“Whatsapp” proqramının bilmədiyimiz XÜSUSİYYƏTLƏRİ VƏ YENİLİKLƏRİ

“Whatsapp” proqramının bilmədiyimiz XÜSUSİYYƏTLƏRİ VƏ YENİLİKLƏRİ
18:31
14.03.2018
4191
Maraqlı
A
“Whatsapp” proqramı bu gün dünyada demək olar ki, bir çox insan tərəfindən istifadə edilir.

 “Ölkə.Az” xəbər verir ki, bununla yanaşı, bir çox xüsusiyyətləri barədə məlumatımız yoxdur və şirkət yeniliklər tətbiqinə davam edir. Bu barədə oxucularımızı məlumatlandırırıq:

“Mavi quş qoyma”

“Whatsapp”da “mavi quş qoyma” tətbiqini bağlayanlara pis xəbər var. Bu qədər bəlkə də hiss etməmisiniz, amma dostunuz bunu etsə, siz o an mesajı görüb-görmədiyini anında anlaya bilərsiniz. Amma necə?

“Mavi quş qoyma” xüsuiyyəti qarşı tərəfin göndərdiyi mesajın oxunub-oxunmadığını bilməsi üçün nəzərdə tutulub. Cüt boz xətt isə bu məlumatı dəqiq vermir. Mavi cüt xətt isə istəyə görə bağlı olaraq açıla bilər.

Amma “mavi quş qoyma” tətbiqinin bağlı olmasını istəyənlər də çoxdur. Çünki mesajı oxuduğunu qarşı tərəfə bildirmək istəmir. Amma bunun da kiçik bir hiyləsi var. Sadəcə bir saniyəlik səsli mesaj göndərməyiniz kifayət edir. Bunun sayəsində mesajın oxunub-oxunmadığını, dinlənib-dinlənmədiyini bilmək mümkündür. Amma bu məsələdə yeganə şərt qarşı tərəfin səsli mesajı dinləməsidir.

Pul göndərmək

“Whatsapp”da artıq pul göndərmək mümkün olacaq. Artıq Hindistanda bu özəllik tətbiq edilməyə başlayıb. Mesajlaşdığınız şəxsə pul göndərə və ya ondan pul ala bilərsiniz.

Bu tətbiqdən həm “Android” həm də “iOS” istifadəçiləri istifadə edə bilərlər.

Tətbiq aktivləşəndən sonra mobil telefon nömrəsi ilə bank hesabını eyniləşdirmək mümkün olacaq. Əvvəlcə “Ödəmələr”i seçmək lazımdır. Sonra isə istifadə şərtlərini qəbul edib telefon nömrəsini təsdiqləmək lazımdır. Siyahıdan uyğun banlı seçin və bank hesab nömrənizi təsdiqləyin. Pul göndərmək istədiyiniz şəxsin söhbət pəncərəsini açın və “Ödəmə” butonuna basın. 

Pul göndərmək istədiyiniz bank hesabınızı və göndərəcəyiniz məbləği seçin. Telefona gələn təsdiq kodunu ekrana daxil edin.

“Whatsapp”ın gizli qalan xüsusiyyətləri

“Whatsapp”-da bir nəfəri qara siyahıya atanda və ya kimsə sizi qara siyahıya əlavə edəndə bir-birinizə mesaj göndərə bilmirsiniz. Amma əslində belə deyil. Mesaj qarşı tərəfə çata bilər!

Bunun üçün isə başqa telefon nömrəsinə ehtiyac yoxdur. Sadəcə “Whatsapp” abonentliyini ləğv etmək, yenidən hesab yaratmaq lazımdır. Bununla da sizi qara siyahıya əlavə edən şəxsin tətbiq etdiyi blok ortadan qalxır.

Səssiz qalmaq

Əgər dost qrupundan daim gələn bildirişlərdən bezmisinizsə, “qrup məlumatları”na daxil olun və qrup söhbətinizi 8 saat, bir həftə və ya 1 il müddətinə səssizləşdirin.

İstənilən mesajı asanlıqla tapmaq

Vacib bir mesajı tapmaq üçün yüzlərlə mesajı geri çevirməyə ehtiyac yoxdur və bu vaxt aparır. Əgər o mesajı ulduzla işarələsəniz, işiniz asanlaşar.

Hikmət Həsənov
Ölkə.Az

ŞƏRH YAZ
0

Şəlalə küləklə mübarizədə “məğlub oldu”, tərsinə axdı — VİDEO

Şəlalə küləklə mübarizədə “məğlub oldu”, tərsinə axdı
09:22
Bu gün
1486
Maraqlı
A
İngiltərədə güclü külək səbəbindən qeyri-adi hadisə baş verib.

