KORONAVİRUSA YOLUXANLARIN SAYI - CANLI STATİSTİKA

““Volqa” ilə “BMW” heç vaxt eyni ola bilməz” — Ramin Musayev məğlubiyyətdən danışdı

““Volqa” ilə “BMW” heç vaxt eyni ola bilməz”
00:18
12.07.2019
6565
İdman
A
Peşəkar Futbol Liqasının prezidenti Ramin Musayev Avropa Liqasının 1-ci təsnifat mərhələsində "Səbail"in evdə "Universitetya"ya 2:3 hesabı ilə uduzduğu görüşdən sonra brifinqdə jurnalistlərin suallarını cavablandırıb.

“Ölkə.Az” qol.az-a istinadən xəbər verir ki, o, əvvəlcə oyun haqda danışıb.

“Şans sonda bitir. Amma açığı, rəqib komandadan daha yaxşı oyun gözləyirdim. Maddi durumu da fikirləşək. Amma bu o demək deyil ki, biz zəif oynamalıyıq. Rəqib komandadan fərqli olaraq, bizim komandamızın avrokuboklarda iştirakının özünə də bir təbrik düşür. "Səbail" gənc komandadır, gənc məşqçisi var”.

- Hiss edirdiz ki, "Səbail" qorxur?

- Yox. “Neftçi” ilə ilk dəfə avrokuboklarda “Anderlext” qarşı oynayanda uşaqlar dedi ki, 15 dəqiqə bilmədik hara qaçaq. Ancaq bu gün rəqib komanda köklü klubdur. Rumıniya komandası çox çətin rəqibdir. "Səbail"in həm məşqçisinə, həm də heyətinə təbrik düşür. Birinci oyun idi, bu, belə olmalı idi. Və güc məsələləri var. "Volqa" ilə "BMW" heç vaxt eyni ola bilməz.

- Avrokuboklarda digər komandalarımızdan nə gözləyirsiniz?

- "Neftçi"ni təbrik edirik. "Qarabağ" baxmayaraq ki, heç-heçə edib, yəqin ki, cavab qarşılaşmasında öz hünərini göstərəcək. "Qəbələ"yə də uğurlar arzu edirik. Fikrimcə, 4 komanda arasında ən çətin rəqib "Səbail"ə düşüb.

Ölkə.Az

ŞƏRH YAZ
0

"Bavariya"nın kapitanı Bundesliqada 400-cü oyununa çıxıb

23:50
26.05.2020
1104
İdman
A
Almaniya Bundesliqasının XXVIII turunda Dortmund "Borussiya"sı ilə keçirilən oyun "Bavariya"nın kapitanı Manuel Noyer üçün əlamətdar olub.

''Ölkə.Az'' Apasport.az-a istinadən xəbər verir ki, hazırda davam edən turun mərkəzi qarşılaşması qapıçının Bundesliqada 400-cü matçı olub.

34 yaşlı qolkiper bu göstəriciyə çatan 3-cü futbolçu kimi tarixə düşüb. Bu baxımdan rekord "Verder"in hücumçusu Klaudio Pizarroya məxsusdur. Onun aktivində 487 görüş var. İkinci pillədə "Union"un üzvü Kristian Gentner (402) qərarlaşıb.

Qeyd edək ki, "Bavariya" Coşua Kimmixin 43-cü dəqiqədə vurduğu yeganə qol sayəsində səfərdə 1:0 hesabı ilə öndədir.

Ölkə.Az

ŞƏRH YAZ
0

Deputatdan Azərbaycanın idman siyasəti ilə bağlı maraqlı paylaşım — VİDEO

Deputatdan Azərbaycanın idman siyasəti ilə bağlı maraqlı paylaşım
18:16
26.05.2020
888
İdman
A
Deputat Ülvi Quliyev sosial media hesabında Azərbaycanın idman siyasətinə həsr olunmuş video paylaşıb.

Videoda deputatın dilindən Azərbaycandakı idman siyasətinin əsas üstünlüklərindən söz açılır, bu siyasətin əsasının dövlət başçısı İlham Əliyevin xidmətləri ilə bağlılığı vurğulanır:

“Gənclər siyasətimizin əsas istiqamətlərindən biri də idmanımızın inkişafıdır, gənclərimizin sağlam həyat tərzidir. İdman yeganə vasitədir ki, ölkəni, onun rəmzlərini bütün dünyada təmsil edir. Azərbaycan idman ölkəsidir. Bu istiqamətdə dünya miqyasında işlər görülür. Nəticə olaraq idman sürətlə inkişaf edir.

Son vaxtlar Azərbaycanın ev sahibliyi etdiyi dünya çempionatları, Avropa Oyunları, İslam Həmrəylik Oyunları ölkəmizin potensialını, bizim siyasətimizi, imkanlarımızı bütün dünyaya çatdırır. İdmançılar xalqlar və ölkələr arasında xoş münasibətlər yaradır.

Ölkə başçısının bu sahədə apardığı siyasət ölkəmizdə idmanın hərtərəfli inkişafına səbəb olub. İdmanın inkişafı ilə bağlı bütün məsələləri diqqətində saxlamağı, idmançılara qayğısı, onların problemləri ilə daima maraqlanması idmanın inkişafına yüksək töhfələr verib”.

Video Prezident İlham Əliyevin sözləri ilə başa çatır:

“İdman Azərbaycanda dövlət siyasətidir”.

ŞƏRH YAZ
0
BAĞLA