Xaləddin İsgəndərova yolun sonu göründü — Yır-yığışa başlayıb

Xaləddin İsgəndərova yolun sonu göründü
11:00
07.12.2017
19968
Ölkə
A
Yaxın günlərdə Binəqədi Rayon İcra Hakimiyyətinin başçısı, sabiq vergilər naziri Fazil Məmmədovun kürəkəni Xaləddin İsgəndərovun da vəzifədən azad olunacağı gözlənilir.

“Ölkə.Az”-ın mötəbər mənbədən əldə etdiyi məlumata görə, icra başçısının vəzifədən azad olunması ilə bağlı proses başlayıb. 

Qeyd edilir ki, 2015-ci ilin mayında Binəqədi rayonu ərazisindəki hündürmərtəbəli binada baş verən yanğın hadisəsindən sonra yenə də icra başçısı Xaləddin İsgəndərovla bağlı şikayətlərin sayı artıb.

Son vaxtlar Binəqədi rayon İcra Hakimiyyətinin fəaliyyəti yerli sakinlər tərəfindən də böyük narazılıqlarla qarşılanır. Dəfələrlə maliyyə vəsaiti ayrılmasına baxmayaraq, uzun müddətdir yararsız vəziyyətdə olan Binəqədi şosesi də insanların kütləvi narazılığına səbəb olub. 

Son illər rayondakı yolların və kanalizasiya sistemlərinin bərbad vəziyyətdə olması, Binəqədi rayon İcra Hakimiyyəti tərəfindən insanlara qarşı laqeyd münasibətlər, açıq hədələmə və süründürməçilik hallarının kəskin artması nəticəsində insanların ölkə başçısına şikayətlərinin sayı da çoxalıb. Hətta, insanların narazılığı pik həddinə çatdığı üçün Binəqədi yolunu “Azəravtoyol” Açıq Səhmdar Cəmiyyəti təmir etməyə məcbur olub. 

Binəqədi sakinləri ilə apardığımız söhbət zamanı da bunun bilavasitə şahidi olduq. Rayon sakinləri də icra başçısının illərlə üzünü görmədiyini söyləyirlər:

Sakinlər deyir ki, Binəqədi rayon İcra Hakimiyyətinin başçısı Xaləddin İsgəndərov yaxın qohumu olan keçmiş vergilər naziri Fazil Məmmədova (Fazil Məmmədov 5 dekabr 2017-ci il tarixində Prezident İlham Əliyevin Sərəncamı ilə tutduğu vəzifədən azad olunub – müəllif) arxalandığı üçün şikayətçiləri belə qəbul etmək istəmir.

Sakinlərin sözlərinə görə, 2015-ci ilin mayında Binəqədi rayonu ərazisindəki hündürmərtəbəli binada baş verən yanğının da əsas günahkarı Xaləddin İsgəndərovdur.

“Əgər həmin binanın üzlüyünə icra başçısı kimi Xaləddin İsgəndərov icazə verməsəydi, heç həmin faciə də baş verməzdi. Xaləddin İsgəndərov iddia edir ki, guya onun xəbəri olmadan binanı üzləyiblər. Necə yəni xəbərim olmayıb? Əgər sən icra başçısı ola-ola xəbərin olmayıbsa, deməli o vəzifəyə layiq deyilsən. Binəqədidə daş üstə daş qoyan kimi, İcra Hakimiyyətinin adamları dərhal başının üstünü kəsirlər. O boyda bina üzlənir, amma icra başçısının xəbəri olmur? Bu yalana Xaləddin İsgəndərovun özü belə inanmaz. Ona görə də həmin binanın yanmasının ən böyük günahkarı icra başçısı kimi Xaləddin İsgəndərovdur. Özü də nazir qohumu olmuş Fazil Məmmədova arxayın olduğu üçün cəzadan yan keçdi”, – deyə sakinlər qeyd edir.
 
Zaur Əziz
Ölkə.Az

ŞƏRH YAZ
0

Milli Mətbuatımızın 143-cü ili

Milli Mətbuatımızın 143-cü ili
00:19
Bu gün
1235
Ölkə
A
Bu gün Azərbaycanda milli mətbuatın yaranması günüdür.

“Ölkə.Az”ın məlumatına görə, 143 il öncə - 1875-ci il iyulun 22-də dövrünün maarifçilik hərəkatının görkəmli nümayəndələrindən olan Həsən bəy Zərdabinin “Əkinçi” qəzetini nəşrə başlaması ilə Azərbaycan milli mətbuatının əsası qoyulub.

“Əkinçi” Azərbaycan dilində əsl milli demokratik və xalq mətbuatının ilk təməl daşını qoydu, cəmi 56 nömrəsi çıxan qəzet millətin aynası oldu, Azərbaycan jurnalistikasının bayraqdarına çevrildi.

