Vitse-admiral Şahin Sultanovun məhkəməsinin vaxtı bilindi

"Ölkə.Az"ın APA-ya istinadən xəbərinə görə, apellyasiya şikayətinə sentyabrın 28-də Bakı Apellyasiya Məhkəməsində hakim Elşad Şamayevin sədrliyi ilə baxılacaq.
 
Qeyd edək ki, Bakı Hərbi Məhkəməsinin hökmü ilə Şahin Sultanov 8 il 6 ay müddətinə azadlıqdan məhrum edilib. Onun cəzası 3 il sınaq müddəti olmaqla, şərti hesab olunub. Digər təqsirləndirilənlər Qalib Hacıyev 2 il sınaq müddəti təyin edilməklə, 5 il şərti cəzaya məhkum edilib. Həbsdə olan Kazım Əsgərova da şərti cəza verilib. O, məhkəmə zalından azadlığa buraxılıb. Kamandar Paşayev, Vüqar Hacıyev, Əziz Xıdırov da şərti cəzaya məhkum edilərək, həbsdən azad ediliblər.
 
Ş. Sultanov Cinayət Məcəlləsinin 313-cü (vəzifə saxtakarlığı) və 179.3.2-ci (mənimsəmə - külli miqdarda törədildikdə) maddələri ilə təqsirləndirilib.