Xalq artisti danışdı: “Xəcalət çəkirəm”

Xalq artisti danışdı: “Xəcalət çəkirəm”
18:59
02.09.2017
249
Maqazin
A

Xalq artisti Faiq Ağayev bildirib ki, yalan danışan insan görəndə özünü pərt olunmuş hiss edir və onların yerinə xəcalət çəkir. Sevilən sənətçi bir çoxları kimi bəşəriyyətin gələcəyi haqqında fikirləşəndə, pessimist notlara köklənmir. O, hesab edir ki, gələcək haqqında ancaq müsbət fikirdə olmaq lazımdır.

Ölkə.Az xəbər verir ki, Publika.az-ın “Üç nöqtə” layihəsi çərçivəsində bu həftə yarımçıq qoyulan sualları Faiq Ağayev tamamlayıb.

– İndiki ağlım olsaydı…
– Zəmanəyə uyğun olaraq bizneslə məşğul olardım.
– Zəmanət verə bilərəm ki…
– Verdiyim sözə hər zaman əməl edirəm.
– Dünyanı dəyişmək imkanım olsaydı…
– Çox şablon cavab olsa da, müharibələrin qarşısını alardım.
– Kişilər o qadınlara xəyanət etmir ki…
– Həqiqətən sevdiklərinə.
– Seviləsi qadın olmağın ilkin şərti…
– Hesab edirəm ki, qadın sevdiyi kişinin yarısı olmalıdır. Onunla birnəfəs, bircan olmağı bacarmalıdır. Bu, həm qadınlara, həm də kişilərə aiddir.
– Qadınlar yaşını ona görə gizlədir ki…
– Nəyə görə edirlərsə, əcəb edirlər. Amma kişili, qadınlı yaşını yalan deyən insanlardan heç xoşum gəlmir. Təki yalan deməsin və özünü saxta sənədlə cavanlaşdırmasın.
– Qadına qarşı şiddət…
– Kəskin şəkildə qınayıram.
– Vicdanıma and olsun ki…
– And içməyi sevmirəm.
– Mən təəssüf edirəm ki…
– Təəssüf etdiyim bir çox məqamlar var. Odur ki, bu bəndə dəqiq cavab verə bilməyəcəm. Dərin sualdır, yalnız onu deyə bilərəm ki, bir fərd olaraq dünyada baş verən bir çox hadisələrə təəssüf edirəm.
– Vanqa nənə ilə görüşsəydim...
– Hamı kimi onunla söhbət edib özümlə bağlı məlumatlar öyrənmək istərdim.
– Unuda bilmədiyim sevgilimə demək istəyirəm ki…
– Belə bir insan yoxdur. Unutmağı bacarmaq lazımdır.
– Tənhalıq insan üçün lənətdir, yoxsa ki…
– Bu, bəziləri üçün lənət də, rəhmət də, yaxud da rahatlıq da ola bilər. Digərləri üçün özüdərketmə də ola bilər.
– Ən böyük səhvim o olub ki…
– Yanlış insanlara inanmışam.
– Kiminsə yalan danışdığını hiss edəndə…
– Özünü pərt olunmuş hiss edirəm, onların yerinə mən xəcalət çəkirəm.
– Riyakarlıqla üzləşəndə…
– Çalışıram ki, yan keçim, o əhatədə olmayım.
– Tanrı insanları ona görə qeyri-bərabər yaradıb ki…
– Allah hər kəsi eynihüquqlu yardıb, hamımıza eyni imkanlar verilib. Sadəcə bəzi insanlar o imkanlardan istifadə edə bilir, bəziləri isə yox.
– Bəşəriyyətin gələcəyi haqqında fikirləşəndə…
– Bütün dövrlərdə insanlar gələcəyi fikirləşəndə təəssüflənir. Məsələn, böyüklərə hörmətin azaldığı ilə bağlı, yaxud əvvəlki illərlə müqayisədə havanın çirklənməsi və s. bu kimi fikirlər səslənir. Nədənsə çoxları gələcəyə bədbin baxır. Amma insan arzu və pozitiv istəklərlə yaşamalıdır. Bu bəndə ümid edirəm sözü ilə sonluq verərdim.
– Günahlarım yadıma düşəndə…
– Səbəblərini araşdırıram ki, bir daha o səhvlərə yol verməyim.
– Dostlarıma ən çox onu məsləhət görürəm ki…
– Bir-birindən muğayat olsunlar.
– İlahi ədalətə inancımı o zaman itirdim ki…
– Heç vaxt itirməməşəm, əsla da itirmərəm.
– Yaxşı gündə, pis gündə…
– Çalışın ədalətli olun.

