KORONAVİRUSA YOLUXANLARIN SAYI - CANLI STATİSTİKA

Vətəndaşları karantin postlarından 50 manata keçirən “polis” tutuldu

Vətəndaşları karantin postlarından 50 manata keçirən “polis” tutuldu
18:44
29.06.2020
8662
Ölkə
A
Özünü polis əməkdaşı kimi qələmə verən və vətəndaşların etibarından sui-istifadə edərək onlardan müxtəlif məbləğlərdə pul alan, əvvəllər məhkum olunmuş Qaradağ rayonunun Ələt qəsəbə sakini Zamiq Əhmədov saxlanılıb.

Bu barədə "Ölkə.Az"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, saxlanılan şəxs ayrı-ayrı vətəndaşlardan aldatma yolu ilə 50 manat məbləğində pul müqabilində onları şəhərin giriş-çıxışlarında quraşdırılmış polis nəzarət postlarından yayındırıb, kənar və torpaq yollarla şəhər və bölgələr istiqamətində keçirib. Sonuncu belə əməliyyat zamanı o, polis əməkdaşları tərəfindən saxlanılıb.

Saxlanılan şəxs törətdiyi cinayət əməlini etiraf edib.

Qeyd edək ki, Z.Əhmədov bundan əvvəl CM-in 178-ci, yəni dələduzluq maddəsi ilə həbs edilib.

Polis əməkdaşlarının keçirdiyi növbəti tədbir nəticəsində Göyçay rayon sakini Nahid Şıxəliyev yaşadığı rayondan öz avtomobili ilə gətirdiyi həmyerlilərini Bakıya, Ələt qəsəbə sakini Şamo Şamilov da ayrı-ayrı şəxslərdən aldığı pul müqabilində onları polis nəzarət postlarından torpaq yolla keçirərkən saxlanılıblar.

Saxlanılan hər üç şəxs barəsində məhkəmənin qərarı ilə inzibati qaydada həbs qərarı çıxarılıb.

ŞƏRH YAZ
0

Azərbaycanda koronavirusdan ilk ölümün qeydə alındığı kənddən — VİDEOREPORTAJ

Azərbaycanda koronavirusdan ilk ölümün qeydə alındığı kənddən
23:41
Bu gün
2312
Ölkə
A
Baku TV komandası bu həftə Lənkaranın Boladi kəndinə üz tutub.

Bura koronavirusdan ölən ilk şəxsin olduğu kənddir. 10 000 əhalisi olan kənddə indiyədək 70 nəfər koronavirusa yoluxub.

Amma buna baxmayaraq, kənd camaatının küçədə maskasız, əlcəksiz gəzməsi müşahidə edilir. Burada hələ də virusa inanmayanlar olsa da, digər tərəfdən koronavirusdan sağaldıqlarına görə, qurban kəsənlər də var.

Qəribəsi budur ki, Baku TV komandası kəndə çatdığı zaman yol kənarında dayanan qadınlar bu kəndin təhlükəli olduğunu deyiblər və ora getməyin məqsədəuyğun olmadığını bildiriblər.

Ətraflı Baku TV-nin xüsusi buraxılışında baxa bilərsiniz:

ŞƏRH YAZ
0

“Şirin Su” Neftçala sakinlərinə pulsuz içməli su payladı — FOTO

“Şirin Su” Neftçala sakinlərinə pulsuz içməli su payladı
22:49
Bu gün
9321
Ölkə
A
“Şirin Su” şirkəti tərəfindən Neftçala sakinlərinə pulsuz içməli su paylanıb.

"Ölkə.Az" xəbər verir ki, “Şirin Su” şirkətinin başlatdığı təşəbbüsə Neftçala Rayon İcra Hakimiyyəti də daxil olmaqla, bir sıra qurumlar, vətəndaşlar tərəfindən dəstək verilib.

Kampaniya nəticəsində Neftçala şəhərinin bir neçə məntəqəsinə “Şirin Su” şirkətinin istehsalı olan 4 000 ədəd beş litrlik içməli su yardımı paylanılıb.

Neftçala Rayon İcra Hakimiyyəti “Şirin Su” şirkəti tərəfindən sakinlər üçün ayrılan su yardımının paylanmasına yaxından dəstək olub. 

Neftçala sakinləri bu təşəbbüsə qoşulan bütün qurumlara təşəkkürlərini bildirirlər.oxu.az

ŞƏRH YAZ
0
BAĞLA