Vergi Məcəlləsinə son dəyişikliklər kimlərin xeyrinə olacaq?

Vergi Məcəlləsinə son dəyişikliklər kimlərin xeyrinə olacaq?
09:12
10.12.2018
4776
İqtisadiyyat
A
Vergi Məcəlləsinə son dəyişikliklər layihəsində fərdi qaydada sahibkarlıqla məşğul olan fiziki şəxslərin, yəni sabit vergi ödəyicilərinin siyahısının genişləndirilməsi nəzərdə tutulur. Hazırda sabit vergi ödəyicisi siyahısına fərdi yaşayış evlərində və mənzillərdə çalışan ev qulluqçusu, xəstələrə, qocalara və uşaqlara qulluq xidməti, dayə, fərdi sürücülük, ev təsərrüfatında təmizlik, bağban, aşpaz, gözətçi və digər analoji işlər və nəqqaşlıqla məşğul olan şəxslər daxildir.

“Ölkə.Az” Trend-ə istinadən xəbər verir ki, 2019-cu ildən artıq bu siyahıya bərbərlər (sabit məbləğ 20 manat), dərzilər (sabit məbləğ 10 manat) və ofisiantlar (sabit məbləğ 10 manat) da daxil ediləcəklər. Bununla da onların vergi yükü xeyli azalacaq, baxmayaraq ki, sabit məbləğlərə əmsallar da tətbiq ediləcək. Nəzərdə tutulan əmsallar isə dəyişməz olaraq qalacaq. Belə ki, Bakı şəhərində bu əmsal (kənd və qəsəbələr daxil olmaqla) 2.0, Gəncə, Sumqayıt və Xırdalan şəhərlərində 1.5, Abşeron rayonunun qəsəbə və kəndləri (Xırdalan şəhəri istisna olmaqla), Şirvan, Mingəçevir, Naxçıvan, Lənkəran, Yevlax, Şəki və Naftalan şəhərlərində 1.0, digər rayon (şəhər) və qəsəbələrdə (kəndlərdə) isə 0.5 olacaq. Məsələn, Bakıda işləyən bərbər 40 manat (20 manat sabit məbləğ x 2 əmsal), dərzi və ofisiantlar isə 20 manat (10 manat sabit məbləğ x 2 əmsal) ödəyəcəklər. Digər bir misal: bu qaydaya əsasən, Gəncədə bərbər 30 manat (20 manat sabit məbləğ x 1.5 əmsal), dərzi və ofisiantlar isə 15 manat (10 manat sabit məbləğ x 1.5 əmsal) vergi ödəyəcəklər.

Vergi Məcəlləsinə edilən dəyişikliklərlə bağlı Vergilər Nazirliyinin Media və Kommunikasiya Mərkəzindən bildirilib ki, əslində yeni qanun böyük bir şey tələb etmir: "Fərdi qaydada işləyən şəxslər əvvəllər də vergi ödəyicisi idilər, dəyişikliklər qüvvəyə mindikdən sonra onlar sabit qaydada vergi ödəyəcəklər".

Qeyd olunub ki, bu yeniliklər fərdi qaydada sahibkarlıqla məşğul olan şəxsləri əlavə vergi inzibatçılığından azad edəcək: "Qanun Milli Məclis tərəfindən qəbul edilib və qüvvəyə mindikdən sonra fərdi qaydada işləyən sahibkarlar bu barədə məlumatlandırılacaq".

Nazirlikdən bildiriblər ki, yeni qayda əslində sahibkarlar üçün çox əlverişlidir: "Məsələn, hazırda Bakıda işləyən bərbər gəlirin 4%-ni (digər bölgələrdə - 2%) ödəyirsə, 2019-cu ildən o, gəlirindən asılı olmayaraq vergini sabit formada ödəyəcək. Bu ona görədir ki, fərdi qaydada işləyən şəxslər əlavə vergi inzibatçılığından azad edilsin, həm də vergi yükü yüngülləşdirilsin. Bu, kiçik sahibkarlığa edilən güzəştlərdən biridir. Bununla yanaşı, onlar vergi orqanına hər rüb uzrə bəyannamənin təqdim edilməsindən də azad ediləcək".

Ölkə.Az

ŞƏRH YAZ
0

“Samsung Galaxy S10”un görüntüləri yayıldı — FOTO

“Samsung Galaxy S10”un görüntüləri yayıldı
14:55
20.01.2019
1045
İqtisadiyyat
A
“Samsung”un yeni “Galaxy S” seriyasının təqdimatına 1 ay qalmış məşhur insayder Evan Blass telefonların dizaynlarını ortaya çıxarıb.

"Ölkə.Az" “Technote”yə istinadən xəbər verir ki, “Galaxy S” seriyasının ən kiçik təmsilçisi “Galaxy S10E” olacaq. O, 5.8 düym ekran, ikili arxa kamera və 3100 mAh enerji tutumlu batareya ilə təchiz olunacaq.

Standart versiya olacaq “Galaxy S10” modeli 6.1 düym ekran (ekranın kənarları əyilmiş şəkildə olacaq), üçlü arxa kamera və 3500 mAh enerji tutumlu batareya ilə təchiz olunacaq. Yeni faqman seriyanın ən böyük modeli olacaq “Galaxy S10 Plus” isə 6.4 düym ekran, ikili ön kamera, üçlü arxa kamera və 4000 mAh enerji tutumlu batareya ilə təchiz olunacaq.

Güman edilir ki, hər bir modelin ekranına ultrasəs texnologiyası əsasında hazırlanmış barmaq izi skanı texnologiyası inteqrasiya ediləcək. Bu isə adi optik barmaq izi skanı texnologiyasından daha effektivdir. Satışa çıxacaqları bazardan asılı olaraq “Galaxy S10” ilə “S10 Plus” modelləri Snapdragon 855 və ya Exynos 9820 prosessorlarına sahib olacaqlar.

“Galaxy S10E” modelinin texniki göstəriciləri barəsində isə heç bir dəqiq məlumat yoxdur.

Qeyd etmək lazımdır ki, “Galaxy S10” seriyasının təqdimatı 20 fevral tarixində San Fransiskoda baş tutacaq.

Ölkə.Az

ŞƏRH YAZ
0

Neftimiz bahalaşdı

Neftimiz bahalaşdı
14:23
19.01.2019
1365
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 1,79 dollar və yaxud 2,86% artıb.

"Ölkə.Az" xəbər verir ki, “Azeri Light” markalı neftin bir barelinin qiyməti 64,40 dollar təşkil edib.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

Ölkə.Az

ŞƏRH YAZ
0
BAĞLA