Venesuelada həbsxanaya basqın etdilər
Venesuelanın cənubunda gecə saatlarında həbsxanaya basqın edilib.
"Ölkə.Az" xəbər verir ki, təhlükəsizlik qüvvələri tərəfindən həyata keçirilən basqında 37 məhkum qətlə yetirilib.
Yerli siyasətçilərdən birinin açıqlamasına əsasən məhkumların nəzarəti altında olan həbsxanada nəzarəti ələ keçirmək üçün təhlükəsizlik qüvvələri basqın təşkil ediblər. Məhkumların basqına qarşılıq vermələri nəticəsində toqquşma baş verib.
Hadisə şahidləri basqının gecə yarısı başladığını və uzun müddət silah səslərinin davam etdiyini bildirib. Venesuela mətbuatının məlumatına əsasən ölkənin bir çox həbsxanası avtomat silahlara sahib müxtəlif cinayət qruplaşmalarının nəzarəti altındadır.
Hikmət Həsənov
Ölkə.Az
