Xalq artistinin səhhətində ciddi problem var

Xalq artistinin səhhətində ciddi problem var
00:24
17.05.2017
13
Mədəniyyət
A
Xalq artisti Yalçın Rzazadənin səhhətində ciddi problem var.

Ölkə.Az-ın məlumatına görə, bu barədə AzVision.az-a müğənni özü bildirib.

O, aldığı sınıq zədəsindən sonra zəiflədiyini, özünü yaxşı hiss etmədiyini deyib: 

“Ayağım sağalmaq bilmir. Tez-tez dizimə su yığılır. Sinirim zədələnib. Dözülməz ağrılar olur. Bir müddət müalicə aldım. İndi yenə ağrılar başlayıb. Müalicələrim davam edir. Səhhətimə görə də özümü yaxşı hiss etmirəm. Gün ərzində gah normal, gah da əzgin oluram. Durduğum yerdə başıma iş gəldi”.

Qeyd edək ki, Yalçın Rzazadə bir neçə ay bundan çəkilişə gedərkən ayağını sındırmışdı.

ŞƏRH YAZ
0

Dərbənddə Nizami Gəncəvinin abidəsinə xətər yetirildi — FOTO

Dərbənddə Nizami Gəncəvinin abidəsinə xətər yetirildi
14:07
Bu gün
6
Mədəniyyət
A
"Dərbənddə şair Nizami Gəncəvinin abidəsinə xətər yetirilib. Şəhər meriyası təhlükəsizlik tələblərimizə cavab vermir".

"Ölkə.Az" xəbər verir ki, bunu Report-un Rusiya bürosuna açıqlamasında Dərbənd şəhərindəki Azərbaycan diasporunun rəhbəri Telman Hacəliyev deyib.

Onun sözlərinə görə, naməlum şəxslər şairin heykəlinin baş barmağını sındırıb və abidə ətrafındakı parkı pis vəziyyətə salıblar.

"Ağaclar kökü ilə qarışıq torpaqdan çıxarılıb, qazon tapdanıb. Müvafiq tədbirlərin görülməsi və vandalların cəzalandırılması üçün hüquq-mühafizə orqanlarına və meriyaya müraciət etmişik", - T.Hacəliyev bildirib.

Onun sözlərinə görə, bu, ilk belə hadisə deyil.

"2015-ci ilin yanvar ayında abidəni yandırmışdılar. Dağıstanın keçmiş rəhbəri Ramazan Abdulatipovun göstərişi ilə abidə bərpa edildi, onun ətrafında isə abadlıq işləri həyata keçirildi. Amma park ərazisində müşahidə kameraları quraşdırılmadı və buna görə də də belə əməli törədənlər məsuliyyətdən qaçmağı bacarır. Ümid edirəm ki, bu dəfə problemə daha ciddi yanaşacaqlar və cinayətkarlar yaxalanacaq", - diaspor rəhbəri vurğulayıb.

ŞƏRH YAZ
0

Ən yaxşı ssenari yazanlar bəlli oldu — Siyahı

Ən yaxşı ssenari yazanlar bəlli oldu
16:55
16.11.2017
393
Mədəniyyət
A
Azərbaycan Respublikası Kinematoqrafçılar İttifaqında növbəti iclas keçirilib.

İttifaqın mətbuat xidmətinin rəhbəri Əli Vəliyev "Ölkə.Az"a bildirib ki, "Zaman və Məkan" adlı qısametrajlı sənədli filmlərin ssenari müsabiqəsinin qaliblərinin müəyyən edilməsi ilə bağlı keçirilən iclasda, İttifaqın sədri professor Şəfiqə Məmmədova, qrumun birinci katibi əməkdar incəsənət xadimi Cəmil Quliyev, kinorejissor xalq artisti Oqtay Mirqasım, kinorejissor əməkdar incəsənət xadimi Rafael Qəmbərov, əməkdar incəsənət xadimi Yavər Rzayev iştirak ediblər.

İclasda iştirak edən Münsiflər heyətinin (Kinorejissor, xalq artisti Oqtay Mirqasım, kinorejissor, əməkdar incəsənət xadimi Rafael Qəmbərov, əməkdar incəsənət xadimi Yavər Rzayev) qərarı ilə ssenari müsabiqəsinin qalibləri aşağıdakı kimi qiymətləndirilib.

1-ci yer 1500 manat pul mükafatı (Heç bir ssenari qalib olmayıb)

2-ci yer 1000 manat pul mükafatı, 24 balla “Şükriyyə taleyim” ssenarisi 

3-cü yer 500 manat pul mükafatı, 23 balla “Bakının su əfsanəsi” ssenarisi

Həvəsləndirici “Ümid” mükafatı 500 manat pul, 20 balla “Qara Qızıl” ssenarisidir.

Qeyd edək ki, “Şükriyyə taleyim” ssenarisinin müəllifi Cavid Zeynallı, “Bakının su əfsanəsi” ssenarisi Rəşad Şükürovun, “Qara Qızıl” ssenarisinin müəllifi isə Seyram Əmirovdur.

ŞƏRH YAZ
0
BAĞLA