ŞƏRH YAZ
0

“Kurtlar Vadisi”nin bəstəkarı reanimasiyaya yerləşdirildi

“Kurtlar Vadisi”nin bəstəkarı reanimasiyaya yerləşdirildi
18:43
22.05.2018
1184
Maqazin
A
Türk televiziya tarixinin əfsanə seriallarından olan “Kurtlar Vadisi”nin musiqilərini yazan Gökhan Kırdar ağzından qan gəldiyi üçün xəstəxanaya çatdırılıb.

“Ölkə.Az” xəbər verir ki, məşhur bəstəkar artıq üç gündür ki, reanimasiya şöbəsində müalicə olunur.

Gökhan 1970-ci ilin 2 iyun tarixində Aydında anadan olub. İlk dəfə peşəkar musiqi dünyasına 1994-cü ildə atılıb. 1993-cü ildən filmlərə musiqi yazır.

Hikmət Həsənov
Ölkə.Az

 

ŞƏRH YAZ
0

Mehriba Xanlarova: “Məni Azərbaycandan sürgün etməklə, başımı kəsməklə hədələyirlər” — MÜSAHİBƏ

Mehriba Xanlarova: “Məni Azərbaycandan sürgün etməklə, başımı kəsməklə hədələyirlər”
15:25
22.05.2018
3905
Maqazin
A
Tanınmış aktrisa, əməkdar artist Mehriban Xanlarova "Ölkə.Az"-ın suallarını cavablandırıb.

- Mehriban xanım, bildirmisiniz ki, sizi təhdid edirlər. Nə zamandan etibarən sizi hədələyirlər və bu hədələr nədən ibarətdir?

- Aprelin 20-21-də "İnstagram"da mənə mesaj gəldi. Ora çox şeylər yazılmışdı. Deyirdilər ki, niyə ana olmaq istədiyini deyirsən? Axırda yazdılar ki, unutma, may ayında adın mükafata təqdim edilməlidir. Mən də nə baş verdiyini anlamadım. Maraqlıdır ki, bu il açıqlanan mükafat siyahısında adım olmadı və yazılanlarla nəticə üst-üstə düşdü. Mükafat siyahısı açıqlanan günün axşamı yenidən yazıldı ki, necə olduğunu soruşmayacağam, hələ bu harasıdır?! Hətta yazdılar ki, daşıdığın fəxri ad da səndən alınacaq. Təbii ki, Ulu öndər Heydər Əliyevin 2002-ci ildə mənə verdiyi fəxri adı heç kim əlimdən ala bilməz. Məni Azərbaycandan sürgün etməklə, başımı kəsməklə, efirlərə qadağa qoydurmaq, işdən uzaqlaşdırmaqla hədələyirlər.

- Çalışdığınız teatrdan özünüzə qarşı hansısa soyuqluq hiss edirsiniz?

- Xeyr, elə bir şey hiss etmirəm. İşdən çıxarılmağım mənimçün uçurum olar, depressiyadan dəli ola bilərəm. Mədəniyyət naziri Əbülfəs Qarayevə ərizə və ardınca da teleqramla müraciət etmişəm. İndicə xəbər aldım ki, mənə bir aydan sonra cavab veriləcək. Bəlkə bir aydan sonra məni öldürəcəklər, başıma ayrı işlər gətiriləcək?

- Mehriban xanım, maraqlıdır, niyə belə qəribə işlər məhz sizlə bağlı olur?