Sonrakı illərdə görkəmli ziyalılar tərəfindən nəşr edilən “Ziya”, “Kəşkül”, “Şərqi-rus”, “İrşad”, “Molla Nəsrəddin” kimi qəzet və jurnallar “Əkinçi”nin ənənələrini davam etdirdi. Bu mətbuat orqanlarının əsas hədəfi cəhalətə, haqsızlığa qarşı mübarizə, maarifləndirmə idi. Zəngin və şərəfli yolla addımlayan Azərbaycan mətbuatı bir neçə mərhələdən keçdi. Azərbaycan Xalq Cümhuriyyəti dövründə azad mətbuatın, eləcə də hadisələrə yeni baxışın təməli qoyuldu. Növbəti mərhələ isə Azərbaycan Xalq Cümhuriyyətinin bolşeviklər tərəfindən işğalından sonrakı dövrü əhatə edir. 143 yaşlı mətbuatın 70 ili bu kommunist dikaturası dövrü ilə bağlıdır. Həmin dövrdə Azərbaycan mətbuatı mövcud problemləri daha çox sətiraltı mənada yazırdı. Çünki mətbuat SSRİ-nin yürütdüyü siyasətin, ideologiyanın ruporu idi. Həmin dövrdə fərqli düşünmək, yazmaq yasaqlanmışdı.

1980-ci illərin II yarısından başlayaraq Azərbaycan mətbuatı yeni inkişaf mərhələsinə qədəm qoydu. Bu mərhələ həm də Azərbaycan dövlətçiliyi, demokratik dövlət quruculuğu dövrüdür. Bu yeni inkişaf dövrünün təməlini qoyan ulu öndər Heydər Əliyev hər zaman mətbuatın cəmiyyətə təsir gücünü yüksək qiymətləndirib, mətbuat və söz azadlığı, kütləvi informasiya vasitələrinin maddi-texniki bazasının möhkəmləndirilməsi istiqamətində ardıcıl tədbirlər həyata keçirib. Müstəqillik dövründə Azərbaycan mətbuatı ilə bağlı ilk fərmanı da Heydər Əliyev imzalayıb.

Ümumilikdə, ulu öndər mətbuatın problemlərinin həlli ilə bağlı 10-dan çox sərəncam və fərman imzalayıb. 1999-cu ildə “Kütləvi İnformasiya Vasitələri haqqında” beynəlxalq tələblərə cavab verən qanun qəbul edilib. Heydər Əliyevin 1998-ci il 6 avqust tarixli sərəncamı ilə Azərbaycanda senzura ləğv olunub.

Ölkədə söz və mətbuat azadlığına, KİV-lərə ən yüksək səviyyədə diqqət və qayğı var. Prezident İlham Əliyevin 31 iyul 2008-ci il tarixli sərəncamı ilə “Azərbaycan Respublikasında KİV-lərin inkişafına dövlət dəstəyi Konsepsiyasının” təsdiq edilməsi, bir il sonra, 3 aprel 2009-cu il tarixində Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun yaradılması azad medianı inkişaf etdirmək, mətbuatın maddi-texniki bazasını möhkəmləndirmək, jurnalistlərin sosial-iqtisadi vəziyyətinin yaxşılaşdırılması məqsədilə atılan mühüm addımlar idi.

Milli mətbuatın yubileylərinin ölkədə geniş qeyd olunması, KİV-lərə birdəfəlik yardımların göstərilməsi, mətbuat işçilərinin sosial müdafiəsinin gücləndirilməsi tədbirləri, həmçinin milli mətbuatın inkişafındakı xidmətlərinə görə jurnalistlərin fəxri adlarla təltif edilməsi haqqında sərəncamlar da mətbuata və mətbuat işçilərinə qayğının tərkib hissəsidir.

Dövlət başçısının Azərbaycan mətbuat işçilərinin sosial müdafiəsinin gücləndirilməsinə dair sərəncamları əsasında jurnalistlər üçün iki yaşayış binası tikilib. 2013-cü və 2017-ci illərdə Prezident İlham Əliyev jurnalistlər üçün tikilmiş binada Milli Mətbuat Günü münasibətilə mənzillərin paylanması mərasimində iştirak edib. Dövlət başçısı 2017-ci ildə mətbuat işçiləri üçün sayca üçüncü yaşayış binasının tikintisi ilə bağlı sərəncam imzalayıb.

Ölkə.Az

ŞƏRH YAZ
0

Təhsil aldığı məktəbin 700 bal toplayan ilk məzunu

Təhsil aldığı məktəbin 700 bal toplayan ilk məzunu
22:29
21.07.2018
2303
Ölkə
A
“700 bal topladığımı biləndə inanmadım”.

“Ölkə.Az” xəbər verir ki, bunu Oxu.az-a açıqlamasında Bakı şəhəri 6 nömrəli məktəb-liseyinin məzunu Nərmin Əhədova bildirib.

Onun sözlərinə görə, bundan əvvəlki qəbul imtahanında 657 bal toplayıb:

“700 bal toplayacağımı gözləmirdim. Çox sevindim.Bakalavr təhsilimi Azərbaycan Tibb Universitetində alacam. Daha sonra təhsilimi Almaniyada davam etdirmək istəyirəm”.

Nərmin Əhədova qeyd edib ki, oxuduğu məktəbin tarixində ilk 700 bal toplayan məzun olub.

Qeyd edək ki, Dövlət İmtahan Mərkəzi iyulun 18-də I və IV ixtisas qruplarının abituriyentləri üçün keçirdiyi qəbul imtahanlarının nəticələrini elan edib. 15 nəfər 700 bal toplayıb.

Ölkə.Az

ŞƏRH YAZ
0
BAĞLA