KORONAVİRUSA YOLUXANLARIN SAYI - CANLI STATİSTİKA

Xanım fanatına “arxa otağa keçək və mən sübut edim” deyən Can Yamanın serialı — TƏXİRƏ SALINDI

Xanım fanatına “arxa otağa keçək və mən sübut edim” deyən Can Yamanın serialı
08:11
06.12.2019
9692
Maqazin
A
Son günlər qalmaqallarda adı hallanan türkiyəli aktyor Can Yaman İtaliyada “Survivor” yarışmasını apacaq.

"Ölkə.Az" bildirir ki, seriallarda oynadığı qadın həmkarlarını və onun sevən xanımları təhqir edən  aktyorun fevral ayında çəkilməsi planlaşdırılan “Can borcu” serialı da təxirə salınıb. Aktyorun İspaniyada televiziya proqramında tamaşaçıya “arxa otağa keçək və mən sübut edim” sözləri deməsi serialın prodüserini əsəbləşdirib.

Yanvarda əsgərliyə gedən Canın artıq fevral ayında serial çəkilişlərinə başlaması və mart ayından serialın təqdim olunması təsdiqlənmişdi. Amma qalmaqallı açıqlamalara görə serialın gələn ilin sentyabr ayında çəkilməsi nəzərdə tutulub.  

Hətta prodüser Canı baş verən hadisələrdən uzaqlaşdırmaq üçün onu xaricə istirahətə göndərib. Tətildən sonra aktyor İtaliyada “Survivor” yarışmasını aparacaq.  Aparıcılıq etməsi Türkiyə mətbuatından və qalmaqallardan uzaq olması ilə bağlıdır.  

Xatırladaq ki, Can Yaman öncə serialın reytinqli olması üçün qadın həmkarları ilə “mütləq sevgili olunmalıdır” fikri ilə Türkiyədə qınaq obyektinə çevrilib.

Eyni zamanda, Can müsahibələrinin birində həmkarı Demet Özdemirlə iyirminci seriyadan sonra sevgili olduqlarını etiraf edib. 

Son olaraq isə  İspaniyada yerli televiziya proqramlarından birinə qonaq olan aktyorun xanımlardan birinin verdiyi “buradan Can Yamanın mükəmməl, ideal bir insan olduğunu düşünərək gedəcəyik. Ancaq bizə Can Yamanın bu dünyadan olduğunu sübut edə biləcək nələrsə deyə bilərsən?” sualına “arxa otağa keçək və mən sübut edim” cavabını verməsi qalmaqala səbəb olub.  

Qeyd edək ki, Can Yaman “Erkençi Kuş” serialı ilə dünyada tanınıb. Son vaxtlar isə xarici ölkələrə səfərləri və açıqlamaları ilə gündəmdədir.

ŞƏRH YAZ
0

“Əliqismət Lalayevin etdiklərinə dözə bilmirəm” — Əməkdar artistdən şikayət

“Əliqismət Lalayevin etdiklərinə dözə bilmirəm”
16:20
Bu gün
1233
Maqazin
A
“10 yaşından teatrdayam. Əliqismət Lalayev teatra gələndən deyir ki, aktyorlar mənim qulumdur. Köhnə direktor müavinlərini işdən çıxarıb, yerinə iki nəfər gətirib. Teatrı gəzirlər, aktyor işə gəlmirsə, gecikibsə, ona töhmət yazmaqdansa, 50 manat cərimələyirlər”.

"Ölkə.Az" xəbər verir ki, bu sözləri Əməkdar artist Çingiz Əhmədov axşam.az-a açıqlamasında söyləyib.

Aktyor çalışdığı Azərbaycan Dövlət Akademik Musiqili Teatrın rəhbəri Əliqismət Lalayevin ona işlərində problem yaratdığını, haqsızlıq etdiyini bildirib:

“Müavinlər aktyorlara izahat yazdırırlar ki, niyə işə gəlməyiblər, niyə gecikiblər. Bu, aktyordur, 50 problemi var. 2015, 2016, 2017, 2018-ci illərdə ayda 500 manat Prezident mükafatı almışam. Özü də Əliqismət Lalayevin əli ilə almamışam. 2012-ci ildə keçmiş Mədəniyyat Naziri Əbülfəs Qarayevlə tədbirlərin birində görüşdük. Dedi ki, işlərin necədir? Həmin dönəmdə keçmiş ANS TV-də veriliş aparırdım. Söylədi ki, efirdə sənə baxıram, partladırsan. Ona dedim ki, mənə indiyədək fəxri ad verilməyib. Nə məsələdir? Dedi ki, bir az vaxt ver, mütləq ad alacaqsan. Fəxri ad aldığım gün Əliqismət Lalayevi “infarkt vurdu”. Dedi ki, bu adı haradan aldı?

Ümumiyyətlə, bu adam orta və yaşlı nəsilə qiymət vermir. Aktyor var ki, 400 manata kirayə qalır. O yazığın adını mükafatlar sırasından çıxarıb. Pandemiyadan öncə ona yaxınlaşdım ki, bu il mükafatımı ver, problemlərim var. Dedi ki, gözlə, alacaqsan. Aktyorların çoxuna mükafat düşmədi. Teatrın rəhbəri bunları təqdim etməlidir”.

