Vilayət Eyvazov Avstriyalı nazirlə görüşüb

Vilayət Eyvazov Avstriyalı nazirlə görüşüb
18:50
10.10.2019
2934
Siyasət
A
Oktyabrın 10-da Azərbaycan Respublikasının Daxili İşlər naziri, general-polkovnik Vilayət Eyvazov ölkəmizdə səfərdə olan Avstriyanın Federal Nəqliyyat, İnnovasiya və Texnologiya naziri Andreas Rayxhardtın başçılıq etdiyi nümayəndə heyətini qəbul edib.

Daxili İşlər Nazirliyinin (DİN) Mətbuat xidmətindən "Ölkə.Az"a verilən məlumata görə, geniş potensiala malik ikitərəfli münasibətlərin dinamik inkişaf etdiyini xatırladan Daxili İşlər naziri onlara ölkə Prezidentinin rəhbərliyi altında respublikamızda həyata keçirilən köklü hüquqi-demokratik və sosial-iqtisadi islahatlar, cinayətkarlıqla mübarizə, sabitliyin bərpası, kriminogen durumun nəzarətə götürülməsi, ictimai qaydanın qorunması, həmçinin, DİN-in əsas hüquq və vəzifələri, o cümlədən yol hərəkəti təhlükəsizliyinin təmini barədə məlumat verib.

Azərbaycan-Avstriya münasibətləri barədə danışan nazir V.Eyvazov iki ölkənin Daxili İşlər nazirlikləri arasında sıx işgüzar əlaqələrin mövcudluğunu, bu əməkdaşlığın beynəlxalq hüquqi sənədlər əsasında həyata keçirildiyini qeyd edib. Avropa ölkələrinin polis təşkilatları arasında Avstriya DİN-in ölkəmizin analoji qurumu ilə ikitərəfli əlaqələr quran ilk orqan olduğunu diqqətə çatdıran cənab V.Eyvazov polis təlimi və ixtisasartırma sahəsində iki mühüm sənədin imzalandığını, qarşılıqlı səfərlərin əməkdaşlığın daha da dərinləşməsinə təkan verdiyini xüsusi vurğulayıb.

A.Rayxhardt səmimi qəbula və ətraflı məlumata görə minnətdarlıq edərək, ölkəmizin sürətli inkişafından, Bakının dünyanın ən gözəl və ən təhlükəsiz şəhərlərindən biri olmasından, burada özünü çox rahat və təhlükəsiz hiss etməsindən məmnunluğunu ifadə edib. O, bütün sahələrdə, o cümlədən yeni informasiya texnologiyalarının tətbiqi, hüquq-mühafizə fəaliyyəti sahəsində təcrübə və məlumat mübadiləsinin əhəmiyyətini nəzərə çatdıraraq ikitərəfli əlaqələrin daha da genişlənməsinə öz töhfələrini verəcəyini bildirib.

Səmimi və işgüzarlıq şəraitində keçən görüş zamanı qarşılıqlı maraq doğuran bir sıra digər məsələlər də müzakirə olunub.

Qəbulda Avstriya və Azərbaycanın fövqəladə və səlahiyyətli səfirləri - Bernd Bayerl və Qalib İsrafilov qəbulda iştirak ediblər.

Ölkə.Az

ŞƏRH YAZ
0

Daha bir Avropa ölkəsi Türkiyəni dəstəklədiyini bəyan etdi

Daha bir Avropa ölkəsi Türkiyəni dəstəklədiyini bəyan etdi
21:48
Bu gün
362
Siyasət
A
Terror qruplarını sıradan çıxarmaq üçün sülh hərəkatına başlayan, Suriyaya ordu göndərən Türkiyəni qınayan çoxdur.

Daha çox Qərb dövlətləri qardaş ölkəni hərbi fəaliyyəti dayandırmağa çağırırlar. Amma Avropada Türkiyəni dəstəkləyənlər də var.

Bu dəfə Bolqarıstan Ərdoğan hökumətinin addımına dəstək ifadə edib.

Bununla da Türkiyəni dəstəkləyən Avropa ölkələrinin sayı 3-ə çatıb. Daha əvvəl Macarıstan və İspaniya belə addım atmışdı.

Bolqarıstanın baş nazirinin müavini, xarici işlər naziri Yekaterina Zahariyeva dövlət televiziyasına açıqlamasında Türkiyəni ittiham etməyin yersiz olduğunu bildirib. O, Türkiyəni müttəfiq dövlət, yaxşı qonşi adlandırıb. Xarici işlər naziri ölkələr arasında ticarət mübadiləsinin 4,2 milyard dolları keçdiyini xüsusi vurğulayıb. /// bizimyol.info

Ölkə.Az

ŞƏRH YAZ
0

Zakir Həsənov Çinə səfər edəcək

Zakir Həsənov Çinə səfər edəcək
17:52
Bu gün
1050
Siyasət
A
Azərbaycan Respublikasının Müdafiə naziri general-polkovnik Zakir Həsənov Çin Xalq Respublikası Dövlət Şurasının üzvü, ÇXR Milli Müdafiə naziri general-polkovnik Vey Fenxenin dəvəti ilə Pekin şəhərinə gedəcək.

Bu barədə "Ölkə.Az"a Müdafiə Nazirliyinin Mətbuat xidmətindən məlumat verilib.

İşgüzar səfər çərçivəsində Müdafiə nazirinin ÇXR-nın hərbi-siyasi rəhbərliyinin rəsmiləri ilə görüşləri planlaşdırılır.

ŞƏRH YAZ
0
BAĞLA