Xalq artistləri "Qarabağ"ın uğurundan DANIŞDILAR — "Sevincimdən bilmirəm hara uçum"

Xalq artistləri
12:39
24.08.2017
1012
Mədəniyyət
A
Məlum olduğu kimi, "Qarabağ" Danimarkanın "Kopenhagen" komandasını iki oyunun nəticəsinə görə mübarizədən kənarlaşdırarar UEFA Çempionlar Liqasının qrup mərhələsinə vəsiqə qazanıb.

"Ölkə.Az" qazanılan uğurla bağlı tanınmış sənətkarların fikirlərini öyrənib.

Xalq artisti, xanəndə Arif Babayev:

"Sevincimdən bilmirəm hara uçum. Qanadlanmışam, yerə-göyə sığmıram. Bu, çox böyük işdir. İnanıram ki, "Qarabağ" az müddətdə daha güclü ölkələrin komandalarına da qalib gələcək. Bakıdakı oyunlarına da baxmışdım. Mənə ləzzzət elədi, çox sevindim. Stadiondan baxacağımı deyə bilmərəm, amma qrup mərhələsinin oyunlarına evdə böyük maraqla baxacağam".

Xalq artisti, xanəndə Mənsum İbrahimov:

""Qarabağ" dünən tarixi nəticə qazandı. Bu nəticə bizim xalqımız üçün də ruh yüksəkliyi oldu. Xalqımıza qələbə çox lazımdır, hələ işğalda olan torpaqlarımız var. Ona görə də "Qarabağ"ın uğuru xalqımız üçün böyük qələbədir, fəxr edirəm. Baş məşqçi Qurban Qurbanov başda olmaqla, bütün kollektivi təbrik edirəm. Hər zaman uğurlarımız, qələbələrimiz bol olsun. İnşallah, tezliklə torpaqlarımızı da işğaldan azad edək. Kiçik oğlum İbrahim həm idmançıdır, həm də futbol azarkeşidir. Bir oyunu da buraxmır. "Qarabağ"ın bütün oyunlarına stadionda baxırıq. Bütün xalqımızı təbrik edirəm".

Xalq artisti, aktyor Valeh Kərimov:

"Futbol azarkeşi olmasam da, dünənki oyuna baxdım. Çünki bu elə oyundur ki, ona baxmamaq günahdır. Qrup mərhələsinin oyunlarına stadionda baxa bilməsəm də, evdə baxacağam. İndi oğlumla bu haqda danışırıq. Deyirəm ki, necə oldu, "Qarabağ" 2:1 uduzdu, amma növbəti mərhələyə keçdi? İzah elədi ki, ümumi nəticəyə görə qrup mərhələsinə keçdik. İndi də "Barselona", "Real Madrid" kimi komandalar Bakıya gələ bilər. Dedim, daha bu toy bayramdır ki. Əgər "Qarabağ" o komandaları dartıb bura gətirirsə, bundan gözəl nə iş ola bilər ki? İnşallah, "Qarabağ" xalqımızı əsl Qarabağımıza dartıb aparacaq". 

Xalq artisti, aktyor Ramiz Məlik:

"Dünən oyuna baxdım. Çox sevindim ki, "Qarabağ" kimi bir komandamız yetişib, püxtələşib və Qarabağ adına layiq oyun göstərir. Arzu edirəm ki, tez bir zamanda Qarabağımızı erməni faşistlərinin işğalından azad edək. Stadiondan küsmüşəm. Sovetlər dönəmində "Neftçi" burada "Torpedo"ya 7:0 uduzandan sonra o stadiona ayağımı basmadım". 

Xalq artisti, opera müğənnisi Xuraman Qasımova:

"Biz xaricdəyik, Bakıda deyilik. Amma nəticədən xəbərimiz var. Əgər uğurdursa, bu, hər bir azərbaycanlını sevindirir. Allah eləsin ki, belə uğurlar çox olsun və həqiqət öz yerini tapsın, torpaqlarımızı qaytaraq".

