\"WhatsApp\"da yeni dövr başlayır

"Ölkə.Az" xəbər verir ki, yenilik hələ beta variantındadır. Yeniliyə əsasən istənilən növ sənəd və faylları göndərmək mümkün olacaq.

Bundan başqa zəng etmə ekranı və kütləvi mesaj göndərmə xüsusiyyətləri də əlavə edilib. Əvvəllər .pdf, .docx, .xlsx tipli fayllarını göndərmək xüsusiyyətini əlavə edən "WhatsApp" hazırda beta istifadəçilərinə istənilən faylları göndərmək və paylaşmaq yeniliyi bəxş edib.

Bundan sonra musiqi, foto,video kimi "WhatsApp"dan göndərilən faylları telefonun "yüklənilənlər" bölməsində rahatlıqla görmək mümkün olacaq. Android istifadəçiləri üçün fayl göndərmək məhdudiyyəti 100 MB olduğu halda iOS istifadəçiləri üçün bu rəqəm 120 MB-dır.

Başqa bir yenilik sistem yox, görüntü ilə əlaqəlidir. Söhbət əsnasında birdən çox foto göndəriləndə və ya qəbul edəndə fotoları tək-tək göstərmək əvəzinə söhbət içində qruplaşdırır. Yəni təkcə bir neçəsi görünür və son fotoda neçə ədəd foto qəbul edildiyi rəqəmlə bildirilir.

Başqa bir yenilik isə "WhatsApp" zəngi ilə bağlıdır. Əvvəlcə gələn zəngi ekranı sağa doğru sürüşdürərək cavablamaq mümkün idi. İndi isə sadəcə yuxarı doğru sürüşdürərək gələn zəngləri qəbul etmək mümkündür.

Bir neçə gündən sonra bütün "WhatsApp" istifadəçiləri yenilikləri istifadə edə biləcəklər.

Hikmət
Ölkə.Az