Vüqar Rəhimzadə: "Əlli yaşımı əkiz qardaşımla qeyd edəcəyik"

Vüqar Rəhimzadə:
15:35
23.05.2017
1333
Ölkə
A
Bu gün "İki sahil" qəzetinin baş redaktoru, Mətbuat Şurası İdarə Heyətinin üzvü, Prezident Yanında KİV-ə Dəstək Fondunun Müşahidə Şurasının sədr müavini Vüqar Rəhimzadənin doğum günüdür.

Əlli yaşlı yubilyar doğum günündə "Ölkə.Az"-ın suallarını cavablandırıb.

- Vüqar müəllim, 50 yaş hansı yaşdır?

- 50 yaş cavanlığın qocalığı, qocalığın da cavanlığıdır.

- Bəs siz özünüzü cavanlığa daha yaxın hiss edirsiniz, yoxsa qocalığa?

- (gülür) Cavanlığa daha yaxın hisss edirəm. İnsan gərək ruhən, mənən cavan, sağlam və saf olsun. Zahirən saçın ağarmağı təbiidir. Əlli il nə böyük, nə də kiçik yaşdır. İllər ərzində yaddaqalan xatirələrim var. Bu illlərdə çox dəyərli insanlarla təmas qurmuşam, kifayət qədər dostlarım var. Özümü dünyanın mənəvi baxımdan ən zəngin insanı hesab edirəm. Ona görə ki, maddi baxımdan bir o qədər varlı olmasam da, kifayət dostlarım var. Narazılığım da yoxdur, Allaha min şükür. Hər halda mənəvi cəhətdən daha zənginəm. Azərbaycan jurnalistikasında 30 ilə yaxındır ki, fəaliyyətim var. 1991-ci ildən isə "İki sahil" qəzetinin redaktoruyam. Düşünürəm ki, çox düzgün mövqedə olmuşam. Qəzetçilik mənim göstəricimdir, normadır. Qəzetdən ayrı yaşaya bilmirəm. Qürur hissi keçirirəm ki, mətbuat nümayəndəsiyəm. 

- Eyni zamanda siyasi fəaliyyətiniz də var. Həmçinin deputat olmusunuz. Jurnalistika və siyasət bir arada çətin deyil ki?

- Heç bir problem yoxdur. Ümumiyyətlə, jurnalist ədalətli olmalıdır. Dövlətinə, millətinə, xalqına sadiq olmalıdır. İstənlən yazını yazarkən ilk növbədə dövlətini və dövlətçiliyi düşünməlisən. Mən Yeni Azərbaycan Partiyasının Siyasi Şurasının üzvü, məşhur "91-lər"dən biri olmağımdan qürur hissi keçirirəm. Hesab edirəm ki, məqamında düzgün mövqedə olmuşam. "İki sahil" qəzeti də o illərdə sözün həqiqi mənasında düzgün mövqedə olub. Eyni zamanda deputat olmuşam. Bu, böyük status, etimad və şərəfdir. Parlament üzvü olanda da seçicilərə qarşı kifayət qədər həssas olmuşam. Bunu özümün deməyim düzgün olmaz. Ancaq məncə belə xarakterdəyəm. Çox sevinirəm ki, Heydər Əliyev kimi böyük şəxsiyyətin qurduğu, möhtərəm Prezidentin sədri olduğu bir partiyada olmaq doğrudan da şərəfli və qürurvericidir. YAP bütün fəaliyyəti dövründə dövlətə, xalqa, millətə xidməti özünə amal seçib. Bu gün Mətbuat Şurası İdarə Heyətinin üzvüyəm, Prezident Yanında KİV-ə Dəstək Fondunun Müşahidə Şurasının sədr müaviniyəm, ictimai fəaliyyətim də göz önündədir. Sözün həqiqi mənasında mətbuatda çalışan insanın üzərinə həm məsuliyyətli, həm də şərəfli missiya düşür. 

- Doğum gününüzün necə qeyd edəcəksiniz?

- (gülür) Doğum günümü adətən evdə ailəmlə qeyd etmişəm. Bildiyiniz kimi əkiz qardaşıq.

- Bəli, İlqar Rəhimzadə...

