Xalq artisti: "Qalmaqal yaradan verilişlərə nə baxıram, nə də gedirəm"

Xalq artisti:
10:52
08.06.2018
11776
Mədəniyyət
A
Bir çox bəstəkarlardan fərqli olaraq, xalq artisti, tanınmış bəstəkar Faiq Sücəddinov mahnılarını satmadığını bildirib.

"Ölkə.Az" xəbər verir ki, Yenicag.az-a açıqlama verən bəstəkar gileylənib:

“Mahnılarımı satmıram, məni dövlət saxlayır. Bununla belə, hesab edirəm ki, musiqilərim “Youtube” və digər kanallarda, eləcə də konsertlərdə ifa olunan zaman əldə olunan qazancdan müəllifə qonorar ödənməlidir. Təkcə elə “Kaman” mahnım 15 milyon izləmə rekordu qırıb. Hər halda, müəllif də buna görə qazanc əldə etməlidir, təbii ki, zəhmətinin bəhrəsi olaraq. Həmin mahnıların müəlliflik hüququ qorunmalıdır”.

Xalq artisti son vaxtlar efirlərdə görünməməsinə də aydınlıq gətirib:

“Başım yaradıcılıq işlərinə qarışıb. Efirlərdə yoxam. Qalmaqal edən o verilişlərə heç baxmıram, çünki mənim üçün maraqsızdır. Heç o verilişlərə çağırsalar da, getmirəm. Onlardan mənə sual verməyin. Onlar bilir kimi çağırmaq lazımdır. Verilişdə mövzu, dialoq, tərəf müqabili olmalıdır. Get, səni televizorda göstərsinlər, bu, mənlik deyil. Uşaq deyiləm ki, hər verilişə çıxım. Vaxtımı daha səmərəli işlərə sərf edirəm”.

ŞƏRH YAZ
0

Azərbaycanlı musiqiçi Fransada konsert verəcək

Azərbaycanlı musiqiçi Fransada konsert verəcək
01:05
Bu gün
1955
Mədəniyyət
A
Azərbaycanlı musiqiçi Səidə Zülfüqarova Fransada Beynəlxalq Sülh günü münasibətilə "Sülh naminə və zorakılığa qarşı" mövzusunda konsert verəcək.

"Ölkə.Az" "Report"a istinadən verir ki, konsert Karyer-su-Puasi şəhəri meriyasının dəstəyi ilə 21 sentyabrda saat 19-da Alzas İdman Kompeksində keçiriləcək.

Konsertdə Paris Filarmoniyasının orkestr ansamblı, Paris Operasının müğənnisi İrina Kopylova da çıxış edəcəklər. Sülh proqramından ibarət olan tədbirdə azərbaycanlı musiqiçi tarda ifa edəcək.

Konsert YUNESKO-nun sülh üzrə rəssamları, heykəltəraşları və digər sənətkarlarının iştirakı ilə keçiriləcək.

Ölkə.Az

ŞƏRH YAZ
0

Akademik Milli Dram Teatrında “Sinif yoldaşları” tamaşasının premyerası olacaq

Akademik Milli Dram Teatrında “Sinif yoldaşları” tamaşasının premyerası olacaq
20:44
18.09.2018
3125
Mədəniyyət
A
Sentyabrın 23-də Akademik Milli Dram Teatrında Mədəniyyət Nazirliyinin sifarişi ilə hazırlanan “Sinif yoldaşları” tamaşasının premyerası keçiriləcək.

"Ölkә.Az" xәbәr verir ki, teatrın mətbuat xidmətindən Trend-ə verilən məlumata görə, məşhur rus yazıçı-dramaturqu Yuri Polyakovun eyniadlı pyesi əsasında hazırlanan səhnə əsəri melodram janrındadır.

Tamaşanın müəllifi, quruluşçu rejissoru və rəssamı Akademik Milli Dram Teatrının bədii rəhbər-direktoru, Xalq artisti Azər Paşa Nemətov, rejissoru Anar Sadıqov, bəstəkarı xalq artisti Siyavuş Kərimi, rejissor assistenti Ceyran Həsənlidir.

Yeni yaradıcılıq işində teatrın məşhur və sevilən aktyorları - əməkdar artistlər Sənubər İsgəndərli (Svetlana Poqojeva), Şəlalə Şahvələdqızı (Anna Falikova), Rövşən Kərimduxt (Mixail Tyablov), xalq artistləri Ramiz Novruz (Fyodor Stroçkov), Cəfər Namiq Kamal (Boris Lipovetski), Səidə Quliyeva (Yevgeniya Petrovna), əməkdar artist Füzuli Hüseynov (Viktor Çermetov), aktyorlar Mətləb Abdullayev (İvan Kostromitin), İlahə Həsənova (Olqa), Rüstəm Rüstəmov və Vüsal Mustafayev (Mayor), Ziya Ağa (Leytеnant Dmitri), Vüsal Məmmədov (Birinci cangüdən) və Mehman Fətullayev (İkinci cangüdən) çıxış edirlər.

Əsəri Azərbaycan dilinə yazıçı Etimad Başkeçid tərcümə edib.

Tamaşa sinif yoldaşlarının 20 il sonrakı görüşü, yaxud insan mənəviyyatının deqradasiyası haqqındadır. Müharibədən, eyni zamanda həyatın müxtəlif imtahanlarından çıxan sinif yoldaşları müharibə əlili İvanın ad günündə təkcə sosial vəziyyətlərindəki böhranı göstərmir, eyni zamanda mənəvi simalarını hansı şəkildə itirdiklərini də tamaşaçıya nümayiş etdirirlər. “Sinif yoldaşları” tamaşası təkcə ölkəmizin mədəni həyatındakı hadisə deyil, eyni zamanda Rusiya-Azərbaycan teatr əlaqələrində körpü rolunu oynayan növbəti uğurlu addımdır.

Qeyd edək ki, Yuri Polyokov “Əmrə yüz gün qalmış”, “Rayonmiqyaslı fövqəladə vəziyyət”, “Süddə çəpiş” romanları ilə məşhurlaşıb. Əsərləri əsasında iyirmiyə yaxın bədii film çəkilib, pyesləri çoxlu sayda teatr səhnələrində tamaşaya qoyulub.

“Lenin komsomolu”, “N.Qoqol” və “İ.Bunin” adına ədəbiyyat mükafatlarına layiq görülüb. Rusiyanın “Vətən qarşısında xidmətlərinə görə”, “Dostluq” və “Şərəf” ordenləri ilə təltif olunub.

Moskvada nəşr olunan “Literaturnaya qazeta”nın baş redaktoru, Rusiya Dramaturqlar Gildiyasının sədridir.

Ölkә.Az

ŞƏRH YAZ
0
BAĞLA