"Vital" klinikada doğuş zamanı UŞAQ ÖLDÜ

13:29
11.07.2018
3354
Hadisə
A
"Vital" klinikasında doğuş zamanı uşaq ölümü qeydə alınıb.

Bu barədə "Ölkə.Az"a körpəsini itirən 28 yaşlı Leyla Quliyevanın anası Fəridə Rəhimli məlumat verib:

"Qızım doqquz ay ərzində klinikanın həkimi Nailə Əzizovanın nəzarətində olub. Doğuşdan bir müddət əvvəl həkimə bildirib ki, özümü yaxşı hiss etmirəm, hətta həmin simptomlarla bağlı internetdən məlumat oxuyub. Məlum olub ki, hiss etdiyi simptomlar yetərincə təhlükəlidir. Ancaq həkim qızıma bildirib ki, qorxulu heç nə yoxdur. Axırıncı dəfə klinikaya gəlməzdən dörd gün əvvəl Nailə Əzizovaya bir daha müraciət edib. Həkim yenə bildirib ki, narahatlığa əsas yoxdur. Dörd gündən sonra cift qopması baş verib və qızım ölümcül vəziyyətdə klinikaya çatdırılıb. Təsəvvür edin ki, klinikada nə küvəz, nə qan ehtiyatı, nə də təcili yardım maşını yoxdur. Həkim yenicə doğulmuş körpəni atasına verib ki, bunu Respublika Klinik Xəstəxanasında Pataloji Doğum Şöbəsinə apar". 

F.Rəhimli bildirib ki, baş vermiş hadisəylə bağlı N.Əzizovanı və "Vital" klinikanı məhkəməyə verməyə hazırlaşırlar. 
Qeyd edək ki, bu, Nailə Əzizovayla bağlı ilk belə hadisə deyil. Belə ki, bir müddət öncə Abşeron rayon Mərkəzi Xəstəxanasında işləyərkdən 23 yaşlı qadın doğuş zamanı dünyasını dəyişmişdi. 
Özünü klinikanın hüquqşünası kimi təqdim edən şəxs isə əməkdaşımızla söhbətində bildirib ki, rəhbərlik məzuniyyətdədir, özü isə sükan arxasında olduğu üçün bu barədə danışa bilməyəcək.

İntiqam VALEHOĞLU
Ölkə.Az

ŞƏRH YAZ
0

Gədəbəydə yaşayış evindən əl qumbarası və partladıcı tapıldı — FOTO

Gədəbəydə yaşayış evindən əl qumbarası və partladıcı tapıldı
01:00
Bu gün
281
Hadisə
A
Bu gün Gədəbəy rayonu, Nizami küçəsi, ev 3-də 1 ədəd əl qumbarası tapılıb.

"Ölkә.Az" bildirir ki, Azərbaycan Respublikası Ərazilərinin Minalardan Təmizlənməsi Üzrə Milli Agentliyinin (ANAMA) mətbuat xidməti məlumat yayıb.

 ANAMA-nın xüsusi mobil çevik əməliyyat qrupu və Daxili İşlər Nazirliyinin Gədəbəy rayon Polis şöbəsinin əməkdaşları dərhal həmin əraziyə göndərilib.

Agentliyin mütəxəssisləri və Gədəbəy rayon Polis şöbəsinin əməkdaşları tərəfindən  yaşayış evinin zirzəmisinə baxış keçirilib.

Yerli əhalinin təhlükəsizliyini təmin etmək məqsədilə ərazi polis tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd F-1 əl qumbarası və 1 ədəd UZRQM partladıcısı aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb. 

 Aşkar olunmuş əl qumbarasının ətrafında 25 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkә.Az

ŞƏRH YAZ
0

Qubada iki dost bir-birini bıçaqladı

Qubada iki dost bir-birini bıçaqladı
23:30
22.02.2019
705
Hadisə
A
Quba rayonunda iki tanış bir-birini bıçaqlayıb.

"Ölkə.Az" trend-ə istinadən bildirir ki, hadisə rayonun H.Əliyev prospektində baş verib.

Rayon sakini Məmmədov Zakir Abdulla oğlu rayonun M.Ə.Rəsulzadə küçəsində tanışı, sərxoş vəziyyətdə olan Rafiq Əlməmmədovla rastlaşıb. R.Əlməmmədov Z.Məmmədovu söyüb və tanışlar arasında əlbəyaxa dava başlayıb.

Hadisə zamanı R.Əlməmmədov cibindən bıçağı çıxararaq Z.Məmmədovu qorxutmaq istəyərkən onu əlindən bıçaqlayıb. Z.Məmmədov bıçağı onun əlindən almağa cəhd edib və R.Əlməmmədovu ayaq nahiyəsindən bıçaqlayıb.

Sonra hər iki şəxs bıçağı zibil yeşiyinə ataraq hadisə yerindən qaçıblar.

Quba rayon Polis Şöbəsinin əməkdaşları hadisə yerinə baxış keçirib və ərazidən hadisədə istifadə olunan bıçağı aşkar ediblər.

Faktla bağlı Quba rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsilə cinayət işi başlanıb.

Ölkə.Az

ŞƏRH YAZ
0
BAĞLA