KORONAVİRUSA YOLUXANLARIN SAYI - CANLI STATİSTİKA

“Vur, komandir, vur”un qəhrəmanı fəhlə işləyir? — FOTO

“Vur, komandir, vur”un qəhrəmanı fəhlə işləyir?
22:59
13.10.2019
25111
Ölkə
A
2014-cü il noyabrın 12-də cəbhə xəttində erməni helikopterini vuran İlkin Muradovun ev tikintisində işləyərkən çəkdirdiyi fotosu müzakirələrə səbəb olub.

“Ölkə.Az” xəbər verir ki, bir çox istifadəçi keçmiş hərbiçinin fəhlələlik etdiyini iddia ediblər.

İ.Muradov isə iddialara cavab verməyib.

Xatırladaq ki, helikopterin vurulması hadisəsini daha da məşhurlaşdıran "Vur, komandir, vur" ifadəsi olmuşdu.

ŞƏRH YAZ
0

Sabunçu rayon icra başçısının hərəkətləri barədə aidiyyəti qurumlara sorğu ünvanlanıb — VİDEO

Sabunçu rayon icra başçısının hərəkətləri barədə aidiyyəti qurumlara sorğu ünvanlanıb
16:00
Bu gün
409
Ölkə
A

Ötən gün xəbər verdiyimiz kimi, Sabunçu Rayon İcra Hakimiyyətinin başçısı Adil Vəliyevin rəhbərliyi ilə İcra Hakimiyyətinin və hüquq-mühafizə orqanlarının əməkdaşları Bakıxanov qəsəbəsində yerləşən mağazalarda reydlər keçirib. Reyd keçirilən obyektlərdən biri də ərazidə yerləşən “Megastore” mağazası olub ki, ticarət obyektinin rəhbərliyi onlara tutulan qanunsuz iradlardan narazı olduqlarını bildirir. 

"Ölkə.Az" xəbər verir ki, bu məsələ ötən gün Oxu.Az tərəfindən geniş şəkildə işıqlandırılıb.

Bu gün isə məsələnin daha dərindən araşdırılması və yekun olaraq hansı tərəfin haqlı, hansı tərəfin haqsız olduğunun müəyyənləşdirilməsi üçün aidiyyəti üzrə aşağıdakı qurumlara sorğu ünvanladıq:

Prezident Administrasiyasına;

Nazirlər Kabinetinə;

Daxili İşlər Nazirliyinə;

Baş Prokurorluğa;

Ədliyyə Nazirliyinə;

Bakı Şəhər İcra Hakimiyyətinə.

Məsələ ilə bağlı sorğumuza verilən cavablar barədə ictimaiyyətə daha ətraflı məlumat veriləcək.

Xatırladaq ki, mağaza rəhbərliyinin sözlərinə görə, reyd zamanı Sabunçu Rayon İcra Hakimiyyətinin nümayəndələri mağaza daxilində oyuncaq və tekstil şöbələrinin fəaliyyətinin qadağan olduğunu deyərək, həmin şöbələrin işinin dayandırılmasını tələb edib. Əks təqdirdə, mağaza rəhbərliyinə karantin rejimi çərçivəsində tətbiq edilən qaydaları pozduğuna görə cərimə tətbiq ediləcəyi bildirilib.

Təəssüf ki, Sabunçu Rayon İcra Hakimiyyətindən məsələ ilə bağlı dolğun cavab ala bilmədik. İcra Hakimiyyətinin müxtəlif şöbələrinin nümayəndələri mövzudan xəbərsiz olduqlarını deməklə kifayətləndilər.

ŞƏRH YAZ
0

Azərbaycanda daha bir vəzifəli şəxs koronavirusdan vəfat etdi

Azərbaycanda daha bir vəzifəli şəxs koronavirusdan vəfat etdi
15:34
Bu gün
4350
Ölkə
A
Bakı Şəhəri Nizami Rayon Məhkəməsinin hakimi Məzahir Sadıqov dünyasını dəyişib.

"ÖLKƏ.AZ" xəbər verir ki, redaktor.az-ın məlumatına görə uzun müddət xərçəng xəstəliyindən əziyyət çəkən hakim bu gün səhər saatlarında vəfat edib.

1963-cü il təvəllüdlü M. Sadıqov də 2005-2010-cu illərdə Bakı şəhəri 13 saylı Hüquq Məsləhətxanasında vəkil, 2010-2015-ci illərdə Bakı Şəhəri Nərimanov Rayon Məhkəməsinin hakimi, 2015-ci ildən isə Bakı Şəhəri Nizami Rayon Məhkəməsinin hakimi vəzifəsində çalışıb.

ŞƏRH YAZ
0
BAĞLA