdadır. Aprel ayından başlayaraq prezident Nikolas Maduronun əleyhinə kütləvi etiraz aksiyaları keçirilir. May ayında keçirilən əksiyalar zamanı Ansoateqi Politexnik Universitetinin tələbə hərəkatının lideri Xuan Bautista Lopes öldürülüb. Lopes tələbə toplantısında çıxış edirmiş. Bu zaman qatil ona yaxınlaşaraq bir neçə dəfə atəş açıb. Daha sonra motosikletlə hadisə yerindən qaçıb.

Hadisə zamanı bir neçə tələbə də yaralanıb.

Ziya Səccad
Ölkə.Az