Xalasıqızını döyən kürəkənə 8 bıçaq vurdu — QANLI CİNAYƏTİN TƏFƏRRÜATI

Xalasıqızını döyən kürəkənə 8 bıçaq vurdu
12:40
14.09.2018
1812
Hadisə
A
Gəncə Ağır Cinayətlər Məhkəməsində yaxın qohumunu bıçaqlayan şəxsin məhkəməsi başlayır.

“Ölkə.Az”ın məlumatına görə, cinayət məcəlləsinin 126.2.4-cü madəsi ilə təqsirləndirilən Həsənov Atəş Arzu oğlunun məhkəmə prosesinə hakim Elmin Rüstəmov sədrlik edəcək.  

Ağır cinayət hadisəsi bu ilin fevral ayında Gəncə şəhərinin Məhsəti qəsəbəsində qeydə alınıb. Belə ki, 1993-cu il təvəllüdlü Rzayev Emin Habil oğlu həyat yoldaşının qohumu Həsənov Atəş Arzu oğlu tərəfindən bıçaqlanıb. Yaralı xəstəxanaya yerləşdirilib. Onun vəziyyətinin orta-ağır olduğu bildirilir.
Hadisənin başvermə səbəblərinə gəlincə Emin Rzayev tez-tez həyat yoldaşını döydüyündən qadının xalasıoğlu kürəkəni cəzalandırmaq fikrinə düşüb və onu görüşə çağırıb. Ancaq görüşə gələn E.Rzayev əməllərinə haqq qazandırıb və xaloğlunu təhqir edib. Qarşı tərəfin təhqirlərinə dözə bilməyən A. Həsənov kürəkənə 8 bıçaq zərbəsi endirib.

ŞƏRH YAZ
0

“Range Rover”lə qəza törədən polis serjantının məhkəməsi başladı

“Range Rover”lə qəza törədən polis serjantının məhkəməsi başladı
23:42
16.01.2019
416
Hadisə
A
Bakıda ölümlə nəticələnən yol-nəqliyyat hadisəsi törətməkdə təqsirləndirilən polis serjantı Xəyal Məmmədovun cinayət işi üzrə məhkəmənin hazırlıq iclası keçirilib.

“Ölkə.Az” “Oxu.Az”a istinadən xəbər verir ki, hakim Mirzə Xankişiyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məlum olub ki, X.Məmmədovun himayəsində iki azyaşlı uşaq var.

Hazırlıq iclasında vəkil Əli Hüseynov da daxil olmaqla, digər vəkillər - Eldəniz Quliyev və Elnur Quliyev X.Məmmədovun günahsız olduğunu qeyd ediblər.

Məhkəmə baxışı yanvarın 23-nə təyin edilib.

Qeyd edək ki, ötən il iyunun 12-də Binəqədi qəsəbəsi ərazisində naməlum sürücünün idarə etdiyi “Range Rover” markalı avtomobillə Rahib Əliyevin idarə etdiyi “Ford” markalı avtomobil toqquşub. Qəza nəticəsində “Ford”un sürücüsü və sərnişini - Orxan Orucovla Rahib Əliyev hadisə yerində ölüb.

Məlum olub ki, qəza baş verən zaman “Range Rover”in sükanı arxasında Abşeron Rayon Polis İdarəsinin əməkdaşı, polis serjantı Xəyal Məmmədov olub. O, dərhal saxlanılıb və məhkəmənin qərarı ilə barəsində həbs-qətimkan tədbiri seçilərək istintaqa təhvil verilib.

Ölkə.Az

ŞƏRH YAZ
0

Sumqayıtda 24 yaşlı gənc itkin düşüb — FOTO

Sumqayıtda 24 yaşlı gənc itkin düşüb
21:31
16.01.2019
1463
Hadisə
A
Sumqayıt şəhərində 24 yaşlı gənc itkin düşüb.

“Ölkə.Az” “Report”a istinadən xəbər verir i,  Sumqayıt şəhər sakini, 1995-ci il təvəllüdlü Orxan Xoşbəxt oğlu Əhmədov yaşadığı Yaşıldərə yaşayış massivindəki evindən çıxıb və geri qayıtmayıb.

Bu barədə polisə itkin düşən gəncin yaxınları məlumat verib.

Faktla bağlı Sumqayıt şəhər Polis idarəsinin 1-ci polis bölməsində araşdırma aparılır.

Ölkə.Az

ŞƏRH YAZ
0
BAĞLA