Venesuelada hərbi hissədə partlayış olub
Venesuelada hərbi hissədə partlayış baş verib.
“Ölkə.Az” xəbər verir ki, partlayış çərşənbə günü Venesuelanın Aragua əyalətindəki hərbi hissənin anbarında qeydə alınıb. Bu barədə “El Nacional” məlumat yayıb. Bildirilib ki, hərbi hissənin anbarının bir hissəsi tamam dağılıb.
Partlayış nəticəsində əraziyə yaxın evlər silkələnib. Yaxın ərazidəki mənzillərdən bəzilərinin pəncərələri sınıb. Bir neçə nəqliyyat vasitəsinə ziyan dəyib. Hadisədə xəsarət alanlar barədə məlumat verilməyib.
Əraziyə yanğınsöndürənlər, polislər, xilasedicilər və həkimlər cəlb olunub. Faktla bağlı araşdırmalara başlanılıb.
Ziya Səccad
Ölkə.Az