- Mənimlə kimlə nə işim var ki? Göz qabağında olan sənətçiyəm də. Kiməsə pisliyim olubsa, evini yıxmışamsa, desinlər. 

- Bəlkə ana olmaq istədiyinizi deməyinizlə bağlıdır? Yəni övladınızın atası hansısa xanımın həyat yoldaşı ola bilər...

- Sadəcə, həkimə demişəm ki, əlli yaşımda ana ola bilərəm? Altmış yaşında övlad dünyaya gətirən analar azdır? Mənə yazırlar ki, utanmadın Zaurun verilişinə çıxdın? Bu kimdirsə, məni izlətdirir. Bununla bağlı ölkənin rəhbərliyinə, digər qurumlara müraciət etmişəm. Başqa kimə deyim dərdimi?

- Ana olmaq istədiyinizi dediniz. İllər öncə bu haqda danışmırdınız. Məndə belə bir fikiri yarandı ki, böyütdüyünüz bacınızın övladıyla münasibətləriniz qaydasında deyil. Çünki onu qızınız kimi təqdim edirdiniz...

- (pauza) Deməzdim...

- Hazırda bacınız qızıyla münasibətləriniz necədir?

- Hazırda yaxşıdır. Qəlb qırıqlığım içimdədir.

- Qəlb qırıqlığına səbəb nə oldu?

- Onun da özünə görə səhvləri var. Hər yerdə deyirdi ki, Mehriban mənim anam deyil. Ancaq ona anadan artıq olmuşam və bunu hər kəs bilir.

- Yanılmıramsa, bacınız qızına toy da etmişdiniz...

- Bəli, bəh-bəhlə toy da etmişdim və o toydan indi də danışılır. 

- Bacınız qızının uşağı adətən çəkilişlərdə sizinlə olurdu. Deyəsən, uşaq da sizdən alınıb...

- Uşağı özüm aparıb vermişəm. 

- Qayıdaq sizə edilən təhdidlərə. Bu bardə teatr rəhbərliyi ilə söhbətiniz olub?

- Xeyr. 

- Həmkarlarınızdan kimsə bunu edə, yaxud etdirə bilərmi?

- Bilmirəm. Bütün həmkarlarımla yaxşı münasibətdəyəm və hər kəsin çətin anından yanında olmuşam. 

- Bəlkə kimləsə birgəliyiniz sona çatıb və həmin şəxs bu münasibətin bitməsini qəbul edə bimədiyi üçün belə edir?

- Ola bilməz. Hər zaman efirdə demişəm ki, Prezident mükafatını almasam, dolanışığımda böyük çətinliklər yaranacaq. Məcburam kredit götürəm, dolanam. 

- Hazırda nə qədər məvacib alırsınız?

- Artımla bir yerdə 428 manat məvacib alıram. Mənim evdə şikəst anam, iki şikəst qardaşım var və on beş nəfərlik ailə üstümdədir. Lüks həyat yaşamasam da, həmin pulla dolanırdım. Bilirəm ki, mənə qarşı haqsızlığı edən yuxarılar yox, aşağıdakı məmurlardır. 

- Aktrisalar xınayaxdı məclislərinə də gedirlər...

- Elə bir pulum yoxdur ki, dekorlar, digər texniki şeylər alım.

- Yaşadığınız mənzil özünüzündür?

- Xeyr, hamımız iyirmi dörd kvadratmetrlik mənzildə yaşayırıq. İndiyə kimə demirdim, indi deməkdən utanmıram.

- Təxminən 10-15 il əvvəl Bakıda ən bahalı avtomobil sürən xanımlardan idiniz...

- Bəli, o maşın həyat yoldaşımın idi və onunla da getdi. Söhbət 2004-2005-ci illərdən gedir.

- Bəs onda harada yaşayırdınız?

- Yoldaşımla kirayədə qalırdıq. 

İntiqam VALEHOĞLU
Ölkə.Az

ŞƏRH YAZ
0
BAĞLA