“Xaliq Faiqoğlu” MMC-nin rəhbəri polkovniki öldürməsi ittihamlarına — CAVAB VERDİ

“Xaliq Faiqoğlu” MMC-nin rəhbəri polkovniki öldürməsi ittihamlarına
13:03
17.07.2017
542
Ölkə
A
“Xaliq Faiqoğlu” MMC-nin Baş direktoru Faiq Seyidov 2014-cü ildə bahalı avtomobillə Müdafiə Nazirliyinin polkovnik-leytenant rütbəli zabiti Eldar Məmmədovu öldürməsi və barəsində səsləndirilən digər ittihamlara cavab verib.

F.Seyidov “Ölkə.Az”-a açıqlamasında bildirib ki, bir sıra KİV-lərdə onlara qarşı qərəzli və yalan məlumatlar dərc olunur:

“Çox təəssüf ki, son günlər bəzi elektron KİV-lərdə sifariş əsasında mənə qarşı qarayaxma kampaniyası aparılır. Kimlərsə məqsədli şəkildə haqqımızda yalan informasiyaları yenidən tirajlayaraq, mənfi imic yaratmağa çalışırlar. 2014-cü ildə baş vermiş yol-nəqliyyat hadisəsini bu gün gündəmə gətirən sifarişçi və icraçı dəstə barədə məlumatımız var. Həmin şəxslər yerli KİV-lərlə əlaqələri vasitəsilə pul müqabilində bu hadisəni gündəmdə saxlamağa çalışırlar. İndi gündəmə gətirilən bu yazı 2015-2016-cı illərdə “reket jurnalistikası” ilə məşğul olmuş “Gündəlik Bakı” qəzetinin hazırda həbsdə olan baş redaktoru Habil Vəliyevin yazılarıdır. Reketliklə məşğul olan həmin şəxslər barədə ölçü götürülməsi üçün artıq Dövlət Təhlükəsizliyi Xidmətinə də müraciət ediləcək”.

F.Seyidov doğru və qərəzsiz yazılar yazan jurnalistlərə də təşəkkür edib:

“Fürsətdən istifadə edib jurnalist adını şərəflə daşıyan şəxslərə və bu qarayaxma kampaniyasında iştirak etməkdən imtina edən KİV-lərə təşəkkür edirəm”.

Vasif Həsənli
Ölkə.Az

ŞƏRH YAZ
0

Bakıda eyvanlardan paltar asmaq qadağan edildi

Bakıda eyvanlardan paltar asmaq qadağan edildi
00:59
Bu gün
458
Ölkə
A
Bakının Nərimanov rayon İcra Hakimiyyəti rayon sakinlərindən balkonlardan paltarların qurudulması üçün çəkdikləri zivələri yığışdırmağı tələb edib.

“Ölkə.Az” “Xəzər TV”yə istinadən xəbər verir ki, İcra Hakimiyyətinin ictimai-siyasi və humanitar məsələlər şöbəsinin müdiri Hüseyn Cəfərov bildirib ki, həmin tələb mərkəzi prospektlərdə yerləşən binaların sakinlərinə aiddir.

Onun sözlərinə görə, paltarı qurutmaq üçün alternativ vasitələr var və bunlardan istifadə şəhərdə xoşagəlməz görüntünün qarşısını almaqda daha effektli olar.

Ölkə.Az

ŞƏRH YAZ
0

Yavər Camalovun son — VİDEOSU

Yavər Camalovun son
22:10
23.06.2018
3503
Ölkə
A
Bu gün dünyasını dəyişən müdafiə sənayesi naziri Yavər Camalovun son görüntüləri yayılıb.

“Ölkə.Az” xəbər verir ki, yayılan məlumatlarda nazirin bu günlərdə Parisdə keçirilən “EUROSATORY-2018” beynəlxalq müdafiə və təhlükəsizlik sərgisində iştirak etdiyi, elə sərgidən sonra səhhətinin pisləşdiyi bildirilir. 

Yeniçağ.az isə nazirin sərgidə çəkilmiş və son görüntülərini yayıb. Həmin videonu təqdim edirik:

Ölkə.Az

ŞƏRH YAZ
0
BAĞLA