"Vəziyyətimiz çox pisdi dilənirik" — Rəmişin həyat yoldaşından şok açıqlama

17:48
14.12.2017
3381
Mədəniyyət
A
Xalq artisti Rəmiş (Rafiq Hüseynov) namaz qılıb quran oxumağa başlayıb.

"Ölkə.Az" xəbər verir ki, bütün pis vərdişləri ilə vidalaşan xalq artisti artıq haqq yoluna dönüb. Belə ki, gündə bir neçə dəfə namaz qılıb, Allaha dualar edən Rəmiş, Quranı da mütaliə eləməyə başlayıb. O yaxın ətrafına bununla bağlı danışarkən “həttda toyum da olsa namazdan qalmaram, namazımı qılıb, duamı edib sonra gedirəm” deyib.
 
Məsələ ilə bağlı “Ucnoqta.az” saytı xalq artistiylə əlaqə saxlayıb. Rəmişin həyat yoldaşı Gülü Hüseynova saytımıza şok açıqlamalar verib. O xalq artistinin həqiqətən haqq yoluna döndüyünü, amma vəziyyətlərinin çox pis olduğunu bildirib.
 
“Rəmiş 2015-ci ildən toylara getmir. Onun 2015-ci ildən bir dənə də olsun toyu yoxdu.Bizi istəməyən insanlar yalandan Rəmişi toya aparmaq istəyənlərə deyib ki, o xəstədi, o toya getmir. Belə biabırçılıq olmaz. Bizim vəziyyətimiz çox pisdi. Rəmiş xalq artisti adına görə 100 manat, mən də 180 manat pensiya alıram, onunla dolanırıq. Dolanmaq da demək olmaz, dilənirik. Rəmiş qeyrətli oğuldu. O gitaranı ilk dəfə Azərbaycan dilində dindirib. Niyə indi belə olmalıdı? Rəmiş heç kimə pislik etməyib. Köməklikləri lazım deyil, toylarına mane olmasınlar. Bizim vəziyyətimiz çox pisdi. Bu barədə hər yana müraciət etmişəm. Deyiblər gözləyin yaxşı olacaq. Biz də gözləyirik.Rəmiş belə günlərə layiq deyil”.

ŞƏRH YAZ
2

Naxçıvanda görkəmli rəssam İbrahim Səfiyevin yubileyi keçiriləcək

Naxçıvanda görkəmli rəssam İbrahim Səfiyevin yubileyi keçiriləcək
23:28
17.10.2018
198
Mədəniyyət
A
Naxçıvan Muxtar Respublikası Ali Məclisinin sədri Vasif Talıbov görkəmli rəssam İbrahim Səfiyevin yubileyinin keçirilməsi haqqında sərəncam imzalayıb.

"Ölkə.Az" report-a istinadla xəbər verir ki, sərəncama əsasən İ.Səfiyevin Azərbaycan və Türkiyədə rəssamlıq sənətinin inkişafındakı xidmətlərini nəzərə alaraq, görkəmli rəssam İbrahim Səfiyevin 120 illik yubileyi Naxçıvan Muxtar Respublikasında qeyd olunacaq.

Sərəncamla “Görkəmli rəssam İbrahim Səfiyevin 120 illik yubileyinin keçirilməsi ilə əlaqədar Tədbirlər Planı” təsdiq olunub.

Ölkə.Az

ŞƏRH YAZ
0

Tbilisidə sərgidə “Qarabağda itirilmişlər” kompozisiyası təqdim olunub

Tbilisidə sərgidə “Qarabağda itirilmişlər” kompozisiyası təqdim olunub
20:56
17.10.2018
256
Mədəniyyət
A
Tbilisinin “Erti” qalereyasında “Sabah dünən olacaq” (“Tomorrow will be yesterday”) adlı sərgi açılıb.

"Ölkə.Az" report-a stinadən xəbər verir ki, sərgidə Gürcüstan, Azərbaycan, Ermənistan, Rusiya və Dağıstandan olan rəssam və fotoqrafların əsərləri təqdim olunub.

Fərqli və maraqlı ekspozisiyanın mövzusu tarix, regionda mövcud geosiyasi vəziyyət və münaqişələrə həsr olunub.

Sərgidə azərbaycanlı fotoqraf Sitarə İbrahimovanın müəllifi olduğu fotoşəkillərdən ibarət “Qarabağda itirilmişlər” (“Lost in Karabakh”) adlı kompozisiya təqdim olunub.

Səkkiz fotoşəkilin yer aldığı kompozisiya Qarabağ münaqişəsinə cəlb olunmuş insanların maddi dünyasını əks etdirir.

Fotoşəkillərdə münaqişə zamanı itkin düşmüş insanların şəxsi əşyaları mavi fonda əlavə estetizasiyasız nümayiş etdirilir. Kompozisiyanın əsas mənası ondan ibarətdir ki, fotoşəkillərdə əks olunan əşyalar sahiblərinə daha heç vaxt xidmət etməyəcək.

Təqdim olunmuş kompozisiyalardan ən çox diqqət çəkəni dağıstanlı rəssam Taus Maxaçevanın “Peyzaj” adlı layihəsidir. Kompozisiya taxtadan təbii ölçüdə hazırlanmış və Qafqazda yaşayan müxtəlif xalqlara aid 40 insan burnundan ibarətdir. Rəssam layihəsi ilə Qafqaz xalqları arasında dərin tarixi əlaqələrin olduğunu göstərir.

Sərgi dekabrın 5-nə qədər davam edəcək.

Ölkə.Az

ŞƏRH YAZ
0
BAĞLA