Xaçmazda partlamamış hərbi sursat tapıldı

Xaçmazda partlamamış hərbi sursat tapıldı
19:45
06.12.2018
3473
Ölkə
A
Dekabrın 5-də Xaçmaz rayonunun Niyazoba kəndi ərazisində partlamamış hərbi sursat tapılıb.

ANAMA-dan "Ölkə.Az"a verilən məlumata görə, Azərbaycan Ərazilərinin Minalardan Təmizlənməsi üzrə Milli Agentliyin (ANAMA) xüsusi mobil çevik əməliyyat qrupu və Dövlət Sərhəd Xidmətinin Sahil Mühafizə Xidmətinin əməkdaşları dərhal həmin əraziyə göndərilib.

Agentliyin mütəxəssisləri və Dövlət Sərhəd Xidmətinin Sahil Mühafizə Xidmətinin əməkdaşları tərəfindən birlikdə yuxarıda adı qeyd olunmuş ərazidə dəniz sahilinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 1 ədəd təlim atışı üçün nəzərdə tutulmuş hədəf simulyatoru aşkar olunub, götürülərək Agentliyin mərkəzi məhvetmə ərazisinə daşınıb.

Hədəf simulyatorunun tapıldığı yerin ətrafında 100 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

Ermənilər cəbhə zonasında yenidən yanğın törədib

Ermənilər cəbhə zonasında yenidən yanğın törədib
06:17
Bu gün
320
Ölkə
A
Erməni hərbçiləri Ağdamın işğal altında olan Fərrux dağında axşam saatlarında yanğın törədib.

“Ölkə.Az” APA-ya istinadən xəbər verir ki, ermənilərin dağ massivində törətdiyi yanğın Ağdamın bütün cəbhəboyu yaşayış məntəqələrindən müşahidə olunur.

Cəbhəyanı kənd sakinləri bildirir ki, alov geniş vüsət alaraq Əlimədətli, Cinli və Əlağalı kənd ərazilərinə yayılıb.

Ölkə.Az

ŞƏRH YAZ
0

Mətbuat işçiləri peşə bayramını qeyd edir

Mətbuat işçiləri peşə bayramını qeyd edir
01:21
Bu gün
1713
Ölkə
A
Bu gün Azərbaycan milli mətbuatının yaranmasından 144 il ötür

“Ölkə.Az” xəbər verir ki, ölkədə ilk mətbu orqanın - əsası Həsən bəy Zərdabi tərəfindən qoyulmuş “Əkinçi” qəzetinin nəşrə başladığı 22 iyul tarixi 1991-ci ildən Azərbaycanda Milli Mətbuat günü kimi qeyd olunur.

“Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” az müddətdə həm ziyalı təbəqə, həm də sadə insanlar arasında çox məşhurlaşıb.

Təsadüfi deyil ki, dövrünün görkəmli ziyalıları və qələm sahibləri qəzetlə əməkdaşlıq edib, müntəzəm məqalələrlə çıxış edibilər. Lakin “Əkinçi”nin ömrü uzun sürməyib. Çar Rusiyası qəzetin insanların maariflənməsində, ictimai-siyasi proseslərə daha yaxından bələd olmasındakı rolundan çəkinməyə başlayıb və sonda qəzetin nəşrini dayandırıb.

O vaxtdan müxtəlif tənəzzül və intibah dövrləri keçən Azərbaycan mətbuatı daim cəmiyyətin proseslərə baxışını əks etdirən güzgü rolunu oynayıb. 1998-ci ilin avqustunda senzuranın ləğvi isə Azərbaycanda mətbuatın inkişafına ciddi təkan verib.

Ölkə.Az

ŞƏRH YAZ
0
BAĞLA