Putinin ölkəmizə səfərinin proqramı açıqlandı
Sentyabrın 27-si səhər saatlarında Rusiya prezidenti Vladimir Putin Bakıya gələcək.
"Ölkə.Az" “RİA Novosti”yə istinadən xəbər verir ki, bu barədə Rusiya prezidentinin mətbuat xidmətinin rəhbəri Dmitri Peskov məlumat verib.
Onun sözlərinə görə, V.Putin Bakıda Rusiya - Azərbaycan regionlararası forumunda iştirak edəcək.
“Dövlət başçıları Vladimir Putin və İlham Əliyev region rəhbərləri ilə görüşəcək və onların qarşısında çıxış edəcəklər. Bundan əvvəl Rusiya prezidenti Bakıda keçirilən cüdo üzrə dünya çempionatının bəzi görüşlərini də izləyəcək” - deyə, Peskov qeyd edib.
Ölkə.Az