Xalq artisti, bəstəkar Faiq Sücəddinov:

"Çox böyük uğurdur və ilk dəfə belə möhtəşəm nəticə qazandıq. Bu məsələdə siyasət də rol oynayır. Çünki komandanın adı "Qarabağ"dır. "Qarabağ" Azərbaycan adıdır. Dünyanın heç yerində bu adın analoqu yoxdur. Saytlardan oxuyuram ki, bir rus şərhçisi deyir, Qarabağ ermənilərindir. Vaxtilə də Bakıda yaşayıb. Ona çox ayıb olsun. Demək istədiyim odur ki, çox adam, o cümlədən qonşularımız bizim uğurlarımızı həzm edə bilmir. İdmanın bütün növlərində uğurlarımız var idi. Amma futbolda sözümüzü indi dedik. İnanıram ki, futbolda da birincilər sırasında olacağıq. Sağ olsun Qurban Qurbanov. Doğrudan da o komandanı yüksək səviyyəyə çatdırıb. İstərdim ki, "Qarabağ" rusların komandasıyla düşsün və onlara qalib gələk. Bunların şovinist hərəkətləri onları yaşamağa qoymur. Mütləq ilan kimi sancmalıdırlar. Gözəl, şad günümüzə mütləq nəsə qatmalıdırlar. Ancaq biz düz yoldayıq və inşallah, bundan da böyük nailiyyətlər əldə edəcəyik". 

İntiqam VALEHOĞLU
Ölkə.Az

ŞƏRH YAZ
0

"Ayşad Fuad Poladovu anmazdan əvvəl rəhbərliklə məsləhətləşməliydi" — Əli Nur

12:30
16.05.2018
6275
Mədəniyyət
A
Əməkdar artist Əli Nur mərhum xalq artisti Fuad Poladovun Akademik Milli Dram Teatrında tamaşada əməkdar artist Ayşad Məmmədov tərəfindən anılmasına münasibət bildirib.

"Ölkə.Az"a danışan aktyor bildirib ki, həmin aktyor bununla bağlı rəhbərliklə məsləhətləşməliydi:

"Bu məsələdən mən də xəbərdaram. Həmin gün "Şah Qacar" tamaşaçısı olub. Fuad Poladov Şah Qacar rolunun əvəzolunmaz ifaçısıydı və mədəniyyət tariximizdə sənətkar kimi qalacaq. Ayşad Məmmədovun tamaşadan öncə Fuad Poladovu anmağında qəbahət yoxdur. Çünki Həsənağa Turabov, Səməndər Rzayev kimi sənətkarları da səhnədə yad etmişik. Ancaq burada bir incə məsələ var. Teatr çox böyük ictimai tribuna olduğuna görə proqramdan kənar çıxış etmək olmaz. Teatrın rəhbərliyi, nazirliyin səlahiyyətli şəxsləri var. Onlarla məsləhətləşmək lazım idi. Belə demək mümkünsə, Ayşad həm düz edib, həm də səhv".

Qeyd edək ki, əməkdar artist Ayşad Məmmədovun "Şah Qacar" tamaşasından əvvəl xalq artisti Fuad Poladovu anması teatr rəhbərliyinin narazılığına səbəb olmuşdu.

İntiqam VALEHOĞLU  
Ölkə.Az

ŞƏRH YAZ
0

17 yaşlı xanəndəmiz Tacikistanda konsert verdi — FOTOLAR

17 yaşlı xanəndəmiz Tacikistanda konsert verdi
18:15
14.05.2018
2749
Mədəniyyət
A
VI Muğam Müsabiqəsinin qalibi Almaxanım Əhmədli Tacikistanın paytaxtı Düşənbədə solo konsert proqramıyla çıxış edib.

 "Ölkə.Az"-ın məlumatına görə, Azərbaycan Xalq Cümhuriyyətinin 100, Ümummilli lider Heydər Əliyevin anadan olmasının 95 illiyinə həsr edilmiş konsert proqramı saat yarım davam edib. Gənc xanəndə saytımıza açıqlamasında bildirib ki, konsertdə Tacikistan və Azərbaycanın dövlət rəsmiləriylə yanaşı, xarici ölkələrin diplomatik korpuslarının nümayəndələri də iştirak ediblər:

"Kosnertdə "Cəngi" Folklor Ansamblının və Mədəniyyət Nazirliyinin xəttiylə getmişdik. 

Konsertimiz çox yüksək səviyyədə keçdi. "Şeş Makom" muğam festivalında oxuduğum "Qarabağ şikəstəsi" isə gözlədiyimdən də yüksək səviyyədə qarşılandı. Konsertdən sonra Tacikistanın Dövlət Televiziyasına müsahibə verdim. Tacikistandakı səfirimiz Həsən Məmmədzadəylə də görüşümüz oldu". 

Qeyd edək ki, A.Əhmədli 2017-ci ildən AzTV-nin solisti, eyni zamanda Azərbaycan Milli Konservatoriyasının solo oxuma fakültəsinin tələbəsidir.

İntiqam VALEHOĞLU
Ölkə.Az

ŞƏRH YAZ
0
BAĞLA