Xarici ölkələrə səyahət edənlərin sayı açıqlanıb

Xarici ölkələrə səyahət edənlərin sayı açıqlanıb
19:02
11.01.2018
1890
İqtisadiyyat
A
Heydər Əliyev Beynəlxalq Aeroportu ötən ildə 4,06 milyon sərnişinə xidmət göstərib.

Bu ötən ilki göstərici ilə müqayisədə 23% çoxdur. 

"Azərbaycan Hava Yolları"ndan (AZAL) "Ölkə.Az"a verilən məlumata görə, ümumilikdə 55 aviaşirkət müntəzəm və çarter reysləri yerinə yetirib. Beynəlxalq Aeroport 8 yeni aviadaşıyıcını – “Air Arabia”, “Wataniya Airways”, “ISR Air”, “Jazeera Airways”, “IrAero”, “Mahan Air”, “İkar” aviaşirkətini (“Pegasfly” brendi) və Azərbaycanın ilk loukosteri  “Buta Airways”i qarşılayıb.

Hesabat dövründə AZAL milli aviadaşıyıcısının payına 2,2 milyon sərnişin, “Buta Airways” loukosterinin payına isə 92 min sərnişin düşüb. Eyni zamanda, 114 min tranzit, 50 min sərnişin isə çarter reysləri üzrə qeydə alınıb.

Sərnişinlərin 85%-i beynəlxalq reyslərin payına düşüb. Aeroportun beynəlxalq daşımalarının 46%-i AZAL-ın və “Buta Airways”in, 54%_i isə xarici aviadaşıyıcıların payına düşüb.

Ən məşhur beynəlxalq istiqamətlərin onluğuna - Moskva, İstanbul, Dubay, Kiyev, Tehran, Antalya, Tbilisi, Bağdad, Doha və Sankt-Peterburq daxil olaraq 2,52 mln. sərnişin bu istiqamətlərə uçub.

ŞƏRH YAZ
0

Azərbaycanın vahid büdcə təsnifatı təsdiq edildi

Azərbaycanın vahid büdcə təsnifatı təsdiq edildi
10:08
Bu gün
247
İqtisadiyyat
A
Azərbaycan Respublikasının büdcə gəlirlərinin və xərclərinin funksional, iqtisadi və inzibati təsnifatından ibarət vahid büdcə təsnifatı təsdiq edilib.

"Ölkə.Az" xəbər verir ki, bu barədə qərarı baş nazir Novruz Məmmədov imzalayıb.

Azərbaycan Respublikasının dövlət büdcəsindən maliyyələşən və maliyyə yardımı alan təşkilatlar, icmal büdcə ilə əhatə olunan qurumlar vahid büdcə təsnifatının tətbiqinə 2020-ci il 1 yanvar tarixindən başlayır.

Azərbaycan Respublikasının dövlət büdcəsindən maliyyələşən və maliyyə yardımı alan təşkilatlar, icmal büdcə ilə əhatə olunan qurumlar 2020-ci ilin icmal və dövlət büdcəsi layihələri ilə bağlı 2019-cu ildə tərtib edəcəkləri sifarişlərini vahid büdcə təsnifatına əsasən Maliyyə Nazirliyinə təqdim etməlidirlər.

Maliyyə Nazirliyi vahid büdcə təsnifatını Azərbaycan Respublikasının dövlət büdcəsindən maliyyələşən və maliyyə yardımı alan təşkilatlara, icmal büdcə ilə əhatə olunan qurumlara elektron və kağız daşıyıcılarda çatdırılmasını təmin etməli, bununla bağlı tələb oluna bilən xərclərin maliyyələşdirilməsi barədə təkliflərini 1 ay müddətində Nazirlər Kabinetinə təqdim etməli, dövlət büdcəsindən maliyyələşən və maliyyə yardımı alan təşkilatlara, icmal büdcə ilə əhatə olunan qurumlara vahid büdcə təsnifatının tətbiqi ilə bağlı mütəmadi olaraq metodiki yardımların, təlimlərin və digər zəruri təlimatların göstərilməsini həyata keçirməli, büdcə ili ərzində təşkilatlar yaradıldığı, ləğv olunduğu və yenidən təşkil edildiyi təqdirdə, vahid büdcə təsnifatının “Azərbaycan Respublikasının büdcə xərclərinin inzibati təsnifatı”nda müvafiq dəyişikliklərin aparılmasını həyata keçirməli, bu qərardan irəli gələn digər məsələləri həll etməlidir.

ŞƏRH YAZ
0

Bu günə olan valyuta məzənnələri

Bu günə olan valyuta məzənnələri
09:38
Bu gün
203
İqtisadiyyat
A
Azərbaycan Mərkəzi Bankı 15 oktyabr tarixindən etibarən valyuta məzənnələrini açıqlayıb.

Mərkəzi Bankdan "Ölkə.Az" verilən məlumata görə, oktyabrın 15-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,9635 manat təşkil edir.

1 türk lirəsi 0,2890 manat, 1 rus rublu 0,0257 manat, 100 İran rialı 0,0040 manat, 1 gürcü larisi isə 0,6421 manatdır.

ŞƏRH YAZ
0
BAĞLA