Ç.Əhmədov bildirib ki, adı fəxri ad alanların sırasından dəfələrlə direktor tərəfindən çıxarılıb:

“12 ildir bu hal təkrarlanır. Mənə deyir ki, hələ tezdir. Dünənki uşaqlar “Xalq artisti”dir. Əmək fəaliyyətim var. İnsanlar mənə görə bilet alıb, tamaşaya gəlirlər. Bu teatrda 2-3 normal aktyor varsa, onun biri mənəm, digəri Afaq Bəşirqızıdır.

Haqqsızlıq edir, teatrda “at oynadır”. Bir neçə il bundan əvvəl işdən çıxmaq istədim. İmkan vermədi, məni “səhnə ustası” etdi. Bu da maaşımda cəmi 34-35 manat fərq yaratdı. Bunun ixtiyarı yoxdur ki, aktyor işə gecikəndə maaşından 50 manat kəssin. Deyir ki, aktyorlar mənim köləmdir. Anlamır ki, o, bu aktyorlara görə orada müdirdir. 37 ildir burada çalışıram. İndiyədək 4 teatr müdiri dəyişmişəm, onun kimisini görməmişəm.

Teatrda elə bir durum yaradıb ki... Bir söz deyən kimi də telefona yazıb aparıb ona dinlətdirirlər. Artıq dözmürəm, haqqımı yeyir. Sən orta nəslə hörmət et ki, gənclər də baxıb örnək alsın. İstəyirəm Əliqismət Lalayevlə bağlı ölçü götürülsün.

İki ildən sonra 60 yaşım olur. Bu adam imkan vermir ki, layiq olduğum mükafatları alım. Bilmirəm ki, məndən nə istəyir. Gənclər də mükafat almalıdır, amma teatrda vəziyyəti pis olan aktyorlar var. Deyir ki, vəziyyəti çətin olanlara mükafat verirəm. Sən kimsən axı? Bu teatrın simaları var, əvvəlcə onlara ver, sonra başqalarına keç”.

ŞƏRH YAZ
0

"Dövlətin müğənnilərə yardım etdiyini bilsəydim, mən də alardım" — Elnarə Abdullayevadan MARAQLI AÇIQLAMALAR

15:05
Bu gün
1472
Maqazin
A
"Karantində əhvalım yaxşı olmadığına görə heç bir işlə məşğul ola bilmirəm. Onu deyə bilərəm ki, bu dönəmlərdə həqiqətən də çox darıxıram. Əslinə qalsa, görülməli işlərim çoxdur. Ancaq sənətə adaptasiya ola bilmirəm. Yəqin edirəm ki, bunun üçün mənə vaxt lazımdır. Çünki xarakterimlə əlaqədar olaraq evdə mahnı oxuyan biri olmamışam. İndi düşünəndə ki, yenidən haradasa əlimə mikrafon alıb mahnı oxuyacağam, bu, mənə qəribə gəlir".

Bu sözləri “Ölkə.Az”ın əməkdaşı ilə söhbətində Əməkdar artist Elnarə Abdullayeva deyib.

Xanəndə bəzi sənətçilərin dövlətdən yardım almağıyla bağlı məsələyə də toxunub: 
"Dövlətin sənətçilərə, müğənnilərə yardım etməsindən xəbərim olmayıb. Olsaydı, yəqin ki, mən də yardım alardım. Hətta bir müddət dinc qalmaq üçün telefonumu belə özümdən uzaqlaşdırmışdım. Düzünə qalsa, son aylarda mənə xəstəlikdən, virusdan başqa heç nə maraqlı deyil. Gecə-gündüz dua edib, namaz qılıb Allaha yalvarıram ki, vətənimin, millətimin üzərindən bu xəstəlik keçib getsin. 

Abdullayeva bildirib ki, karantin dövründə bir neçə gün Şamaxıda olub:

Yenicə Şamaxıya gedib, qayıtmışam. Tikdirdiyim bulaqla və digər işlərim bağlı bəzən Şamaxıya gedirəm. Orada gördüyüm işləri nəzarətsiz qoymaq istəmirəm. Necə deyərlər, bağa baxarsan, bağ olar, baxmazsan, dağ olar". 
Elnarə Abdullayeva onu tənqid edən əməkdaşı Mətanət İsgəndərli haqqında da söz açıb:
"Əvvəla deyə bilərəm ki, mən heç kəsi tənqid etməmişəm. Mənə maraqlıdır niyə öz fikrimi ifadə etməyim bəzilərini bu qədər narahat edir? Məsələn, polisdən, həkimdən, aşpazdan soruşanda ki, ''İstəyərsənmi övladın sənin sənətini davam etdirsin?'' əksəriyyəti ''Yox'' cavabını verir. Məgər, polis və ya aşpazlıq sənəti pisdir ki? Sadəcə olaraq bəzilərinin qarnı o qədər qurdludur ki, hər sözümə görə məni tənqid edirlər. Başa düşə bilmirəm ki, niyə bu qədər xofludurlar?" 

Ölkə.Az

ŞƏRH YAZ
0
BAĞLA