Xarkovda dəhşətli anlar
Ukraynanın Xarkov şəhərində qorxunc hadisə baş verib.
“Ölkə.Az” xəbər verir ki, “Lexus” markalı minik maşını insanların sıx dayandığı əraziyə girib. Ukrayna daxili işlər nazirinin müşaviri, deputat Anton Qeraşenko jurnalistlərə bildirib ki, hadisə nəticəsində 6 nəfər ölüb, 6 nəfər müxtəlif dərəcəli xəsarət alıb.
“Hadisə zamanı 5 nəfər yerində öldü. Yaralılar xəstəxanalara aparıldı. Lakin yaralılardan biri təcili tibbi yardım maşınında dünyasını dəyişdi”, - deyə A.Qeraşenko “Facebook” səhifəsində yazıb.
Hadisənin qəza, yaxud terror olduğu araşdırılır. Sumskaya küçəsində qeydə alınan hadisənin səbəbləri hüquq-mühafizə orqanları tərəfindən araşdırılır.
Ziya Səccad
Ölkə.Az
