Xalq artisti Qəndab Quliyeva vəfat edib — YENİLƏNİB

Xalq artisti Qəndab Quliyeva vəfat edib
13:20
26.06.2017
396
Mədəniyyət
A
Azərbaycanın xalq artisti, xanəndə Qəndab Quliyeva vəfat edib.

"Ölkə.Az" xəbər verir ki, b barədə xanəndənin oğlu Hafiz Həmidov APA-ya bildirib.
 
Qəndab Quliyeva xəstəxanadan evə aparılarkən yolda dünyasını dəyişib.
 
Ürək çatışmazlığından əziyyət çəkən xanəndə bu gün müalicə olunduğu Respublika Müalicəvi Diaqnostika Mərkəzində süni tənəffüs aparatından ayrılıb.
 
Mərhumla vida mərasimi sabah keçiriləcək. Xalq artisti Binə kənd qəbiristanlığında anasının yanında dəfn olunacaq. 
 
Qeyd edək ki, xalq artisti Qəndab Quliyeva iyunun 16-da Respublika Müalicəvi Diaqnostika Mərkəzinin reanimasiyasına yerləşdirilib.
 
Ona ürək çatışmazlığı və xroniki böyrək çatışmazlığı diaqnozu qoyulmuşdu.
 
Qəndab Həbib qızı Quliyeva 1949-cu il avqust ayının 10-u Füzuli rayonunun Dilağarda kəndində anadan olub. 1976-1980-ci illərdə Asəf Zeynallı adına Bakı Musiqi Məktəbində, daha sonra Azərbaycan Dövlət İncəsənət Universitetində təhsil alıb.
 
İlk muğam müəllimi Nəriman Əliyev olub. 1981-ci ildən Azərbaycan Dövlət Opera və Balet Teatrında solist kimi fəaliyyət göstərib.
 
Teatrın səhnəsində Leyli (“Leyli-Məcnun”),  Əsli (“Əsli və Kərəm”), Ərəbzəngi (“Şah İsmayıl”), Şahsənəm ("Aşıq Qərib”), Gülbahar (“Gəlin qayası”), Xanəndə qız (“Vaqif”) rollarını yaradıb.

***

"Xalq artisti Qəndab Quliyevanın vəziyyəti olduqca ağırdır".  

"Ölkə.Az" xəbər verir ki, bunu APA-ya xalq artisti Qəndab Quliyevanın müalicə oldunduğu Respublika Müalicəvi Diaqnostika Mərkəzinin həkimi Şahin Xəlilov deyib. Həkim bildirib ki, onun ölümü ilə bağlı yayılan xəbərlər əsassızdır.

Onun sözlərinə görə, xalq artisti süni tənəffüs aparatına qoşulub: “O, ürək çatışmazlığından əziyyət çəkir. Bununla yanaşı sənətkarda böyrək çatışmazlığı və digər digər problemlər də var”.

 Qeyd edək ki, xalq artisti Qəndab Quliyeva iyunun 16-da Respublika Müalicəvi Diaqnostika Mərkəzinin reanimasiyasına yerləşdirilib.

Ona ürək çatışmazlığı və xroniki böyrək çatışmazlığı diaqnozu qoyulub.

ŞƏRH YAZ
0

Hacı Nuranın vəziyyəti ağırlaşdı

Hacı Nuranın vəziyyəti ağırlaşdı
15:57
Bu gün
78
Mədəniyyət
A
Ötən gün xəstəxanaya yerləşdirilən aparıcı Nuran Hüseynovdan onkoloji şiş tapılıb.

"Ölkə.Az" xəbər verir ki, bunu “Qafqazinfo”ya açıqlamasında aparıcının köməkçisi məlumat verib. 

Bildirib ki, N. Hüseynov təcili olaraq Almaniyaya aparılmalıdır: “Təzyiqi qalxıb-düşürdü. Zəifləmişdi, immuniteti aşağı düşmüşdü. Analizlər verilib və birinin cavabları çıxıb. Ağciyərində onkoloji şiş tapılıb.  Bu səbəbdən təcili Almaniyaya getməlidir, müalicəsi davam etdirilməlidir”. 

ŞƏRH YAZ
0

Emin Ağalarova yeni fəxri ad verildi — FOTOLAR

Emin Ağalarova yeni fəxri ad verildi
12:18
Bu gün
295
Mədəniyyət
A
Azərbaycanın xalq artisti Emin Ağalarova növbəti fəxri ad verilib.

“Ölkə.Az” xəbər verir ki, Eminə Adıgeya Muxtar Respublikasının əməkdar artisti adı verilib. Respublika rəhbəri Murat Kumpilov Emin Ağalarovu qəbul edib. Görüşdə respublika prezident aparatının rəhbəri, nazir Murat Txakuşinov və digər rəsmi şəxslər iştirak ediblər.

“Biz sizinlə görüşdən şadıq. Sizin istedadınız bütün Rusiyaya və onun sərhədlərindən kənarda məlumdur. Əminəm ki, konsert proqramınız respublikamızın sakinlərinin çox xoşuna gəlib. Adegeyada sizin pərəstişkarlarınızın sayı çoxdur. Burada sizi sevirlər və yeni konsertlərinizi gözləyirlər”, - deyə Murat Kumpilov bildirib.

Emin Ağalarov isə qeyd edib ki, onun üçün aritst etalonu Müslüm Maqomayevdir.
Görüşün sonunda Adıgeya rəhbəri qonağa mükafat təqdim edib. Mədəniyyətin və incəsənətin inkişafına verdiyi töhfələrə görə Emin Ağalarov Adıgeya Respublikasının əməkdar artisti fəxri adına layiq görülüb.

Hikmət Həsənov
Ölkə.Az

ŞƏRH YAZ
0
BAĞLA