- Bəli, onunla əsgərlikdə də bir yerdə olmuşuq, 9 ay anamızın bətnində də. Yəqin ki, ailəmizlə, mənə əziz olan bacılarımla, əziyyətimi çəkən ailə üzvlərimlə birlikdə qeyd edəcəyik. Üç oğlum var. Mənim başlıca vəzifələrimdən biri övladlarımı vətəndaşlıq ruhunda böyütmək və tərbiyə etməkdir. Sevinirəm ki, onlar bu ruhda böyüyüblər. Böyük oğlum Bakı Dövlət Universitetini bitirib, hazırda hərbi xidmətdədir. İkinci oğlum Rauf BDU-da təhsil alır. Kiçik oğlum məktəblidir. Doğum günümü də ailə üzvlərim və İlqarla, onun ailəsiylə əlli yaşımızı qeyd edəcəyik.

İntiqam VALEHOĞLU
Ölkə.Az

ŞƏRH YAZ
0

Nadir Qafarzadə: “Qeyrətsiz qadının başı kəsilməlidir” — AUDİO

Nadir Qafarzadə: “Qeyrətsiz qadının başı kəsilməlidir”
21:55
24.08.2019
13352
Ölkə
A
Türkiyənin Kırıkkale bölgəsində 38 yaşlı Əminə Buludun keçmiş həyat yoldaşı tərəfindən dəhşətli şəklildə övladının gözü qarşısında öldürülməsi ölkədə böyük rezonans yaradıb.

“Ölkə.Az” xəbər verir ki, baku.ws məsələyə münasibət bildirmək üçün tanınmış müğənni Nadir Qafarzadə ilə əlaqə saxlayıb.

Müğənni açıqlamasında qadını öldürən kişi barəsində özünəməxsus fikir bildirib:

“Bu hadisə qeyrətsizlik səbəbindən baş veribsə, ərinin onun başını kəsməsi düzdür. Pis qadının başı kəsilməlidir. Əgər qadın pozğunluq edirsə, kişi ona dözməlidir? Mən dəqiq bilmirəm, o cinayətin baş vermə səbəbi nədir. Mən inanmıram ki, kişi başqa hansısa səbəbdən bunu etsin”.

Müğənni həmçinin vurğulayıb ki, qadına azadlıq çərçivə daxilində verilməlidir.

“İndi zaman o qədər pisləşib ki, insanlar öz qeyrətsziliklərini boynuna alıblar. Ər arvadını, qardaş bacısını və oğul anasını aparır ki, təki pul qazansın. Biz azadlığı pozğunluq və əxlaqsızlıqla səhv salmışıq. Azadlıq əsl kişilik, mərdlik və qadınlıqdır.

Bir çoxları elə düşünür ki, azadlıq elə özünü açıb-tökmək, istədiyini etməkdir. Belə bir misal da var ki, 40 il boyunduruq altında yaşamqdansa, bir gün kişi yaşamaq lazımdır. Amma qadına tam azadlıq vermək də olmaz. Qadın üçün çərçivə olmalıdır”.

<iframe src="https://baku.ws/video2/v.php?v=1290589"  width="640" height="360"></iframe>

Ölkə.Az

ŞƏRH YAZ
0

Polis Saray qəsəbəsində reyd keçirdi — FOTO

Polis Saray qəsəbəsində reyd keçirdi
20:17
24.08.2019
12180
Ölkə
A
Abşeron Rayon Polis İdarəsi Dövlət Yol Polisi şöbəsinin əməkdaşları tərəfindən “Təmiz hava” aylığı çərçivəsində reyd keçirilib.

“Ölkə.Az” report-a istinadən xəbər verir ki, reyd Saray qəsəbəsi ərazisində təşkil edilib.

Keçirilən tədbir zamanı avtomobillərdən çıxan qazların tərkibində olan zərərli maddələrin miqdarı xüsusi avadanlıqlarla yoxlanılıb, normadan artıq zəhərli qaz ixrac edən və atmosferi həddindən artıq çirkləndirən avtomobilləri idarə edən sürücülər barədə qanunamüvafiq tədbirlər görülüb. Həmçinin bölmə əməkdaşları tərəfindən yol hərəkəti qaydalarına riayət olunması və avtomobillərin saz vəziyyətdə saxlanılması barədə sürücülərlə profilaktik söhbətlər aparılaraq, onlara hüquq və vəzifələri izah edilib.

Reyd zamanı 30-a yaxın avtomobil yoxlanışdan keçirilib. Bununla yanaşı reyd zamanı ciddi qayda pozuntularına yol verərək həm nəqliyyatın həm də piyadaların hərəkəti üçün təhlükə törədən, təhlükəsizlik kəmərindən istifadə etməyən, avtomobilin konstruksiyasında dəyişiklik edən, eləcə də sənədsiz avtomobil idarə edən sürücülər saxlanaraq barələrində inzibati xəta haqqında protokol tərtib olunub.

Ölkə.Az

ŞƏRH YAZ
0
BAĞLA