“Ölkə.Az” xəbər verir ki, şəlalə əksinə, dağa doğru axmağa başlayıb. Bu anlar kamera tərəfindən lentə alınıb.

Hadisə Mallerstang Edge bölgəsində baş verib. Şiddətli külək səbəbindən şəlalə yuxarıya doğru axıb. Şəlalə küləklə mübarizədə “məğlub oldu” olub və geriyə axıb. 

Hikmət Həsənov
Ölkə.Az

ŞƏRH YAZ
0

Sirlərinizi yaxşı bələd olmadığınız insanlarla bölüşməyin — Günün ulduz falı

Sirlərinizi yaxşı bələd olmadığınız insanlarla bölüşməyin
01:18
Bu gün
2626
Maraqlı
A
"Ölkə.Az" milli.az-a istinadən günün qoroskopunu təqdim edir:

Qoç - liderlik məziyyətlərinizi göstərin. Uğur əldə etmək istəyirsinizsə, yaradıcılıq potensialınızdan bəhrələnin. Zəhmətkeş olun, diqqətinizi konkret işə cəmləyin. Praqmat, soyuqqanlı olun. Ən xırda təfərrüatları diqqətdən qaçırmayın.

Günün ikinci yarısında maddi durumunuz pis olmayacaq. Əlavə gəlir mənbələri var. Münasibətlərin inkişafını istəyirsinizsə, emosional olmaq, qarşı tərəfin hisslərini anlamaq vacibdir. Axşam saatları aktiv istirahət üçündür.

Buğa - günün ilk yarısında münaqişə riski artacaq. İnciklik, günah hissi, arzulanmamış arzular və ümidlər istisna deyil. Hər şey çox sərt, aqressiv, dar çərçivədə olan nəsnələr təsiri bağışlamasın.

Günün ikinci yarısında təkbaşına çalışın, müstəqil olun və fəaliyyət arealınızı kənar müdaxilələrdən qoruyun. Hadisələri, sözləri, işarələri yanlış qiymətləndirməyin.

Sirlərinizi yaxşı bələd olmadığınız insanlarla bölüşməyin.

Axşam saatlarında normal dincəlin.

Əkizlər - günün ilk yarısı qarışıq və gərgin vaxtdır. Mühüm olaylar diqqət tələb edir. Dəyişikliklər və yeniliklərdən qorxmayın. Fəaliyyət obyektinizin rekonstruksiyaya ehtiyacı var.

Səhvləri aşkarlayın, dürüst qərarların məntiqi ardıcıllığını hazırlayın.

Günün ikinci yarısında məhsuldar əməkdaşlıq üçün yeni imkanlar yaranacaq. Köhnə layihələrdən birinin tamamlanması və uğurla başa çatdırılması üçün münasib zamandır. İndiki dəyişikliklər pespektivdə yaxşı nəticələr verə bilər. Şərik və ya tərəfdaşları diqqətlə dinləyin.

Axşam saatlarına yaxın yaxşı məsləhətlər ala bilərsiniz.

Xərçəng - nüfuzlu insanlarla münasibətlərdə sərtlik yaratmayın. Təzyiqə məruz qala bilərsiniz. Yaxın ətrafınızdakı insanların tələbkarlığı sizin rahat çalışmağınıza maneələr yaradacaq. Səbrli, təmkinli davranıb vəziyyətdən çıxış yolu arayın.

Günün ikinci yarısında güzəştlərə meylli olun, tam müstəqilliyə can atmayın.

İmicdə zəruri dəyişikliklər barədə düşünməyin vaxtıdır. Zərərli vərdişlərinizdən birindən əl çəkin. Bütün müşküllərə, problemlərə rəğmən pozitiv olun.

Maliyyə məsələləri izafi diqqət tələb edir.
 

Şir - adi günlərdən fərqli olaraq problemləri çözmək asan deyil. Ən kiçik uğursuzluq əhvalınızı korlaya bilər. Səbrli və təmkinli olun. Həyata praktik nəzər salın. Potensial tərəfdaşlarla danışıqlarda yaxın gələcəklə bağlı planları müzakirə etməyə dəyər.

Birgə fəaliyyət ən ağır problemin həllini mümkün edir.

Günün ikinci yarısında şəxsi münasibətlərdə durum yaxşı olacaq. Yaxınlarınız və dostlarınızla ünsiyyət faydalı, həm də xoş olacaq.

Axşam saatlarında qəfil görüş ola bilər.

Qız - uğurlu, yaxşı zamandır. Hadisələrin axarına azacıq da olsa, təsir imkanlarınız var. İşlərinizi yaxşı planlaşdırın, boşuna vaxt itirməyin. Yaxşı nəticələrə nail olmaq üçün səy göstərmək gərəkdir.

