Xalq rəssamı Tokay Məmmədov vəfat edib

Xalq rəssamı Tokay Məmmədov vəfat edib
16:37
02.05.2018
1728
Mədəniyyət
A
Xalq rəssamı, heykəltaraş Tokay Məmmədov vəfat edib.

"Ölkə.Az"ın APA-ya istinadən məlumatına görə, 91 yaşlı xalq rəssamı bu gün müalicə aldığı xəstəxanada dünyasını dəyişib. 

Tokay Məmmədovla vida mərasiminin keçiriləcəyi məkan və dəfn olunacağı yer dəqiqləşdirilir. 

Tokay Məmmədov Məhəmməd Füzuli, Nəsimi, Üzeyir Hacıbəyov və Koroğlunun heykəllərinin müəllifidir.   

Tokay Həbib oğlu Məmmədov 1927-ci il iyulun 18-də Bakıda anadan olub. Atası Həbib Qurban oğlu Məmmədov texnika elmləri doktoru, anası Zivər Məmmədova isə Azərbaycanın ilk qadın heykəltəraşı olub. İlk təhsilini anasından alıb.

Tokay Məmmədov 1945-ci ildə Əzim Əzimzadə adına Bakı Rəssamlıq Məktəbinin üçüncü kursunu bitirərək Leninqrad şəhərinə gedib və İ.E.Repin adına Rəssamlıq Akademiyasının heykəltəraşlıq fakültəsinə qəbul olunub. Burada oxuduğu illər ərzində o, görkəmli rus sənətkarları V.Senayski, A.Matveyev və M.Kerezindən dərs alıb.

Tokay Məmmədov yaratdığı işlərə görə 1978-ci ildə SSRİ Dövlət Mükafatı, 1982-ci ildə isə Azərbaycan Dövlət Mükafatına layiq görülüb. O, həmçinin "Şərəf nişanı", "Xalqlar dostluğu", "Şöhrət" ordenləri ilə təltif olunub.

T.Məmmədov bir neçə qəbirüstü abidənin də müəllifidir. O, 1956-cı ildə Şuşa şəhərində musiqiçi alim, xəttat və rəssam Mirmöhsün Nəvvabın qəbirüstü abidəsini düzəldib.

Heykəltəraş Azərbaycanın ilk professional vokal sənətinin banisi Bülbülün də qəbirüstü abidəsini yaradıb.

ŞƏRH YAZ
1

"Makedon" özünə qadağa qoydu — AÇIQLAMA

18:32
16.08.2018
5611
Mədəniyyət
A
Azərbaycan kinosunun Makedonu Aqil Ağacanov bundan sonra televiziyadan gələn heç bir dəvəti qəbul etməyəcək.

Bu barədə "Ölkə.Az"a açıqlamasında A.Ağacanov bildirib:

"Axırıncı dəfə iki il əvvəl efirdə olmuşam. Bundan sonra heç bir televiziyaya müsahibə vermək, efirə çıxmaq fikrim də yoxdur". 

A.Ağacanov çəkildiyi obrazlara layiqli qiymət verilməməsindən narazılığını da gizlətməyib:

"İki filmə çəkilmişəm, heç məni yada salan olmayıb. Ona görə bu barədə heç danışmaq istəmirəm. Allaha şükür, çörəyimi tapıram, dolanıram, min bərəkət. Bundan sonra mənə heç nə lazım deyil".

Qeyd edək ki, Aqil Ağacanov "Bizim Cəbiş müəllim" filmində Makedon, "Yuxu" filmində isə polis nəfəri obrazlarını canlandırıb. 

İntiqam VALEHOĞLU
Ölkə.Az

ŞƏRH YAZ
0

Yalçın Rzazadə çətin durumda — SƏHHƏTİ AĞIRLAŞIB

Yalçın Rzazadə çətin durumda
17:38
16.08.2018
3997
Mədəniyyət
A
Xalq artisti Yalçın Rzazadənin səhhətində ciddi problem yaranıb.

Sənətkar "Ölkə.Az"ın əməkdaşıyla söhbətində bildirib ki, eyni vaxtda bir neçə xəstəlikdən əziyyət çəkir:

"Səhhətim çox pisdir. Həm qan təzyiqim var, həm də ürəyimin vəziyyəti yaxşı deyil".

Sənətkar bildirib ki, indiki məqamda müalicəsi üçün heç kimə müraciət etmək fikrində deyil:
 
"Ölkədən kənarda müalicə almalıyam, amma ona da pul lazımdır. Belə də yazsanız, deyəcəklər ki, Yalçın yolçudur. Hər kəsdən, hər şeydən küskünləşmişəm, heç kimdən də kömək istəmirəm. Nə restoranım, nə obyektim yoxdur. Ümid edirəm ki, hər şey yaxşı olacaq". 

Qeyd edək ki, Yalçın Rzazadə ilə şok açıqlamalarla dolu müsahibəni sabah “Ölkə.Az” saytında oxuya bilərsiniz.

İntiqam VALEHOĞLU
Ölkə.Az

ŞƏRH YAZ
0
BAĞLA