Xaçmaz bazarında dükanlar yandı
Bu gün səhər saatlarında Xaçmaz şəhərinin 20 Yanvar və Mehdi Hüseynzadə küçələrinin kəsişməsində yerləşən bazarda yanğın baş verib.
Ölkə.Az "Report"a istinadən bildirir ki, hadisə yerinə Fövqəladə Hallar Nazirliyinin 3 yanğınsöndürən maşını və canlı qüvvəsi gəlib.
Hadisə nəticəsində 3 obyektin damı və 5 köşk - üstüörtülü piştaxta daxil olmaqla 100 kv.m sahə yanıb. İnsanlar hələ bazara gəlmədiklərindən xəsarət alan olmayıb.
Yarım saat ərzində yanğının başqa ərazilərə keçməsinin qarşısı alınıb. Yanğının başvermə səbəbləri araşdırılır.
