Vergilər Nazirliyi banklara yoxlama aləti təqdim edib

Vergilər Nazirliyi banklara yoxlama aləti təqdim edib
11:08
17.04.2018
917
İqtisadiyyat
A
Vergilər Nazirliyi dövlət satınalma əməliyyatlarına nəzarət etmək məqsədilə banklara yoxlama aləti təqdim edib.

Azərbaycan Banklar Assosiasiyasından (ABA) "Ölkə.Az"a verilən məlumata görə, qurumun "Komplayens" üzrə ekspert qrupunun iclasında dövlət satınalma əməliyyatlarına nəzarət etmək məqsədilə Vergilər Nazirliyinə rəsmi müraciətin müsbət qarşılanması və Vergilər Nazirliyinin banklara təqdim etdiyi yoxlama aləti, "Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması" qaydasına dair məsələlər müzakirə edilib.

Həmçinin iclasda zamanı "NBC Bank" ASC, "Bank Avrasiya" ASC və "GünayBank" ASC-nin nümayəndələrinin "Komplayns” ekspert qrupuna daxil edilməsi məsələsinə baxılıb.

Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 29 bank və 3 qeyri-bank təşkilatı ABA-nın üzvüdür.

ŞƏRH YAZ
0

Azərbaycan qazının Avropaya nəqlində növbəti mərhələ

Azərbaycan qazının Avropaya nəqlində növbəti mərhələ
21:43
22.03.2019
299
İqtisadiyyat
A
Azərbaycan qazının Avropaya nəqlini nəzərdə tutan Yunanıstan-Bolqarıstan interkonnektorunun (IGB) tikintisi üçün mühəndis-sahibkar seçilib.

Bu barədə Trend-ə şirkətdən məlumat veriblər.

Bildirilib ki, ICGB layihə şirkəti IGB üçün mühəndis-sahibkarın seçilməsi üzrə dövlət satınalmaları prosedurunu uğurla yekunlaşdırıb. ICGB tərəfindən təyin olunan komissiya TIBEI konsorsiumunu podratçı qismində seçib. Konsorsium əsas xidmətlər paketinə daha qənaətcil qiymət təklif edib – 5,67 milyon avro.

TIBEI – "Tractebel Engineering SA" (Belçika), "Tractebel Engineering SRL" (İtaliya), "INTBER GMBH" (Avstriya), "psilon Consult OOD" (Bolqarıstan) və "Engineering EAD" (Bolqarıstan) şirkətlərini özündə birləşdirən konsorsiumdur.

Qeyd olunub ki, mühəndis-sahibkarın seçilməsi layihənin yekunlaşdırılması üçün 3 əsas tenderdən biridir. Mühəndis-sahibkar hazırlıq mərhələsi və tikinti prosesi zamanı IGB layihəsinin reallaşdırılmasına nəzarət edən əsas müqaviləçidir.

Mühəndis-sahibkarın vəzifələrinə sifarişçiyə tikinti mərhələsində boru kəməri istifadəyə verilənə qədər layihənin reallaşdırımasında kömək göstərilməsi, həmçinin layihə ilə bağlı bütün əsas müqavilələrin, o cümlədən boru kəmərlərinin tədarükü, layihələndirmə və tikinti üzrə müqavilələr də daxil olmaqla idarə edilməsi daxildir.

Ölkə.Az

ŞƏRH YAZ
0

Azərbaycan nefti cüzi ucuzlaşdı

Azərbaycan nefti cüzi ucuzlaşdı
12:53
22.03.2019
463
İqtisadiyyat
A
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,27 dollar və yaxud 0,39% azalıb. Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,27 dollar və yaxud 0,39% azalıb.

"Ölkə.Az" xəbər verir ki, “Azeri Light” markalı neftin bir barelinin qiyməti 69,43 dollar təşkil edib.

Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.

Ölkə.Az

ŞƏRH YAZ
0
BAĞLA