“WhatsApp” messencerində statuslar rəngli olacaq

“WhatsApp” messencerində statuslar rəngli olacaq
18:34
22.08.2017
25
Maraqlı
A
“WhatsApp” messencerində statuslar rəngli olacaq. İstifadəçilər fonun rəngini və yazının şriftini seçməklə yanaşı, həm də istinadlar əlavə edə bilərlər. Hələlik yeni imkan yalnız bəzi istifadəçilərdə peyda olub, amma tezliklə hamı üçün əlçatan olacaq.

"Ölkə.Az" ICTnews-a istinadən yazır ki, “Facebook” ötən ilin sonunda rəngli statusları yoxlamağa başlayıb və o, 2017-ci ilin martında sosial şəbəkənin bütün istifadəçilərinə əlçatan olub. İndi növbə  “WhatsApp” messencerinə çatıb.

Rəngli statusların istifadəçilərin əksəriyyəti tərəfindən qıcıqlandırıcı hesab edilməsinə baxmayaraq,  “Facebook” yeni funksiyanı öz proqramlarına əlavə etməyə davam edir. Şirkət hesab edir ki, bu, istifadəçilərin cəlb edilməsini artırır.

ŞƏRH YAZ
0

Dünyanı idarə edən 13 ailə — Ötən əsrin müəmmalı sirri

Dünyanı idarə edən 13 ailə
10:11
Bu gün
1467
Maraqlı
A
Ötən əsrdə dünya hakimiyyəti və planetin idarə edilməsi barədə müəyyən iddialar, teoriyalar ortaya atıldı.

Bəzi araşdırmaçılara görə dünyanı massonlar, bəzilərinin fikrinə görə isə iluminatilər idarə edir. Bəziləri isə daha da irəliyə gedərək dünyanın yadplanetlilər tərəfindən idarə edildiyini iddia edir. Bu teoriyalardan hansının düzgün olub-olmadığını biz də bilmirik. Sadəcə bu gün “Ölkə.Az” oxucularına dünyanı idarə edən iluminatilər haqqında qısa məlumat verəcəyik.

Dünyanı qüdrətli iluminatilər ailəsi idarə edir. Onlar gizli şəkildə hökumət, KİV və maliyyə korporasiyalarına nəzaət edir və pərdə arxasından dünyanı idarə edirlər. Bütün hakimiyyət 13 qüdrətli ailənin əlində toplanıb.

Gizli qüvvələr Yeni dünya nizamı qurur və müntəzəm olaraq bəşəriyyət və planetin təbii ehtiyatları üzərində tam nəzarət planını həyata keçirirlər.
Ekspertlər bu planı zəncirli totalitarizm adlandırırlar. Çünki güclü dünya müntəzəm olaraq, addım-addım cibimizə və beynimizə müdaxilə edir.
Bu gizli təşkilatın zirvəsində “13-lər Şurası” dayanır. Bu elit klub bizim həyatımızı təyin edən, planetin ən qüdrətli ailələrindən ibarətdir.
Ağıllı insanlar yavaş-yavaş dərk edirlər ki, 1% insan 99% təbii ehtiyatlara nəzarət edir. Hakimiyyət bu 13-lərin əlindədir.

Amma onların sıralarına daxil olmaq üçün müraciət etmək mümkün deyil. Onlar özlərini Yerin hakimi, qədim Tanrıların davamçıları adlandırırlar.

Ailələrin siyahısı budur:  Rotşild (Bayer və ya Bauer), Bryüs, Kavendiş (Kennedi), Mediçi, Hannover, Habsburq, Krupp, Plantagenetov, Rokfeller, Romanov, Sinkler (Sent-Kler), Varburq (del Blanko), Vindzor (Saksen-Koburq-Qote).
Güman ki, bu tam siyahı deyil. Amma məhz bu sülalələr dünyanın taleyini həll edirlər. Ən nüfuzlu sülalə Rotşildlər sülaləsidir. Onların təxminən 500 trilyon dollar sərvətləri var. Bu istənilən dövlətin büdcəsindən qat-qat çoxdur.

Ailələr onlara bağlı şirkətlər şəbəkəsi ilə nüfuz edirlər. Bu şəbəkələr arasında: 
London Siti- maliyyə mərkəzi, Böyük Britaniyanın bir hissəsi deyil;
ABŞ Federal Rezerv Sistemi-özəl bank, ABŞ-a aid deyil;
Vatikan-ideoloji mərkəz, İtaliyaya məxsus deyil;
Vaşinqton-hərbi, strateji və siyasi qərar alma mərkəzi, ABŞ-ın bir hissəsi deyil.

Beyin yuyulması
Ailələr tərəfindən təhsil sistemi də qurulub. Mövcud təhsil sistemi beyinsiz qullar yetişdirmək üçün nəzərdə tutulub. Bu qullar işləyir, əmrləri yerinə yetirir və elit klubu daha da varlandırır. Məktəb və institutlar düşünməyi yox, yadda saxlamağı öyrədir. İnformasiyalar analiz edilmir və mövcud nizama boyun əyilir.
Əgər fikir versək, problemin daha dərində olduğunu anlayarıq. Əhalinin kütləşdirilməsi təhsil və dini təşkilatlar, mətbuat və maliyyə sistemləri tərəfindən həyata keçirilir. İnsanlar onlara deyilən hər şeyə inanaraq və onlara verilən əmrləri səssiz-səmirsiz yerinə yetirən iradəsiz qula çevrilirlər.


Valyuta qulları
Hər gün insanlar ən azı 8 saat işləyirlər. Bu iş bizə qida, alış-veriş, əyləncə, gediş haqqını ödəmək üçün pul qazandırır. Amma bu sadalananları biz seçmirik. Seçimi isə zövq və arzularımızı formalaşdıran TV reklamları, internet, jurnal, qəzet və bilbord reklamları müəyyənləşdirir və təyin edir.
İdarəçilərə müti robolar lazımdır. Bu robotlar artıq-əksik sual vermədən işləyirlər.

 

ŞƏRH YAZ
0

"Tesla" şirkətindən yeni layihə — Pilotsuz elektriklə çalışan yük maşını

09:14
Bu gün
1025
Maraqlı
A
"Tesla" şirkəti elektriklə çalışan, pilotsuz hərəkət edən ilk yük maşınını təqdim edib.

 "Ölkə.Az" xəbər verir ki, maşının seriya istehsalı 2019-cu ildə başlayacaq.

Şirkətdən verilən məlumata əsasən, yeni yük maşını yerindən 60 km/saat sürəti cəmi 5 saniyəyə yığır. Yük maşını bir dəfəyə 804 km məsafə qət edə bilir. İlon Mask qeyd edib ki, əsas yük marşrutlarının uzunluğu 250 mildir. Bu səbəbdən yük maşını təyin edilmiş nöqtəyə gedəcək və geri qayıdacaq.

Yük maşını 4 mühərriklə təchiz edilib. Ehtimal edilir ki, yükün çatdırılması 1 mil üçün 1.26 dollara başa gələcək. Bu isə dizel ilə çalışan yük maşınlarına nisbətən daha ucuzdur.

Hikmət Həsənov
Ölkə.Az

ŞƏRH YAZ
0
BAĞLA