İnadınız və iradəniz sonucsuz qalmayacaq.

Günün ikinci yarısında yaxınlarınızla təmaslarda daha diqqətli olun. Ünsiyyətinizin harmoniyaya ehtiyacı var. Ailə üzvləriniz və yaxınlarınızla səmimi olun. Məişət qayğılarının əhəmiyyətli hissəsinin çözümünü öz üzərinizə götürün.

 

Tərəzi - maddi məsələlərdə realist olun, illüziyalara qapılmayın. Bu yaxınlara qədər maraqlandığınız məsələ artıq ikinci dərəcəli məqam təsiri bağışlaya bilər. Tələsik qərarlar, yanılmalar sonradan ağır fəsadlar yarada bilər.

Günün ikinci yarısında inandığınız insanın müdrik məsləhətindən yararlanın. Daxili durumunuz stressdən qurtulmağınızı tələb edir. Axşam saatları sadə olmayacaq.

Normal istirahət etməyə çalışın. Qüvvələrinizi maksimal dərəcədə bərpa edin.

Əqrəb - fəaliyyətinizdə rasional olun. Hisslərinizdəki laübələr işlərinizə təsir etməməlidir. Mümkün qədər tez həll etməyə çalışdığınız məsələlələrin çözümü ilə məşğul olun. Əvvəlki günlərlə müqayisədə daha çox güzəştlər etməli olacaqsınız.

Günün ikinci yarısında hadisələrə təsir imkanlarınız məhdudlaşacaq. Dəyişikliklərin mənasını, proseslərin məğzini anlayın. Qərarlarla yanaşı, informasiya alınmasında aktiv olun.

Maddi məsələlərdə gözləntiləriniz doğrulmayacaq. Perspektivlər tam aydın deyil.

Oxatan - günün ilk yarısında yaşananlar sizdə gərginlik hissi yarada bilər. Rəqiblər bütün qaydaları pozacaq, məqsədlərinə çatmaq üçün istənilən vasitədən istifadə edəcəklər. Cavab tədbirləri hazırlayın.

Vicdanınıza xilaf çıxmayın, ədalətli olun.

Günün ikinci yarısı yaxşı şanslar vəd edir. Amma bununla belə, bəzi problemlərin həllində çətinliklər yarana bilər.

Gördüyünüz işlərdə ciddi, fəsadlı nöqsanlara yol verməyin. Təfərrüatlara və detallara barmaqarası baxmayın.

Oğlaq - hadisələrə təsir imkanlarına malik insanlarla əlaqələri yenidən qiymətləndirin. İnandığınız insanla yeni layihənin icrasına başlamaq olar. Cari proseslərə təsir etməklə hadisələrin məcrasına korrektələr edin. Planlara riayət edin. Yaranan insanları və aldığınız təklifləri dəyərləndirin.

Günün ikinci yarısında avantüralara qatılmayın. Konstruktiv məsələlərin müzakirəsi üçün yaxşı zamandır. Əlaqələri bərpa edin.

Maliyyə məsələləri aktuallaşacaq.

Yardıma ehtiyacı olan insanlara diqqətlə yanaşın. Emosional travmaya uğramayın.

Dolça - yeni ideyalar, qüvvələr və dəstək olacaq. Başladığınız işdə uğur qazana bilərsiniz. İndiyədək tam sürətlə hərəkət etdiyiniz sahələrdə aktivliyinizi bir qədər azaldın. Zəif mövqeləri gücləndirin.

Günün ikinci yarısında situasiya sizdən qəti qərar, vidalaşma, bəzən isə niyyətlərdən əl çəkməyi tələb edə bilər. Asılılıqlarınızın birindən qurtulun. Rasionunuzun sağlam olmasına çalışın.

Şəxsi münasibətlərdə vəziyyət pis deyil. Axşam saatlarında nisgilli hisslər yarana bilər.

Balıqlar - mühüm saydığınız məsələlərdən biri ilə bağlı danışıqlar aparın. Emosional gərginliyə rəğmən sakit, təmkinli olun. Təxribatlara uymayın. Sizi münaqişəyə cəlb etmək istəyəcəklər. Gərəksiz məqamlardan imtina edin, lazımsız əlaqələrə son qoyun.

Günün ikinci yarısında dəyər verdiyiniz insanlardan biri ilə mühüm söhbət olacaq. Münasibətlərdə dəqiqləşdirmələrə ehtiyac var.

Ev işlərinin sayı adi günlərlə müqayisədə artacaq.

Alış-verişdə çox pul xərcləməyin.

Ölkə.Az

ŞƏRH YAZ
0
BAĞLA