Vikinq məzarlarından “Allah” və “Əli” yazıları çıxdı — ŞOK FAKTLAR

Vikinq məzarlarından “Allah” və “Əli” yazıları çıxdı
09:41
07.10.2017
137
Maraqlı
A
İsveçdə IX əsrə aid vikinq məzarlarından üzərində “Allah” və “Əli” yazılan geyim və parça tapılıb.

“Ölkə.Az” xəbər verir ki, yeni kəşflə bağlı Uppsala universitetinin Qədim dövr tarixi və arxeologiya bölümünün tədqiqatçılarından Annika Larsson danışıb. Alim bildirib ki, vikinqlər İslam dini və ölümdən sonra cənnətə əbədi yaşam inancından təsirlənmiş ola bilərlər.

Arxeoloji qazıntılar Birka şəhərində aparılıb. Larsson deyir: “Maraqlı və diqqət çəkən kəşfdir. Vikinqlər cənnətdə əbədi həyat inancından təsirləniblər”.

Sözlərin ərəb hərfləri ilə düz və geometrik olaraq yazıldığını, kufi xəttindən istifadə edildiyi bildirilir: “Vikinqlər meyitləri paltar və zinət əşyaları ilə dəfn edirdilər. Qəbirlərdə üzərinə gümüş saplarla Allah və Əli ifadələri işlənmiş ipək geyimlər və parçalar tapdıq. Bu geyimlər əsasən meyitin baş tərəfinə qoyulub. Bu ifadələrə bəzi yastıqlarda da rast gəldik”.

Vikinqlər ilə İslam dünyası arasında mədəniyyət  paylaşımına diqqət çəkən Larsson deyib: “Rusiyanın Volqa çayı boyunca Skandinaviya ilə Orta Asiya arasında mədəni inteqrasiya gedib. Məzarlardan çıxan bu parçalar ya ticarət yolu ilə satın alınıb, ya da yağmalanma nəticəsində ələ keçirilib. Burada qəribə olan mədəniyyət mübadiləsinin gözə çarpmasıdır. Bəzi mənbələrə görə müsəlman ərəblər ticarət və başqa məqsədlər üçün Qərbə səyahət edirdilər”.

Larsson bildirib ki, vikinqlərin ölümdən sonra həyat düşüncəsinə inandıqlarını sübut edən bir çox dəlil aşkar edilib: "Vikinq tanrısı Odinin Asyadan İsveçin Malardalen bölgəsinə köçən bir savaşçı olduğu barədə əfsanə var. Vikinqlər ölümdən sonra da həyatın davam etdiyinə və cənnətdə əbədi yaşamın olduğuna inanırdılar. Bu inanc birbaşa İslam dinindən təsirlənmişdi".

Məzarlarda tapılan paltar və parçalar artıq Enköpinq muzeyində nümayiş etdirilir. Sərgi 2018-ci ilin 3 fevral tarixinə qədər davam edəcək.

Qeyd edək ki, iki il əvvəl Björkö adasında aparılan arxeoloji qazıntılar zamanı IX əsrə aid vikinq üzüyü tapılmışdı. Üzüyün üstündə isə ərəb əlifbası ilə Allah sözü yazılmışdı.

Hikmət Həsənov
Ölkə.Az

ŞƏRH YAZ
0

Vəhşi təbiətin ən gülməli — FOTOLARI

Vəhşi təbiətin ən gülməli
14:36
Bu gün
2358
Maraqlı
A
"Comedy Wildlife Photography Awards" 2017-ci il üçün vəhşi təbiətin ən gülməli fotolarını seçib.

"Ölkə.Az" xəbər verir ki, müsabiqədə 86 ölkədən 3.500 foto iştirak edib.
Macar fotoqra Tibor Kertsin fotosu. Budaqda üç bayquş var, onlardan biri yıxılır.

"Torpaq üzərində" kateqoriyası üzrə italyan Andrea Zampatinin "çiçək üzərində çöl siçanı" fotosu

"Su altında" kateqoriyası üzrə avstraliyalı Troy Meynin "balığı kənara itələyən narazı tısbağa" fotosu

"Havada" kateqoriyası üzrə şotland Con Trelfollun "raket-quş" fotosu

Digər namizədlərin fotoları

Hikmət Həsənov
Ölkə.Az

ŞƏRH YAZ
0

NASA-dan tarixi kəşf — Yeni planet sistemi

NASA-dan tarixi kəşf
13:29
Bu gün
1565
Maraqlı
A
NASA "Google"un ixtirası olan süni intellektdən istifadə edərək yeni planet sistemi kəşf edib.

"Ölkə.Az" xəbər verir ki, Günəş sisteminə çox bənzəyən sistem Dünyadan 2 min 545 işıq ili uzaqlıqda yerləşir. Kəşf edilən yeni sistemin 8 planeti var.

Xəbəri NASA və "Google" şirkəti mətbuat konfransında paylaşıb. Bildirilir ki, planetimizdən 2 min 545 işıq ili uzaqlıqda yeni sistem kəşf edilib.

Sistemin mərkəzindəki ulduz Günəşdən daha isti və böyükdür. "Kepler 90i" adı verilən sistemin ən kiçik planeti Yerdən böyük, səthində hərarət isə daha istidir.

Hikmət Həsənov
Ölkə.Az

ŞƏRH YAZ
0
BAĞLA